呢個禮拜都被test,project搞到我暈陀陀,所以就打左個qooza入冷宮.我在此謹對成日好有心黎探我而每次都失望而回既朋友道歉.

    星期二day4Eng.lit堂,呀sir又大發雷霆...

    話說果日recess完左排隊上班房,行到一半時唔知點解房門畀人關左,我地後尾果半節果入唔到去.惟有企係門口呆等...(呀sir唔畀我地敲門然後自己行入去架,佢話未經得佢批准,就算敲左門都唔可以入.要企係出面等,佢到適當時候就會開門畀我地入喎...)過左一陣佢開門探頭出黎話我地late,因為佢見到前面D人入晒,我地過左一排先黎到.但其實係前面其他班D人阻住,搞到我地跟唔到前面D同學,所以入唔設班房.我地驚畀佢罵,咪叫我地班個prefect幫我地同佢解釋囉.個prefect於是敲門啦,但敲左幾次佢都無理到.之後佢又開門,用罵人既語氣同個prefect講佢唔好再敲,佢到左適當時自然會畀我地入.跟住個prefect畀佢嚇走左.

    就咁樣,我地就係出面漫無目的咁企.期間我地隱約聽到佢係入面罵人話咩:"YOU ARE NOT CONCENTRATE IN MY LESSON!GO OUT! OUT! OUT!"我地嚇傻左...係度諗入面發生咩事...之後就見到有個同學行左出黎...

    4個字之後,佢終於開門出黎,好嚴厲咁同我地講話我地late,係我地既錯.同埋佢自己會識得係佢認為啱既時侯開門畀我地入.我地叫prefect係無用,就算係校長佢都唔會理.之後佢又講話我地summer time 得7個字上堂,我地排隊上黎又晒左D時間,我地絕對唔可以再late咁話...

    其實我明喎,我明你想爭取時間快D教書畀我地prepare考試.我都明白而家上堂時間真係唔夠用,搞到你上堂好趕.但係我地真係唔係特登late架.你聽我地解釋好冇?