為左我既結他        我賣左我心愛既psp

之後就走左去買結他   點知又落雨      黑色暴雨果時走去買結他     全程得個跑字

買部新既結他同埋新既amp洗左我１千８百蚊　　　依家個銀包好空虛　　　得番百四蚊

不過為左我部新結他都算值既

打番琴日既 

琴日我同黃家禧走左去圖書館到做功課,最後變左打psp

夜晚果時,我表姐冇啦啦話要去m記到食雪糕,之後我同表姐同埋bb一齊去m記

我同表姐要左2杯double新地,bb就要左一杯2.50既雪糕

嘩!bb食到成隻怪物咁,我地行緊番家個時超涷,之後我話:天寒地涷去買雪糕,咩主意黎ga

杯double新地勁甜,我番到去果時比杯雪糕甜死

我趴左係沙發地叫:我比杯雪糕甜死啦!杯雪糕比人落毒啊!m記呢個邪惡既組織，ｍ係一個邪惡既英文字母！

有成個月都冇打過qooza    不過算啦

我今日既節目勁豐富      我今日9點去左睇愛麗斯

之後同成班fd去玩psp同行街

2點就走左去學結他       今日果阿sir唔得閒      所以轉左做個miss     同個miss  2個人係間band房到練左成2個鍾    

miss走左之後我自己再練左半個鍾      姐係我練左成2個半鍾    依家d手指都幾痛

4:45  阿him佢地3個又叫我去apm     係apm到打psp同行街    

最後我地諗住食埋野先番去     所以就行左觀塘裕民坊成粒鍾　　　最後冇食到野就番左家

琴日星期５我同嘉龍要去長跑　　　　我同佢明明有帶衫都特登唔換　　　之後我地２個做緊ｓｅｔ　ｕｐ果時　　

師姐叫左我一個過去見佢　　　點知原來係個ｆ１既小妹妹要問我攞電話

我答：我都冇手提電話　　　　之後就走左　　　　事關我唔多想比佢

我發覺我呢排都幾有女人緣　　　其實今日教我結他果個ｍｉｓｓ都幾靚同幾好人

嘻嘻！

終於打qooza啦!其實我係唔太想打，因為我好懶，我連去按個qooza個鍵都懶得唔想按。不過人地叫我打，我係打下囉!好啦!係時候講我呢排做左d咩，我呢排去左玩結他，我係星期日果時自己一個人走左去葵興買電結他。不過帶唔夠錢買擴音氣。唉!搞到依家個結他冇聲出，仲有第一日我就整爆左個結他袋，搞到依家個結他攞唔到出街。我諗住星期四就去學，我支結他諗番起都覺得太平，我係果度買只係買左590蚊，因為係批發，原價900蚊。我會係呢個新年狂練電結他。唔好哂左支令令結他，我仲買左d好令既pick，愛死你啦!

今日我有長跑隊，我地全部人都去。有我 龍 鋒哥 阿謙 軒仔 恆 仲有好多人

今日跑800米，要跑成4次，跑到我 龍同埋鋒哥腳抽根，真係好痛!成3200米啊!仲要未計熱身圈。

不過好爽，d風吹過黎好舒服，好鍾意。鋒哥跑個時好令，佢跑既動作好迷人，仲有佢跑得好快。

我輸左比龍同鋒，唔係幾服，得閒挑機啊!

長跑隊d人跑個時好優美，特別係鋒哥，直頭係迷人!好累啊!

今日我去左睇班排，我本來仲諗住有料到tim，原來垃鴨為多。

到左我地班比賽，我去左幫第2班打氣，做左25仔。其實只係我一睇就知結果，根本就冇得打，仲有用錯人啦!

唔係話打擊你地既自信心，只係根本就註定輸，所以唔好抱有太大期望。最後我地班一出場就死哂，循例講番句2a唔好灰心(癈話)

我今日補打番星期一既日記

今日去左長跑隊，好好玩，雖然只係做體能同跑步，但係幾好玩

長跑隊d人好友善，有幾個對我好好，我會記住。

長跑隊有好多個都係怪物，阿sir叫我地跑全校5個圈，佢地用左10秒就唔見左，太快!特別係黃劭恆

我長5個圈個時係攞住2個啞呤黎跑，我跑到第4個圈時，我一放下個啞呤，我超快。我竟然我d氣足夠我爆1圈，變態的，我想問下你地我係咪怪物？

我竟然愛上左長跑，我愛你!

我係做體能見到一d好迷人既野，有人話後面有料到，我一睇，原來係笑料。

星期5我都會去

今日男班長叫我同鋒哥一齊去買蛋糕

我同鋒哥都話無所謂，一齊去囉

去到觀唐，話就係買蛋糕，之後去左買0食

之後又要番上去買蛋糕，帶我地走黎走去

我同鋒哥都覺得係做左苦力，個書包好重ga

不過我冇後悔，因為真係好好玩

如果唔係佢，我都唔會去啦

最後我地走啦，估唔到係地鐵站見到佢地，我同鋒哥係咁笑，之後閃埋一邊，佢地扮睇唔到，我地都無反應。

番到去油塘我又見到佢，太巧合啦!我又扮睇唔到，唔知佢見唔見到我呢？

今日好好玩啊!

琴日我去左apm度睇戲，睇2012。

我係同我阿媽去，睇完之後我覺得唔係幾好睇，可能唔係同我既fd去啦。2012都算ok啦，唔算好好睇。

 一d都唔感人，仲好搞笑tim。

之後今日我又睇理d-9異形禁區，呢部戲先算好好睇，雖然係我自己睇，不過部戲超刺激。最尾仲好感人tim。

開頭:you so dangerous because i love you

i wanna be with you

i need you everything

中段:believe in love you

everytime we touch

i wanna be deep lonely

a never ending dream

oh,why i cannot sleep

because it's a big bad love

尾段:so i cannot control

wouldn't it be good

want you start the end

ready for love

byMr SHB慢半拍練俊文

呢首歌係我作既，歌詞內容很好，不過未完成，中段可以重複2次。歌名我諗住比你地比意見