這排因為沒咩心情，所以都沒寫日記，首先係度同蒼仔說一聲對唔住先，因為昨日我應承你出街，最後我推左，實在太好不意思，我想這排我都冇咩心情出街，其實這星期開始已始已這樣，昨日還俾阿剛說我像人間蒸發一樣，其實不他一個，還有好幾個，係度同你們說一聲不好意思先，其實這個星期晚晚都開O.T，差不多晚晚８點先有得走，做到成個人頹廢，放左工之後就很想返屋企，對住部PSP狂打，基本上這個星期晚上回家後都沒有點過部腦，只是用黎開左攻略網黎睇，係今日悶D先開下部腦，今日本黎想出街買野，但想下想下又唔想出，主要原因是太多人了．．．．．

太多朋友對我來說是一件很麻煩的事，係我在這星期突然想出來的，一個弧獨的人應該回弧獨和冷冰冰的世界，不是嗎?

 昨晚一大班人出左黎食野，去左尖咀一間酒家食野，每位１００元，我覺得d野食都ok，食完野之後就打機，打到十一點幾就走人啦，返到屋企十二點幾，沖埋涼就訓左覺

 昨晚同阿剛阿星出左街，５點鐘出左去約左碼頭等，之後搭左船去灣仔等，灣仔果然變左好多，同以前不一樣呀，我地去了灣仔１８８和game and fun打左一陣機，之後就離開了，搭返船去尖沙咀，再搵埋阿星食野，今次我地去左石頭飯，不過我覺石頭飯太細啦，食唔飽人，而且又十分之熱氣，總括黎講很好食，食完之後去左華貿睇下有咩戲先，點知一套都唔岩睇＞．＜，後來就去左旺角打機，１２點幾返到屋企lu......

 昨日同蒼仔出左街，本黎約左３點３０分，本黎想推到４點，但因為佢出左去，最後３點４０分出左黎，之後去左旺角陪佢整機，跟住陪佢睇電話，點知同sales傾左一個鐘，估唔到佢都幾開口講野，以前識佢都唔係甘，可能太耐冇見啦，所以不太了解佢啦，睇完電話之後，佢就陪返我買CD啦，今日又入左隻CD，實在太好了，買完CD之後就陪佢拿返部電話，之後搭車去深水埗食明將壽司啦，點知要等個半鐘，中途帶左佢食左碗牛什，佢話好好食，我話朋友介紹既，食左之後又返去等啦，最後去食壽司，我食左１０幾碟，而蒼仔食左２０碟啦，講真真係麻麻地，又唔可以話唔好食，食完之後就返屋企啦，返到屋企10點３０分