可樂 - 第一年識，一開波覺得佢好白痴，到依家都係!神神化化古古怪怪咁!
阿堅 - 第一年識，當初同佢唔熟，後尾佢有時都串我，講野又大聲!最記得佢
成日係MSN問完呢樣又問個樣，之後就會答句好啦好啦-0-...
邪惡傑 - 第一年識，真係好邪惡，但係唔知點解又嬲唔落佢，好搞笑!有時都可
以玩佢，但係我多數都係畀佢玩，飲咖啡個件事咪佢玩野架囉!記住同
我打佢!
磁磚 - 第一年識，有時我又會欣賞佢好認真個樣，但係有時又會兇我..好無奈!
鬼叫自己生得都唔算高咩，唉!不過有時問佢數都幾好!希望佢有好出路!
敬烽 - 第一年識，最記得磁磚唱完我英文名叫REX之後，佢係日日不停咁叫，
最後佢都好似無再嗌到..咁都好D!
冠樂 - 第一年識，當初同佢完全唔熟，成日lunch早上黎課室都見到佢，可能
我同佢無話題可言，有次我知道佢無番，但係D老師唔知佢無番..難道
佢係非一般的隱形學生...
FK - 第一年識，當初同佢又係完全唔熟，但係坦白講，我覺得佢係呢一
班最靚仔o個個!覺得佢好似小池澈平!記得佢成日玩2彤姐..哈!
流水 - 今年見到佢發奮左，好難得佢都會睇報紙學英文囉!應該頒個進步獎畀佢
先岩!不過我覺得佢皮膚過白，大家睇下張班相就知我講乜..
腸 - 第一年識，為人幾親切，有問必應!不過成日搞班會活動，碰親D電腦野
都要黎搵我，我依家電腦好勁咩...呵呵!
MAX - 今年同上年轉變好大，今年佢搞笑左唔知點解!成績又好左，轉性?
短人 - 呢個真係大排講，如果大家經常都黎睇就知發生咩事，呢個飛!
Frankie - 第一年識，依家覺得佢好煩，成日係我耳仔到講野，講野個陣又要用
佢D尖指甲插人!好憎佢成日拎佢頭髮D音黎扮型!又話自己識GEL頭..
泰利 - 今年變得邪惡左，F.1個年記得佢成日惡意串我!不過今年唔係囉，同佢
玩都幾開心!不過跟埋邪惡傑一齊之後就變得好邪惡!
波波 - 第一年識，為人親切有禮!又玩得，班裏邊有唔少笑料都係關於佢!最後
我都有同佢影相，希望第時廚藝之路成功啦!
Chiyung - 呢條粉腸..好有禮貌咁問數，佢都會串我!家陣敬酒唔飲飲罰酒，想
激起我把火!佢係班裏面我串到最多o既其中之一個!第一年識!
成 - 第一年識，之前聽過佢大名!不過又同想像中唔同，記得佢個D梅竹青馬，
斬腰，好傻仔!但係又好好笑!最好笑就係我有時都串到佢...哈哈!係班裏
面o既中心人物，到最尾歌唱比賽佢都可以帶領全班!希望佢繼續讀lsc!
傻邱 - 當初極度討厭佢，無啦啦又會搞我，食屎啦你!(到依家仲未平息怒火)，
你靚仔咁有點，個格衰!不過後尾都ok o既，我唔搞你你唔搞我咁囉!
Sam - 同上年無乜分別，得閒吹下水咁，佢又唔會抗拒女神個D!
差唔多全班都係第一年識，不過都有好深感情的!完!
|
