今日發生左一件事，幾乎每次都感應到，話說下午出街時，心口又一種陣痛既感覺，我當時心想又有不好既事發生，結果真係應驗了，係公司整親隻手指，而家有一隻手指用不到，而且重係右手，後幾天肯定打字極不方便．．．

前四日因為多野做，所有沒寫日記，說回昨日先，昨晚約左阿剛，阿星出黎食飯打機，果度ｄ咖喱真係好辣，食到我ｄ汗都漂左不少，之後就談天，聽左很多膠事，人都膠左ｄ，跟住就去左打機，打到十二點半就走左啦，返到屋企都成點幾，４點幾先訓覺．．．又迎接新的一天啦

今日九點去左新蒲崗幫公司拿野，點知要等到差不多１０點有人，真係黑到爆，返到公司差不多十一點，２點放左工，去左機鋪打左一陣機，買埋飯就回家啦，係回家途中不斷想野，發覺有很多東西很不明白？

今日如常甘上班，點不知最遲一個返，而且請多左個人，中午要出街，只係買左一個飽，加一枝野飲在巴士上食，下午返回公司，６點幾就下班啦，晚上為了提早慶祝母親節，請左我屋企人一齊食飯，食左二百幾蚊，錢不是問題，最重要用得開心．．．．

昨日姐姐說得對，現在心情好好多了，而且我還有一個目標，無論以後將來是點，我都會等下去，為了她，我願意無了期甘等．．．．

 

這個夢係令我有點兒迷感的，其實這個夢是三月中度發生的，而且是有顏色的，我記得有人說過如果個夢是有顏色的話，是會夢想成真的，其實我都有盼望過希望會實現，不過我想應該沒有可能的，現在係時候說一下夢境的內容，今次的地方是在慈雲山，我記得果度都很荒蕪，只有一個黃泥色的地方，我當時拖住我女朋友TRACY，我想應該是分手後，再係埋一起吧，她行行下街對我說想玩NDS，之後我就拿部NDS給她玩，我還記得我攜帶的袋同NDS顏色同現實一樣的，簡直難以至信，之後我就去左她屋企啦，去到她家中，見到她的細路，她細路對我說你很久都沒上過我家了，其實現實的我，如果真的復合既話，我應該不會上她家，原因可能覺得沒有臉目去見她的家人吧，同我還未有心理準備，說回夢境先，之後冇幾耐，我就拿部NDS出黎玩，她細佬見到我玩，就立即問我可以給我玩一下吧，之後我就俾他玩啦，我同TRACY就傾計，冇幾耐，伯母就回家啦，她問我食不食埋飯，我當時其實很驚的，點知TRACY就幫我回答，他會食飯，這種情況同以前一模一樣，我真的真的很開心，之後到了食飯時間，伯母就問我做咩甘耐都唔上黎？其實我不知道點樣答她好，心想唔通答分手咩，不知為何我很在意分手的事情，真的很不明白，之後我說我同返她在一起，所以我上來了，她問我做的飯好食嗎？我說好好食，之後就醒左了．．．．

昨日同阿星出左去打機，所以昨日沒打到日記，昨晚心情真係好爽呀，食野二十二蚊，打機應該接近一百元，十二點幾回家啦，整晚真係很開心，用百幾蚊換來既快樂真的很爽，這種一剎那既快樂以前真的很討厭，現在反而我都愛上了他了．．．．

Ｐ．Ｓ：覺得自己對以前既野開始淡忘了，其實我覺得都好既，係我一路以黎所盼望既野