今日一早由於幫公司俾文件既關係，所以可以訓遲３個字，返到公司差不多１０點３０分，d野都係多d成坐山甘，最後做到７點３０分先走，都完成左一半，希望明天可以做埋個另一半啦，放左工就去左提錢，計下計下點知呢個月唔多夠錢駛，睇黎呢個月真係要慳d駛，後幾天要同朋友出街買東西，現在又要想一下邊日得閒，可以陪這位朋友了

 昨日一返到公司好多野做，最後做到差不多３點先走，d野都係留返星期一先做，放左工之後就搵左我個朋友，跟住我地去食元祿壽司啦，，每人食左百７蚊，之後我有一個朋友返屋企先，得返我同另一個朋友，後來我話唔想甘早返屋企，因為果陣先６點＝．＝，冇乜理由會返屋企，之後我就提議去旺角，因為我朋友剛剛從加拿大回來，所以就帶他去旺角，我地行左金魚街，朗豪坊，在我同朋友行朗豪坊中，見到一位公司女同事，我發覺我同她好有緣，之前都試過撞過２次，從未試過係街撞過公司的同事，之後我朋友話想睇賤郎３００，跟住就打俾我朋友邊度有場，後黎知道尖沙咀華(貿)有場，好彩唔係睇奪帥且，因為知道爆左場，全部坐滿人，估唔到呢套片幾多人睇，可能宣傳做得好掛，睇完賤郎３００，我好後悔為何會睇這套片，我朋友都說一樣．．．．呢套片重衰過奪帥，雖然有搞笑位，但後尾實在太爛，簡直不知所謂，睇完之後就回家啦

真的很累，要好好地訓一覺

 昨日同朋友去睇奪帥，本黎我對呢套片應該好大期望，點知令我極度失望，根本冇咩打鬥既情節，呢套戲只可以俾六十分，係睇戲之前去左買波，原本唔多想買，點知阿剛和阿星唔想離開馬會，所以即場度左場波，最後只要阿剛和我買左波，阿剛買左非燕諾讓球勝，個賠率只得1.55倍，佢就買左１００蚊啦，後來唔駛估都知，梗係輸左，而我買左基達非win，我見賠率幾好分，有2.05倍，不過我發現左贏錢之道，以後買親波都一定睇左果樣野先可以買

今日做足一日，放左工去左馬會提錢，學阿星1 win 即trade制，阿星這個提議很好，主要目的是有錢就會太搏，每個星期下訂要賭幾多，輸左就下星期黎過．．．．．

 昨晚睇左車路士對熱刺，睇完之後我決定以後唔賭波，根本打假波，明明車路士打得好好，但輸左個十二碼之後就一盤散沙，最後係加昤輸埋添，我只能說一聲，車仔運氣不好啦，其實呢個都不好，還有阿仙奴前鋒伊度亞度達施華和國際米蘭既史坦高域都被相計踢斷腳，可以宣布提早收咧了＞．＜，以後轉攻聯賽冠軍算了，起碼唔駛次次睇到甘火，不過注額要大一點，暫時睇中左２隊，可能兩隊會買５００蚊或１０００蚊注

 昨晚同朋友打通宵牌，由昨晚１１點打到今日下午１時，最後都係輸左百幾，其餘兩家，一個輸３百，一個輸７百，冇打２年牌能保持這個優勢已經很好，返到屋企訓左覺，覺到６點幾我朋友打黎，話出街食野，之後就去左apm總共５個人，原本今個星期係去食壽司既，不過有一個女仔話唔舒服，最後我地就改左去一個叫羅馬間野度食，埋單每人９０蚊，我覺得都ok啦，又唔可以話唔好食，但又唔可以話好食，食完之後就行左一陣apm，就回家啦．．．

今晚有車路士對熱刺，希望車路士可以拿冠軍，向４冠王前進^.^