今日唔記得左貼膠布，搞到我又痛左成日，今晚一定要記得貼，呢排身邊有朋友腸胃炎，真係要小心一點了，話甘快又星期四了，真係好想快d放假呀，皆因我想訓覺，好想訓足一日．．．．．

 今日又忙左成日，結果搞到差示多７點先走，現在條頸好返好多了，不過如果用力過度既話就會痛，睇黎唔可以再亂來．．．

昨日又有一種不祥既預感來了，計上一次１月果次中左，如果你有睇我之前１月既日記應該有講過，總知我只好勸大家小心一點了．．．．

 今日返工特別不開心，一來可能因為頸痛既關係啦，我已經冇甘火架啦，點知我上司同我講，可不可以較返好自己個位，因為我後面果位同事放左好多板係果位前面，結果我又俾我上司話我幾句，又話我周圍郁黎郁去先搞到甘，跟住我只好聽佢講，費時再駁佢，之前一次因為我駁佢，搞到佢罵左我一獲金，係我走個陣同我講，一人讓一步，我心想我果位已經冇咩位架啦，而家重要得返一邊添，又話我生甘高遮住d光，好明顯人生攻擊啦，終於見識到有佢講冇我講，如果我講又話我駁佢，又罵爆金

如果你係我真係點做好?我係咪應該現在辭職呢?

 呢個月真係黑到爆，昨日又唔小心拉親條根，結果推左我兩位好朋友，係度講一聲對唔住先，明明應承左陪你睇褲，結果冇陪到，係度講聲千千萬萬個對不起呀，還有昨日打黎給我既朋友，我不是有心cut你線，係因為太痛，唔想聽，係度講聲千千萬萬個對不起呀，就回昨日的事先，昨日企，坐，訓都痛死我，基本上好似個生不如死甘，以前都試過一次，估唔到今次又黎，睇黎呢年真係黑到爆，其實我之前係沙田求左枝簽，枝簽話我呢年身體要小心一些，我都有所警惕，但千世都估唔到昨日終於黎一單甘既野，現在都係貼左d藥膏，都冇咩作用，加上昨晚基本上沒咩訓過，都唔知４個鐘有冇，因為太痛既關係，果一刻真係好想死左去，痛比死更難受，如果要我承受一世痛楚既話，我一定會選擇死亡，因為我是怕痛的．．．．

呢個月真係可以唔駛出街，完全可以推哂所有節目，又係時候同社會脫節了．．．．．

 今日阿剛終於考到車牌，恭喜哂你先

今日返到工，d野都搞掂得７７８８，明天應該可以完成，應該這幾天可以唔駛甘夜走，今日冇咩野發生，所以冇咩好寫