✿ 日本料理搭邊爐？ ❤ 八幡屋涮涮鍋早陣子同好姊妹試過八幡屋的日本料理之後，發現這間店原來還有間涮涮鍋！
加上東張西望都有介紹過，好像很吸引呢∼
於是決定同老公去撐下枱腳啦 ❤
嘻嘻，放工後六點半就到達啦，所以唔駛點等位就入得！
（之後食飽飽八點鐘走的時候，門口就好多人在等位囉）
這裡90分任飲任食，以牛肉為主題！
今次我地就叫了「嚴選黑毛和牛」同埋升級「至尊海鮮盛宴」呢！
嘻嘻，今日我地點了鴛鴦鍋！
辛辣泡菜湯以及蕃茄濃湯❤
蕃茄湯底味會甜一點及濃郁一點，而泡菜湯則是鮮味一點呢！
「嚴選黑毛和牛」
色澤鮮明的牛肉，灼過後吃下去好鮮，肉味好濃呀❤
因為老公戒牛的關係，佢點了美國黑豬來吃！
豬片切得薄薄的，縮短了煮熟的時間❤
吃下去肉味亦是很濃的一種，第一次覺得火鍋灼豬肉原來都好好味，唔一定要食牛呢！
話說回來，之前加了錢升級有海鮮配料❤
蜆、帶子貝、海中蝦、廣島蠔、鯛魚片。。。
蜆灼熟後變得有點細粒，不過肉味好鮮甜好正！
蝦跟魚都好新鮮，蠔亦唔腥又好鮮美。
另外，亦有三款刺身！
見到蠔的擺法就想起了放題那間分店，都是一啖唔需用餐具就咁食得。
生蝦亦大大隻，好肉地又鮮甜。
吃到咁上下就去找找配料！
原來餐廳早已滿場啦。
火鍋配料有好多選擇！少不了丸類及蔬菜類等等。
就是弄個醬油都好多配料選擇！
我最喜歡落芫茜跟炸蒜，配埋少少酸味好爽∼
場內還見到有咖喱牛肉配白飯，男士們有飯落肚可以更抱抱！
嘻，我就最愛吃蔬菜類，所以夾了好些瓜菜及菇類回來！
見到小熊仔的魚旦好得意，又忍唔住夾！
我最喜歡那個大菇菇，灼後好鮮甜沒有青味。
"福袋子"灼後吸滿了湯底，好入味❤
同場加映，自助區域！
「爐端燒區」
即場燒製∼∼新鮮滾熱辣！
烤蝦烤雞翼，嘻嘻，一嚐BBQ味！
個雞翼是鹽燒來的，香濃味美，正。
沒想過火鍋都可以有這些東西。
「天婦羅區」
都是即製的，有南瓜、冬菇、茄子、蕃薯及蝦等等！
不過我開始好飽啦，所以沒有夾來吃了。
見到「刺身區」又忍唔住！
希靈魚好鮮，油甘魚又甜又軟綿綿。
吞拿魚則甘甜而三文魚超甜超綿滑呀！
呵呵，最後要來杯沙冰，將火鍋的熱情降溫。
如果唔喜歡沙冰，也有好多不同種類的飲品選擇！
我就被那甜品櫃吸引了！
而且見人整雪糕我又心思思❤
最後拿了一些甜品及雪糕！
哈哈，我老公都話我大食 XDDDD
值得一讚個雪糕，非常幼滑，牛奶雲呢拿味濃郁得來清甜，唯獨是要快食，因為溶得好快❤
甜品亦令我刮目相看，甜而不膩，小小顆真是忍唔住口呢。
整體來說，我最喜歡這裡的食物十分新鮮，質素頗高！
任飲任食的火鍋來說，真是有很多食物選擇。
連刺身、爐端燒、天婦羅及甜品也任食，確實令人吃得十分開心及滿足❤
∼∼∼∼∼∼
想留意我最新的狀況？
就去Facebook Page找我吧∼
嘻，得閒來聊聊天
交流交流一下❤
多謝！
❤❤❤❤❤
本文章內容純屬個人分享，並不代表該品牌之言論及立場。
以上產品及相關資料均由該品牌提供，如需要更多產品資訊，請自行聯絡品牌查詢，或尋求相關專業意見。
如有任何引起之損失或法律糾紛，本人概不負責。
❤❤❤❤❤
☆═━☆═━┈┈┈┈┈┈┈┈┈┈┈┈━═☆━═☆
歡迎聯絡我邀約 ❤ 產品試用 ❤ 出席Event ❤ 服飾穿搭 ❤先謝過！
尋找蔓地：
♥ ELLE ♥ iTrial ♥ U Blog ♥ ASIA She Win ♥
♥ Beauty Life ♥ Lady Qooza ♥ Qooza Beauty ♥ BeautyExp ♥
♥ My Age ♥ BlogDB ♥ Salad Blog ♥ Openrice ♥
文章分類: Food & Beverages
