呢幾日發生得太多事情啦...實在百感交集1時間衝擊過黎都唔知應該點樣處理好...

前日有個我同佢炒左冷戰左1排既朋友突然間聊番我,

佢1如以往當咩事都冇發生過咁繼續用以往既互動模式黎傾計...

不過由於我早就對佢失去左信心唔想再比佢用以往冷漠既模式黎對待我所以戈時我既處理方法係1句起2句止同佢講d"包裝"層面上既野暫時扮冇事...

不過其實內心早就已經對佢絕望了...所以戈刻都冇乜打算同佢復合...

到第2日見佢起fb度留言稱呼我做"成仔",當時我真係心諗,雖然對你黎講"表面"冇乜野,

但對我黎講卻係嚴重既創傷,點解你可以無視左問題既核心而且重要比之前叫得更親密?

所以我當下即刻回:做咩叫得我咁親密?

之後佢戈下回應就真係轉數快咁都比佢兜到...

佢就當下立即話:咁你想我叫你成神?

當然我睇到呢句既時候都應該隱約估到咩事...

最後我就直接打"..."唔比佢估到我內心中想法令佢胡思亂想結束整個句話黎作為1個佈局既開端...

其實同樣既時間佢有起我個wall度留言講番1 d關於打機上既細節...

戈刻我就再佈多1個局策略性同佢講今日打機網上連線對到你真係好,

我會繼續專心研究番我以往既野,暫時都唔會再接獨打機呢樣野,等到身邊有"另​1個"影響力大既人起我眼前出現為止...

當然啦...我講既"另1個"其實係有2面既意思...

1)你已經唔係我想要既朋友,你對我住何既生活步伐1d影響都冇可有可無.

2)另1點同時暗示住只要佢接住可以做d野打動到我我又繼續打機姐係代表住你起我心中係有非常大既影響力...

咁做又可以比借口自己更堅決唔再打機多搵其他活動!!無論係咩結果我最終都係有得益~~

不過佢好似淨係睇到呢句話表面既層面...佢就好灰咁講姐係放棄我呢個朋友?

我戈刻心諗:估唔到佢都會講得咁直接,真係估佢唔到,比著我係佢寧願講番d暗示性質既野去回番自己...

到戈刻佢發現左問題既存在...不過佢係反問我起我心中佢係米真係咁冇價值...

當刻真係呆左1呆...唔係冇價值,而係我跳落你既角度去睇發覺我起你心中跟本以往1d價值都冇成日冷漠我...

我戈刻浮現出黎既想法係如果我咁快接受番你咁你既危機意識肯定好快就消除1如以往咁依照番以往既互動模式...

呢個係我最唔想見到既結果...如果係咁我寧靜繼續冷戰重好...

然後我指出左佢問題存在,佢話佢自己都察覺到同我道歉

不過我往來都唔受呢套,從文字睇真係好難睇得出你係應酬式咁講想我原諒你定係出自於心中去講出黎...

所以當下我就直接咁講:發生左既事情冇可能1句道歉就可以當咩事都冇,即其道理等同於車死左人冇可能就咁講對唔住就1筆勾消...

現實世界既信號係:你需要為你所做過既事情而承擔錯誤後既負任同處理事情殘局!!

佢好簡單咁講左句:除左補償返一d時間陪下你傾計之外,真係諗唔到仲有咩處理方法...

我戈刻感覺到自己好似比情緒局限左自己既思路方向以致睇整件事情唔夠客觀...

所以戈刻我諗到既係:點解你咁冇誠意,你覺得呢d表面功夫就可以解決到問題核心?如果我純粹搵人傾是旦聊下人都搵到好多啦~~

不過如果又跳番佢角度睇,可能佢有咁既回覆既原因係因為佢自己"覺得"能夠做既係得咁多呢d係盡佢能力內能做既事情...

當然佢真係睇得唔全面...係我肯定1個電話飛埋去同佢傾用"行動"立即証明自己講既野咁我肯定會被打動...

我都忍唔住將自己抽離第3身身份比d意見佢分析番我自己既睇法比佢知...真係唔知點解我會咁做...可能做顧問幫人地分析已經成為我日常習慣...

到最後佢就話要訓先下次再傾...咁事件第"1"日就咁樣完結...到呢步暫時都冇乜問題...不過到下1日就開始失誤下錯棋啦...(請轉去下1篇)