今日放3點30分，之後就買左吉野媽返屋企食啦，７點幾就出左太子啦，因為我條水晶繩斷左，都成半個月了，加上呢排冇出旺角，所以冇點理到，去到間整水晶鋪，點知俾我鋪頭只得兩個不錯既女仔，一路以黎我只係間鋪頭個一個中年男人，估唔到收埋左２個不錯既女仔，話甘快整左條水晶，跟住去左朗豪坊搵阿文，阿文同阿蛇佢地，佢地睇波衫，睇完之後去左大角咀食野啦，個度D野麻麻啦，最後埋單每人７５蚊，之後阿蛇約左人走左，得返我，阿文同阿峰３個，去左M.C88打機啦，最後每人打左５０蚊，我地唔係玩灣岸，去左最底玩大富翁同BLACK JACK，呢２隻GAME真係好上隱，玩玩下真係好到停到手．．．差不多一點返屋企啦．明晚又有另一班朋友約我，去還是不去好呢?

 今日成日係屋企，睇左２套日本既電影，一套係等待，為了和你相遇，而另一套就是妹妹戀人，兩套都ok，因而２套都有我喜歡既明星，之後有個女仔搵我玩online game，同佢玩左３－４個鐘度，玩到成個人頹哂，十二點幾就訓左啦，這一天真的好想放得好長．．．如果可以永遠維持就好啦

 今日終於完成了手頭上緊要既工作，黎緊應該唔駛甘夜走，希望如此．．．．今日６點３０分就放左工，之後搵左阿星，去左黃金買usb手指，買完之後就去左彩虹仙子食野，之後去左活力城打左一陣機，跟住行左幾個圈之後就回家啦，沖左涼之後就打左一陣psp，終於打爆左tales of eternia，果大佬重難打之前tales of phantasia，因為佢魔法實在太屈機，最後打左半個鐘先win佢，真係用左好多回復道具，打完之後就訓覺，明天down返隻tales of rebrith黎玩下先

 今日一早上班果陣，突然有一個電話打黎，點知原來係蒼仔打黎，同佢傾左一陣就返工啦，返到工又搏殺，而家都慣哂，晚晚做到７點後先走，之後就回家啦，完全覺得對所有野都麻木哂．．．．．

 今日由於要搵野先寫下日記，前幾日睇左求婚sp版，真的好正，長澤同榮倉真的很正，簡直係一套good片，剛剛係個blog轉左歌同wallpaper，感覺煥然一新，首歌係以前一首舊歌，我覺得這個歌詞很有味道，每一次聽這首歌都回味以前，感覺很好．．．

現在既我完全封鎖於自己既世界，完全自甘墜落，這樣也好，什麼事去理，不去關心，做一個沒有對任何事感覺的人