每逢星期一...總覺得自己好假...今日肥仔撩我去【識女仔】...但係佢淆底...

而我成功地識左幾個...最好笑既係...我根本無興趣識佢地...是真的沒興趣...

平時既我唔係咁嫁...唔知點解每逢星期一...就會好自然咁戴起個假面具返學...

明明對D女仔無咩興趣....但為左同肥仔一齊玩....仲搞到嚇親冬兒tim....

撩女仔個陣...突然覺得自己好似隻狗公...我唔要呀!!!...都係做番平時唔出聲既我啦...

英文堂還可以呀...教接電話...十二點放學食飯...食完飯無野做跟佢地返去hea...

聽到有人刻意避開某些話題...傻啦...唔好理我既感受可唔可以??...想講咩咪講咩囉...我都無野...

要難過既一早難過完...要喊既一早喊完...麻木晒啦...都已經無其他既感覺...

其實如果真係無其他感覺既......我唔係應該值得開心咩??.......搞不懂.........

臨歸家前問冬兒拎msn...其實你唔想比既...真係可以唔比的...我只係玩下嫁喳..嚇親你sorry...

同呀宏係大窩口落車...沿路傾計...其實我係知道真相的...不過我選擇相信假既答案...

唔好同人講我同你傾既野呀=)...搭巴士歸家...返到去補眠...起身一家三口叫外賣食飯...

梁家果然含豐富既編劇細胞...係度研究電視劇....笑死...家姐幾日前上演左真人版見鬼=口=...

呀婆：點解今日部lift咁多人既( 但成部lift得兩個人 ).........

之後佢拎袋零食出黎....分左D比我...我都覺得奇怪...點解突然對我咁好...當娘親問起個陣...

家姐：我自動比佢...等佢唔洗偷呀嘛.......

嘿嘿...我係劫富濟貧=)...我就係要人救濟個位...then返房玩電腦...聽歌.....

夜晚msn...知我者莫若呀威...不過唔好問我點解做戲可以咁勁...因為我自己都唔知...

或者因為梁家有演戲細胞...碧婷打黎...睇戲睇到反胃??..好低B囉小姐=.=....then收佢線打日記...

p.s1：今日唔洗返工....又賺少左錢/_\...........................
p.s2：都係唔好再玩冬兒啦....唔想嚇親佢...最重要既...係我唔想再咁假.....
p.s3：睇到有幅圖.....幾有意思的@@....↓↓↓↓↓..........

↓↓原來我真係咁無聊=)↓↓

呢張真係笑左出黎=.='

我上電視啦=)

誰的眼中只有我?

早早起身沖涼出門口...唔夠訓是也...呢個時候...我需要葡萄適Extra...

返到去...未夠鐘開工...坐係地下電梯大堂hea陣先=.='...十點鐘先上去開工...

換衫後...幫手check-out...一大堆人湧埋黎check-out...同時一大堆人check-in=.='...

大佬...Angel做得咁慢...Ivan又負責check-out...你當我八隻手咩...咁多check-in客...

比Kaman話我唔夠active...最衰都係個麻煩大陸仔...忙了一個早上...一點開始得閒...

Irene兩點返黎...早D番黎咪做我救星囉=.=...三點食飯...Angel真係勁野...

我做埋少少野先落去食飯...佢居然自己食唔留比我= ='...then返上去一直hea時間...

今朝三個人努力後...朝早已經完成五十幾隻check-out同二十幾隻check-in...鼓掌...

不斷上客房幫客人...又上又落成身汗= =...之後五點hea到七點...玩接龍踩地雷...

我發現自己英文講同聽都有進步@@...普通話仲強勁...嘿嘿...我要努力@v@...

碧婷條粉腸...我叫佢唱K佢唔去...結果同人唱通頂...叫佢食野又唔去...結果同人打邊爐...

收工後歸家食飯...開始對呢份工無咁厭惡@@...我要賺錢呀！.....

地下電梯大堂 

 
電梯

房門&梳化

樓層走廊
 
酒店大堂

無奈痴痴的我始終不知道
其實你待我算不算是愛

早早起身跟娘親車去元朗拎身證...十點搭車返工...搭車聽歌...諗起一句說話...

呀威：域奇...我覺得你係個天才....個腦超強....但你係墮落既天才....

嘿嘿...咁讚我會面紅嫁啵...不過諗諗下自己又好似無乜一技之長...

靠個腦好似搵唔到食的...男仔無一技傍身好似真係無乜用....

我要操番我既羽毛球技術！我要練好籃球！我要升二年級！我要學好廚藝！
我要學車！我要睇多D書！我要搵多D銀兩！我要積極！

返工第一次見個新人叫Angel...廿五歲...但個樣真係呀嬸=.=...睇落仲大過Kaman...

聽聞佢只係識國語...唔識英文...仲好多野講tim...挺煩的=.='...

搞錯...居然話內地客check-in比Angel做...外國客比我同Irene做...我英文都唔掂嫁= =...

仲要睇少我地既國語=.=...我聽國語超讚的!!!...今日有三十幾隻check-in...我做左十幾隻~o~...

呢個星期先返得兩日...加埋先得7.5個鐘...居然咁就出糧@v@...嘿嘿...可惜一半歸娘親...

聽日有成六十幾隻check-out & check-in呀=口=...整到我要番十點...今日又學左新野...

八點放工...去荃灣同Irene食飯...佢請=.='...下次我既=)...then去左打機...

十點幾搭車歸家...沖個靚涼...then打日記訓教...聽朝又早起....可憐....我要搵銀！

尋晚訓得超舒服的...若果唔係呀晴打黎...或者我仲有排訓....

起身整野出門口....約左呀晴+呀威出街....去又一城逛左陣....

then食野....吹水....D人溜冰好勁@v@...呀威口出狂言...笑死...

六點閃人....歸家....收到芳芳電話....哎呀....約我就早出聲嘛/_\....

傾左陣收線....約定星期四食野...then娘親打黎....好野！...今晚又食自己...

晚餐公仔麵...睇片...悶到翻睇龍珠Z= ='...夜晚Irene不斷打黎吹水....

真慘...佢放十二點...唉...我聽日都返十二點放八點...黎左個新人...係個呀嬸=口='...

夜晚down歌....嘿嘿....尋晚聽disco歌聽到超high....而家down左好多快歌聽@v@....

我要Fing甩我個頭呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

p.s1：做咩咁多人想入我間野做=.='...乜真係咁好咩??...一間比賓館高級D既三星級酒店= ='....

今日返十二點半....今堂Econ終於無咁悶....計下數....仲要連我都識@v@...

測驗慘不忍睹....亂撞岩得3條....可憐....兩點半落堂...放break...三點再上管理堂...

呀登超多野講=.='....可以話有D煩....但無奈地我都要繼續聽....then上去飲水....

我唔想再上= ='....上三個鐘...完全都唔知佢講乜...六點放學....

過隔離搞資助既野....煩死...then閃人去天水圍....今晚同啤仔+水財打邊爐...

有人係度搞週年晚會...D人係咁唱歌嘈死...不過D音樂聽到我好high=.='....

佢兩個成日落樓下煲煙....第一次去左廿分鐘...第二次去左四十分鐘囉唔該...

我懷疑佢地食既係雪茄...之後碧婷黎坐左陣...十點半閃人...歸家睇片...

生化危機1.2.3集都睇晒...但無咩咁恐怖...不過幾好睇既...悶死我...仲有咩戲好睇...

上堂無聊摺野畫公仔=.="...... 

無聊成咁= ='...有人讚我畫畫得意...哈...

乾杯！！！