前兩天沒有寫日記，係時候補回一下先，今日本黎打算剪頭髮，但因為唔想換衫既關係，結果就冇剪，唯有等下星期再剪啦，上午度左一場波，因為昨晚睇果場波火都黎，漢諾威對住雲達果場波，開頭雲達打得好好，很快就入左波，點知５分鐘後，漢諾威就連入三球，其實呢３球根本唔駛輸，成班雲達一有球在腳度，d後場走哂上中場，搞到後防沒哂人，所以就輕鬆就入波，後黎就冇睇，打psp啦，之後睇下賽果，點知３比３，我當時心情梗係開心啦，點知到了８４分鐘，又係因為d後防返唔切，又輸多一球，唉．．．１００元就甘沒左，之後就訓覺啦，到了第２天早上，竟然俾我發現左冷盤，沙希爾星隊對帕丘卡場波，我見沙希爾星隊有４．４倍甘正，帕丘卡根本唔值１．６倍，之後上網睇資料，發覺沙希爾星隊原來係有d料到，甘就買左１００元啦，下午諗住睇果場波，點知睇睇下俾人block左ip，唉．．．香港寬頻真係差呀，最後就上左即時比分啦，之後睇雜誌就啦，到了７９分鐘，沙希爾星隊終於出波，點知到左一分鐘，果球食炸糊，心想唔係ar ma，最後到了８５分鐘先入波，我心想唔好再食炸糊呀，原來真係入左，最後以一球險勝對手，甘就win左３４０啦，下星期再度過．．．．

 今日又再一次流血了，可能我撞到桌角，晚上就睇下個傷口，好彩沒有什麼事，沒有發炎，如果發炎就一定睇硬醫生，希望今次埋口埋得好好啦，因為我怕會流濃，現在沒有好過跡像，如果下星期沒有埋口，就肯定睇硬醫生．．．我最不想－．－

今日大老闆同大高官來了我們公司，我上司很自然要應酬大老闆，下午就一個人跟埋所有野，真是辛苦唷，搞到差不多８點先下班，今天真的很倦呀，好想放一個大假好好休息呀．．．．

 今日終於開始忍不住想爆粗，發覺跟單跟得很辛苦呀，下班前就send了一封e-mail，我本來是想打一封有粗口的e-mail去罵一個人，但都沒有，因為即是罵了也沒有用，我很討厭人欺騙我，明明有d野說了已寄出，但最後都收唔到，說沒有寄就沒有寄啦，成日都找藉口，當藉口用完了就用另一個藉口，最後搞到自己更亂呀，今天我同上司報告了進度，估不到我上司說根本就找藉口，我覺得上司說得沒有錯，明明錯了就唔肯認．．．

今日我上司又話了上海其中一個人，事件就是這樣的，我上司安排我訂購毛紗，發覺有一個顏色已經用完，這樣很自然去訂毛啦，點知訂毛的廠家說沒有這個顏色，點知我找一下色卡，發覺原來一路沒有打過這個顏色，我就同上司說我們之前有安排打色的，點知原來這個人沒有安抃打過這個顏色，搞到我浪費了十五分鐘做這件事，後來食飯前我上司對我說肯定沒打過色嗎?我說肯定，他就唉了一聲，我唯有只有苦笑，最後我上司找另一家紡廠訂毛了．．．

就以上這件事很明顯這個人根本沒有用個心出做，只覺得做事馬馬虎虎，拖泥帶水，我一向認為這個人永遠是這樣的

 今日又試在公司唔小心整親手，傷口都很大，只怪一時貪快啦，剷到起肉，之後就係甘流血，後來我就不斷洗手沖走d血，貼返張膠布就算了，晚上返到去沖涼個陣，痛到high high，最衰整親隻右手，搞到做好多野都唔方便，唉．．．呢兩個月好似好黑仔甘，唔知重有幾多衰野等緊我?

 昨日睇左一場波，國際米蘭對費倫天拿，發覺國米打得好好，哥杜巴守得好好，冇他，國米肯定先死２粒，而且施薩做龍門本份好好，梅度同偉利的威脅都幾強，但逃不出施薩五指關．幸好告魯斯打得很好，１１分鐘入左一球，但依巴仔就差左d啦，他下半場連續射３次個龍唔入，真係笑死人，捷禾就更差，冇態之如，遠射竟然炒粉，呢兩個人下次唔該打好d呀

講返今日先．今日輪到上司病了，可能是我又傳染給他了，現在我好返7788啦，不過把聲都係沙左d，唉．．．．真係好想快d好返呀