我唔想再做包袱......我永遠係人地前面笑.....有咩用.....永遠都係最冇用嗰個.....永遠有事時...我都

只會笑但係幫唔到任何野......就算出街比個意見我都係一個無主見者.....我又有咩用....有問題既時候

永遠只會令問題擴大....想幫又點......我好多謝咁多朋友冇乜嫌棄我呢個包袱.....

　　人地話...個個人都有缺點...但係我既缺點都太多la掛?優點?係冇呀.....我冇主見冇力氣冇組織能

力乜都冇...有時我都好想搵下優點出黎...但係我真係搵唔到....有時我覺得有人肯做我朋友已經係一

種福氣.....由細到大我剩係識叫人幫我解決問題....人地叫我幫手解決問題既時候....我真係能夠幫到

手又有幾多次呀?或許有一兩次la...但係人地幫我起碼幫左廿幾三十次....我有時好驚佢地會嫌我煩

最後唔理我....

　　朋友唔會介意對方既缺點....呢句說話有好多人都講過...我都好想去相信...但係呢句說話最

後我自己都呃唔到自己....邊會有人想拎住呢個包袱?我好想呃下自己有時d人都會需要我...但

係我真係搵唔到例子....想改變可惜改變唔到....發現自己不足之處...真係多到數唔哂...優點...

真係一個都冇...成績?我連一個書呆子都冇資格做....我仲有咩可以做到?