今日上午上中文堂戈陣發生左1段離奇小插曲...原定本來係今日測驗...

不過正因為大家都冇心理準備而要求中文miss改期延伸至下星期3先測...

正好聽到呢個消息戈陣,簡直有如放下心頭大石,整個人都鬆弛起上黎...

正岩如常上堂miss起度播緊片戈陣,後面突然間有位長髮既女同學問我腰圍幾多...

其實聽落去都冇咩問題既...然後我就順意咁答番佢好似係26左右...

之後我就順住個勢以平淡既聲氣咁答佢:洗唔洗講埋我3圍比你知?

接住傾左幾句後就另番轉起張抬度繼續訓...

正起度訓緊既途中,突然間覺得有d野唔多對路咁...

當我另1另轉個頭既時候...竟然發現後面個女同學起度用手指量度我既腰圍,

然後把拎出既結果放起張枱度結論...突然間後面班女仔起度發出1d驚奇既聲音:"嘩!嘩!估唔到佢咁幼lo!"

當刻真係整個人呆左起度流曬冷汗...然後回個神來哀嘆咁講:"竟然比你地抽左水!!"

我右下方個女同學1聽到就答話講:"竟然連"子彈"(別名)水都抽?"

正岩中文miss就走過黎,我同佢講:我比後面班女生性騷擾!

然後佢就嚴肅咁問我有d咩証明...我就答覆:咁都要比証明既咩?

接住就話:當然要啦,你邊個部位比人性騷擾先?

起我正諗緊點答覆之下,右下方個女同學就話:子彈佢比人摩到條腰...

然後後面班女生就唔知起度傾緊d咩,不過有1句係我點都會記得..."其實我開學戈陣已經留意左佢條腰好耐嫁啦!!"

心裡諗:"我條腰真係咁有魅力咩...真係難以至信=  =||"

最後我所見到既境況就係中文miss好無奈咁走番轉頭繼續睇片...

但最估唔到既係後期連坐起我右下方戈位女仔都忍唔住偷偷咁量度我條腰既尺寸...

不過戈刻都已經盲目左了...望1望左佢1眼後就繼續全神貫注"專心"咁上堂...

打到呢度算了...餘下時間要準備向"歷史"拋下戰書全力以赴作出應戰!!