講緊既正係係奧運開幕禮唱"歌唱祖國"的妹妹仔-林妙可.

我記得果日睇到呢個妹妹仔演唱時,都覺得佢幾靚,幾得意,唱歌把聲又甜.,重係幾萬人前唱歌都唔怯場,果刻真係幾鍾意佢.之後呢個好既image都一路keep住,一路到我知道呢個消息.

本身睇時都唔係幾信,嘩,咪咀喎,仲要係奧運會開幕禮度,對住全世界唱,有冇可能呀.但睇到係係官網度爆出黎時,真係"下"左一聲.之前美好既印象登時灰飛煙滅.

乜咁假架.

據說,官方解釋話林妙可演唱係因為佢對外形象好,係為左國家利益.下?一個9歲的妹妹仔可以有咩對外形象?個樣係靚D,但形象好唔好冇可能就取決於佢既外表.況且代唱果個又唔係好醜,點解唔可以畀佢出黎唱姐?如果代唱果個知道佢唔可以出場係因為佢唔夠靚,多佢黎講都好hurt姐.至於國家利益,搵一個小朋友出黎唱歌,雖刖唔係幾靚,但都叫唱得丫.好過而家爆左出黎話原來個小朋友係假唱既,搞到全世界都知係造假,咁咪仲損害國家利益.

坦白講,我覺得呢單咪咀新聞令成個完美既開幕禮留左一個不可磨滅的污點.

相關文章:國家利益

            全力支持奧運開幕「造假」

            可以「咪嘴」嗎？