今日放左工見到一對情侶，開頭我覺得冇乜野，但黎到鑽石山地鐵站果陣，果女仔說落車，但點知係去第２條線搭車，我心諗果男仔唔落車既，應該係下一個站落車啦，點知去到黃大仙站，發覺男仔唔落車，很奇怪，之後沒理到就返屋企啦

 今日冇咩好寫都係講下昨日果場英超大戰，曼聯對阿仙奴，上半場兩隊都好肯攻，但都冇波入，直至下半場無耐，阿仙奴得到果角球，艾迪巴約就頂入左，我睇到雲達沙果下呆哂，之後曼聯狂玫，到左３分鐘阿仙奴有位球員在禁區內犯手球，俾罰１２碼，之後c朗拿度射十二碼，點知第１球唔計，個下真係要吊下佢，之後再補射，好彩先射出入，之後到左７０分鐘，阿仙奴又有球員犯手球，不過今次係禁區外，之後夏格維斯操刀，個球令到無得彈，雲達沙果下呆哂，之後阿仙奴狂攻，有幾球必入球，好彩雲達沙不錯，結果就反勝２比１，真係開心呀，不過有個人真係要吊下，果個就係朗尼，佢有幾球有機會入，點知佢係對住個龍門員黎射，今季真係冇態，如果下季再係甘肯定一定被賣走，泰維斯不錯，我幾like佢呢個人

P.S:今日有人問我儲甘錢多有用咩？不果呢個人咪又係儲錢，咪又係帶飯返公司食，又慳埋果２蚊雞港鐵，又要食D平野，重話上個月儲５千蚊，講真你自己咪又係儲錢，又問人儲錢有咩用？簡直唔知說你白痴定係憝鳩．．．．自己檢討一下吧，重有知道你人工多過我啦，大把錢儲啦，得未？

 今日到訓到十一點幾先起身，之後就不斷有朋友打俾我，同阿釗傾左一陣之後，蒼仔打黎搵我晚上出街，但最後推左佢啦，因為太倦，而且天氣太差所以唔出，結果今日成日又係屋企啦，明天又要上班，唔知幾時又星期六呢?

 今日放左工就搵阿釗啦，之後去左食大家樂食野，跟住去左佢屋企啦，六點幾就出到旺角，跟住首先陪佢換野，之後陪佢買公仔啦，跟住志遠到左，就同佢換野啦，之後就買鞋啦，得我同志遠買鞋，佢買左reefork，而我梗係買返puma啦，而阿釗睇唔中就沒買啦，之後去左沙嗲王食野，每人一百蚊，中間發生左一段膠事，事件就這樣，本黎我說想要紙巾，點知同果侍應姐姐說，唔該要乾淨既紙巾?點知女侍應黎到就話呢d紙巾好乾淨-.-，我當堂膠哂．．．食完之後就返屋企啦

 今日睇左NBA賽事，金塊勝了關鍵的一仗，如無意外應該可以打入季後賽，這個消息實在太好啦，最好拿埋個冠軍就好啦，不過冇咩可能，今屆隊隊都唔錯，冇話邊隊有冠軍相，希望金塊打得更好啦．．．．．