例行公事，上年都有做到，今年再做多一次!(用口語)
今次post左女仔先!
陳紫華 - 之前走左，同佢唔熟，依家msn封鎖佢，因為佢一日send 4次毒
畀我!...等佢唔send毒先解封!
FF - 無乜感覺，因為同佢唔熟!好記得2彤姐話畀我聽佢話同我唔熟!
飯摌 - 第一年識，為人幾好，得閒都吹下水，有咩唔記得都可以搵佢，值得信任!
女神 - 記得之前好無奈咁畀人話我同佢飲咖啡囉!唔知邊個呢?最記得係佢係4b論壇
發表好多廢問題，同埋好難同佢溝通，把聲又嘈!
思婷姐 - 第一年識，係我o既競爭對手，因為太勁!不過為人好，好少串人，反而我
就會成日去串人囉!呵呵!亦都係值得信任o既一個人，得閒同佢吹下水咁!
Beauty - 第一年識，之前聽過佢大名，不過佢都算係對我幾有禮貌，唔煩個陣都
幾好人，最好就係佢好似乜都有咁!不過佢今年要留班..好憎佢係度大笑!
2彤姐 - 上年識個陣唔熟，今年同佢好熟，差唔多日日都傾msn，同佢都處理左好
多班上的問題，特別係班際歌唱比賽，同我一樣咁串嘴，哈!有時都畀佢串
到，佢句名句就係fact..畀佢吹漲!
念珊姐 - 第一年識，另一競爭對手，最記得佢成日係msn震我，搞到我lag機!
不過為人親切，但係佢係matteo o既俘虜..有時放學番學都撞到佢!
女主角 - 今年幫佢改個花名叫女主角，佢今年串嘴左!
特特 - 第一年識，當初唔係好熟，直至坐隔離位先熟!有時有野食，魚仔餅!亦係
因為佢，我開始上堂偷食糖..哈哈!有時佢都幾白痴!下學期好似乖左!
阿宜 - F.1識，之前完全唔熟，今年熟左好多!見到佢另外一面，定係佢變左?佢變
得好敢言，係我地班o既發言人!好夠薑!自從發現左佢xanga就一直睇，發
覺佢心裏都好多掙扎，希望神可以幫助佢搵到間好學校繼續讀!同特特好唔同!
Sowan - 同佢之前坐隔離位3次，今年好似無!同佢無乜好吹，不過最記得佢成日提
起我有3個家姐囉!
杜雪 - 第一年識，當初好憎佢，覺得佢好姣好八婆(唔好怪我)..成日帶佢條仔係課室..
不過後尾對佢感覺轉好，佢仲成日教我econ!為人親切，恭喜佢可以升中五!
大導演 - 第一年識，當初唔熟，後尾先熟，為人親切，都吹得到!
嘉妍姐 - 上年識佢係黑口黑面，今年見多左佢笑!不過始終都唔係好熟!淨係知佢鐘意
飛輪海同埋有收費台，我淨係睇花師奶...
愛鎔 - 漏左打，sorry!對我都有禮貌，又成日笑!
阿君 - 漏左打，sorry!第一年識，覺得佢神神化化，古古怪怪咁!哈!有時捉唔到
佢情緒，好有挑戰性!
雁怡姐 - 第一年識，同佢唔多熟，有問必應咁啦!最記得我問佢msn之後畀人唱囉!
|
