尋晚同親愛既呀餅msn...今晚既聚會我唔諗住去喎=.='...一定好無癮....

返十二點半至六點.....Econ超用心的!!.....management就.........................

呀燈女友又係3月9日生日??....真巧....但條友真係好咸濕同賤格= ='.....

同寧英sms....佢話知我今晚出席...所以佢先會去...但我幾時有話去呢??...

葉家盛搵我過橋= ='...最終寧英出聲叫到...決定俾面佢...七點元朗等...

放學買張六合彩...去到只係得水財&呀新...其他人全部遲到!!...成班粉腸!!...

好野...完全唔知情既情況下...原來詩夫+墨屎+肥尊+大頭+盧仔+德叔都去...成班憎我既人= ='...

今晚出席人物包括：陳Sir...域奇...碧婷...寧英...啤仔...Kathy...水財...熊貓...呀婷...嘉寶...呀爺...
寶萍...靜儀...吳彥珍...盧仔...德叔...詩夫...葉華盛...Peter...呀新...墨屎...熊仔...大頭...肥尊...

24人分兩枱打邊爐...Kathy係隔離不斷夾野比我= ='...仲逼我夾野食...我都唔慣咁多人同枱食飯...

嘉寶+呀婷兩舊粉擦係咁話我唔食野...之後又無啦啦係咁笑...到底有咩好笑呢= ='...

今晚既feeling同寧英係一致的....就係【悶】!!...全晚有九成時間都係同寧英+Kathy三個咬耳仔...

好多野唔方便講出聲...唯有眼神交流...哈...互相明白大家眼神到底想表達咩意思...厲害厲害...

啤仔+水財又飲醉酒....碧婷條粉腸...今晚不值一提= ='....埋單每位$73...都唔貴既...

不斷影相...我都話唔慣望鏡頭囉...點解熊仔可以唔洗影...但就一定要拉埋我影相喎...

寧英使出【軟功】...Kathy使出【硬功】...結果...無奈地...俾面佢兩個...一齊影相= ='...

閃人...佢兩個扶住啤仔...兩位今晚做左我個位置...聽人酒後訴苦...搭車同寧英sms...

佢都覺得我今晚比人仇視= ='...但你唔洗抱歉的...我今晚係為你而來的嘛...唔理其他人點睇的...

話晒都係浩賢哥喎XD...仇視我的人...可以奈我咩何@v@...咪又係笑面虎幾隻...佢地點諗我唔理...

Kathy變得靚左...終於似番個女仔...咪好囉...明明係靚女一名...點解要扮到男仔頭咁呢....

Irene打左好多次黎=.='...我扮訓教聽唔到電話響...看來佢真係好得閒...但我覺得有D煩囉...

途中...同碧婷兩個殿後...聽佢訴苦...返工果然好大壓力...撐住呀...而家好難搵工嫁!!...

返到去打埋日記...一點鐘家姐話落街同人食飯=口=...買外賣比我呀唔該=)...反正都唔多飽...

水財打黎求救...啤仔又係屋企樓下再飲=.='...但我已經返到屯門啦喎...早知送埋佢歸家先...

叫佢有咩事再打比我...到時先搭車過去...then收線沖涼...煲片...

Peter打黎約星期日去唱K...你好寂寞呀=.=??...仲叫我去約人= =??...即管睇下有邊個去囉.....

p.s1：聽日放假在家溫書=)......
p.s2：始終都係被男性朋友所憎恨......
p.s3：相後補..........收集完畢後上傳...........
p.s4：如果唔係寧英我一定唔會黎= ='...幸好還有佢&Kathy係隔離.......

啤仔別灰心嘛...
你實會出人頭地的...
就算天有多高,地有多硬...
至少還有我+寧英+碧婷+水財幫你開天辟地=)...
天無絕人之路嘛!!...
但前路始終要靠自己走過去的...
唔好比人睇死!!...靠自己!!...
唔好睇死自己!!...你還有我們!!=)...

返十二點半...呀Sir又要早半個鐘落堂...學費都蝕埋...放學後打比芳芳...

平時無傾計既同學仔...今日主動同我問好@@...係時候認識周圍既同學了!!...

約左深水步地鐵站等...比份禮物佢...睇得出佢真係好鍾意...記得每晚摟住XD...

我梗係夠老友啦...身為你僅有既男性好朋友*v*...佢約我星期日返教會...

送佢返荔景後搭巴士閃人...歸家突然興起...自己落廚...今日午餐係我既最愛*v*...

烏冬!!...仲落左D丸+腸仔+肥牛...蠻享受煮的過程...烹調係我既興趣=)...

同親愛既呀餅傾陣msn...佢同我脫晒節囉...仲停留係IVE時代= ='...我都想呀!!...

煲片@v@...之後攤上床PS2...五姑姐黎左...比部電腦佢玩...比佢見識下咩叫勁XD...

食完飯返上樓...部K610i比我保存得好好嫁@v@...我發現原來我好多電話配件=.='...

夜晚睇片^﹏^....聽日五姑姐照超聲波...男or女??...賭注$100...我估女@@....

啤仔送既生日禮物...水機...但粉紅色的~o~...

我既午餐*v*...雜丸腸仔肥牛烏冬...嘿...

K房...3個人拎咁多野食..CRAZY...

兩個未訓醒既人=.='...

六點起左身...但又訓過...七點起身...大鑊...7-11撞到呀燈...表示齊齊遲到...

上堂無番...今堂居然靠自己追番個進度...Good!!...下星期要present啦...

Econ上堂又無返...但居然又俾我追番個進度=.='...但個腦似乎用得太過份了...

放學...冬儀居然將我形容為【嗰嗰人】= ='...原來我們始終是不熟的....

食飯個陣不在狀態...好攰=.='...我唔係唔出聲囉...只係攰而已...

可能攰既關係...今日特別覺得呀榮好噚氣....講咩都要人重覆幾次...煩!!...

除了美冬外....還有冬儀說我剪髮後比較好....儘管呀Fing如何取笑吧!!....

爭芳芳份生日禮物...自己去葵芳買...係間鋪揀左個半鐘= =...終於揀到隻熊...

佢鍾意既野同Moko鍾意既野....一樣係咁貴= ='...不過親愛的芳芳份上...算啦!!...

夜晚獨自攤係床上打ps2...家姐入黎借電腦...Irene打黎....今晚都係無咩特別事...

出門口先記得...我決定唔去黃金海岸酒店...但已經著左套西裝...

朝早約兩隻野同冬儀放學去唱K...今堂英文唔錯...真正學到野...

不過後半堂要discuss...最憎...呀宏+肥仔唔去唱K...我地四個去...

呀Fing係咁話我個頭= ='...我想既咩...唔好再打擊我啦唔該=.='...

美冬係第一個讚我頭髮好睇既人...勁感動...終於有人話好睇...

瘋狂的人未唱就拎到成枱野食...食左半個鐘先識點歌= ='...

臨走重覆又重覆咁播同一首歌...聽到好眼訓...三點閃人...

埋單$200...又出血...下個月節衣縮食...冬儀又點會贏我呀~o~...

美冬去幽會...剩低我地三個搭地鐵歸家...講起呀Fing既事...

原來冬儀都有唔錯既睇法...其實呀Fing自己應該要知有問題的...

同冬儀搭到荃灣...傾陣閒計...講起捐血就一齊唱：看血在流反映愛沒保留....

愛是不保留...好聽啊^﹏^...之後佢歸家...我搞少少野都閃人...歸家補眠...

美冬打黎問關於Xanga既問題...起身後同moko傾左陣msn...星期三打邊爐=.=?...

Moko：我打比美冬...佢叫我叫你約人就得喇喎....

即時打比條友= ='...玩野呀...推個波比我...我約邊個呀= ='...then叫佢幫我約其他人...

晚飯後返房煲片...一個人打ps2好無癮=.='...都係煲片比較好....

起身後研究部電話兩粒鐘....開始明白點玩了=.='....

元朗買野去新屋BBQ...五姑姐入伙....又做餐死....

平時我等人燒野比我食...結果今日我燒比一家三口食=.='...

食完野開枱....打雀打到3點先搭的士歸家....

p.s1：葉華盛打黎...約我星期四中學朋友聚會=.='....考慮中.......
p.s2：今個星期有幾晚都出街同FD食....又要破費....唔去可以嗎??....
p.s3：聽日去黃金海岸酒店....又要裝西裝返學....唔去可以嗎??....