今日6點半在床上熟睡之際,突然有1個信息send過黎震醒左正在夢中的我...

於是迫於無奈起身拎起部電話睇1睇,原來係我個好朋友send信息過黎問我食唔食早餐...

當然啦我睇見信息係話請我食所以我諗都唔諗直接打電話回覆同佢去龍園m記相約啦!!

好啦...執好曬野出門到達地點後...我就叫左個豬柳蛋漢堡餐...經過上次既教訓...我係唔會再叫即磨咖啡...

於是我就轉左熱奶茶品嚐下...到我同個fd坐低食野後...佢就同我講凌晨戈陣佢12點幾開始訓起張床度滾左成個鐘都訓唔著...

接住就出左去門口落去佢留下間遊界玩左成幾個鐘...到3~4點準備番屋企正踏入門口既時候,點知不料發覺門口竟然鎖左點開都開唔到...

於是佢無可奈何就周圍遊蕩...到5點幾戈陣就開始坐左起龍m坐到6點半先send信息過黎睇下我起左身未...

聽完之後...我就好奇咁問1問佢...你成日都未訓過嫁wo...重叫即磨咖啡咁新奇刺激?

然後佢就精神奕奕咁同我講...其實我本來都有d睡意嫁...就係飲左杯咖啡後搞到e家又有少少唔想訓...

之後就大家傾左1陣閒計...傾到咁上下後起隔住窗口度見到我個同學呀蟹咁岩起對面經過...然後望1望個時間...都7點半啦...

而同我食m記個fd早就已經放緊大假lu...佢就同我講臨考試前幾日都重要番學升旗...好彩今年畢業考唔洗受苦姐...

然後就同佢道別自己1個獨自番去...1番到學校又比個校務捉頭髮...佢大大聲聲好冇耐性咁講:你個咁既頭幾時先肯剪呀?

而我就拖拖拉拉咁講...下次啦下次啦(其實所謂既下次米就係拖得就拖),然後有另1個呀生答咀話:唔剪既話冇得你考試嫁...

我當時起度心諗:其實我個頭早就2個星期前剪左啦....只不過係前面收得少少姐,唔係咁都唔放過我碼-O-

真希望聽日唔好再撞到個校務睇黎要搵人傘擋1下唔比佢發現先得...唔想又花無謂錢再剪多次...我D本錢已經所淨無幾啦...

再剪真係準備宣佈破產都唔掂當

好啦...打到呢度先啦...結果又係忍唔住開著左部電腦打Blog...

中文考試內容依然都係溫得少少Orz

---考試餘下時間:2天---