尋晚三點打比碧婷...哈...真係唔洗驚會嘈醒佢...更何況佢邊捨得罵我呀XD.... 

原先呀晴話今日去唱K...但由於佢有突發事...所以取消...

去拎左D單張睇...我要離開香港....我要流浪=)...

then上天瑞...探呀麻...食完野用電腦....

打麻雀with童童+芷瑜+晴晴...嘿嘿...呃細路錢...then夜晚歸家...

今日打電話去問...16/9開學@@...快D啦!!...係屋企悶爆=.='...又無街出...

p.s1 : 我副con明明係灰色...點解咁多人話藍色...你地色盲嫁=)!!!
p.s2：明知我上唔到網...msn留言有咩用呀...有咩就打黎啦粉腸= ="...

我想我己慢慢喜歡你
因為我擁有愛情的勇氣
我任性投入你給的惡作劇

 尋晚歸家途中...呀晴約左我今日唱K-Lunch....所以今日起身換衫又出街...

我先去旺角...盪失路....行左勁耐先搵到Neway City=.="...陰公...

之後轉去家樂商場...又行錯左去朗豪坊=v=...又盪失路...陰公...

之後約左佢係旺角地鐵站等...我仲好肯定咁講唔會盪失路...

點知行行下...行左去油麻地地鐵站=口='...天啊!!...我真係個路痴??...搞錯!!..

等呀晴...根本唔係酷熱天氣警告...係暴斃天氣警告...企係條街會溶的...

最終決定唔唱K...搵間野坐低食飯....佢拉直左頭髮@@...但始終都係曲髮襯佢...

食完野行陣街...陪佢買衫...唔洗問我意見嘛...我點揀=.=?...

買杯烤珍珠奶茶...好味!!@@...之後繼續行左陣...佢買衫....

晴：藍色定黑色好睇呀?
我：黑色呀...
Sale：藍色囉...唔錯嫁...
晴：但佢話黑色好睇既...
Sale：咁你揀黑色啦...你都係著比佢睇喳嘛...

哈...我係咁笑佢...你都係著比我睇喳嘛XD....之後去左間鋪飲野...

晴：呢度D菠蘿好好飲嫁....D菠蘿一舊舊嫁...

有邊間鋪既菠蘿唔係一舊舊嫁=.=...哈...傾下計...發現佢都有少少似我@@...

大家既感覺有少少相同...而且同樣異性朋友居多...比同性排斥....可憐/_\...

六點半閃人...搭去荃灣...then佢搵屋企人...我搭車閃人...攤上床補眠...

又俾娘親嘈醒煮飯...好攰耶!!!...食完飯入房睇片...惡作劇之吻...

劇入面既歌好好聲@@...居然仲有何書宇 - 後悔...好像是某人介紹我聽的...

同呀晴傾電話...哈...關係圖...真複雜...一點多收線訓教....

p.s1：部電腦又要過幾日先有人黎整囉...妖那星....悶死我呀!!!!!!!!!!!!!

 今朝係天恆搭車歸家....換套衫沖個涼就要出門口....今日約左去BBQ...

同翠媽搭車出去....尖咀會合芳芳....再等埋呀奶+安東尼...遲到啵唔該晒=)...

五人搭車去筲箕灣....搵埋Moko....六個人去惠康買野再搭小巴去石澳....

有人讓我地上車先...佢地五個即刻標上車...我無位坐=口='...

得我一個要等下架= ='....居然無一個落車陪我....好野!!!...

幸好還有親愛的呀奶識sms我....芳芳都好好...其他三個無人性嫁!!!...

應該拉晒佢地去拍異形續集!!...特別要由Moko隻死野做主角...屈我離棄佢地??...

識左四位新朋友...佢地係咁話我好慘比人拋棄...哈!..浪子不嬲都獨自一個...

落車搵埋其他人...當然燒野食...我當然搵人燒野比我食XD....

Moko同芳芳係最佳人選XD....全程不勞而獲...呵呵!!...

佢地出去玩...我繼續坐係度...最衰無帶衫褲換...OhShit...廢事晒錢買...

夜晚決定豁出去...同翠媽落沙灘...比我睇穿你有心事啵XD....傾計...

食雪糕....買多三杯返去....一杯比芳芳....原先諗住另外兩杯比某兩位...

點知比呀凱同Moko拎左= =....見Moko咁落力燒野比我食...即管請你食XD...

再出沙灘...拉埋芳芳出去密密斟密密斟!!...之後換衫閃人....出現小插曲...

肥仔vs安東尼...好小事喳嘛...別這樣別這樣...開心點@@....之後搭車走....

連呀宏都唔知幾時開學=口='...小巴同芳芳聊一聊@@...又再道別了/_\...

只有曹俊奶可以陪我通頂...但見佢咁攰就廢事....這代表我又再俾佢拋棄...

奶：*要是你先開口...很需要我逗留XD...*
我：*我為何讓你走...只因你說你有你的自由XD...*

歸家with翠媽...巴士傾陣計....返到去即刻沖涼...訓教....

p.s1：要明白唔係我放棄人...而係我比人放棄...我咩都唔知...唔好再賴我!!!...屎忽鬼!!!

忘了是怎麼開始
也許就是對你
有一種感覺

 唉...都話鄒碧婷條友剋住我!!!...

又係佢用完之後上唔到網....可惡!!!...

星期一先有人黎整....無上網既日子多麼的難捱...

今朝出去同芳芳食早餐....話我似彊屍=口=?...

哈...係...咬死你地@v@....

近日銀行戶口再跌至新低....

$530 - 波鞋
$620 - 兩件T-shirt
$398 - 褲

同呀華出一日街用左咁多錢=.="...碌卡...破產是也!!!...

聽日去BBQ...搞得成吧?...係屋企悶死!!!

待續!!!!!!!!!!!!!!!!!!!!!!!!!!!!!!!!!!!!!!!!!!!

發夢...............................咩料子???................咩意思................

尋晚三點半訓....七點起左身....又訓唔番....唉呀!!!...........

起身....命中注定我愛你23集....一早起身又要流眼淚....不過都笑死左....

down歌仔....近日搵到首歌.....溫嵐 - 同手同腳...幾好聽的@@...值得聽...

之後睇PPS....大把戲慢慢煲=v="....then...facebook時候....

係好耐好耐以前....即係大約一個鐘前....有條木咀黎搵我食飯....

我：個個知我辭左工...唔洗問實係你啦...
佢：對唔住...我係臥底...
我：頂你個制....
(食飯..............)
佢：食咁快趕住去投胎呀?....
我：對唔住...我係餓鬼....
佢：好爛..........(狂笑......)
我：爛你又笑......
(食完飯............食珍寶珠.............)
佢：亂拋垃圾....罰錢呀唔該....
我：有差佬先算啦....
佢：對唔住...我係差人....
我：低B...你睇無間道睇上腦呀?....
佢：我尋日先睇完....
(過馬路....................)
佢：喂...睇車啦...衝紅燈車死你呀....
我：對唔住...我係超人....
佢：(喪笑..............................)
我：(無言..............................)

歸家...四點半再出門口....同呀威打波....特登出黃大仙打波= ="....我真夠無聊....

熱死人= ='....未行到球場已經攰死....去打開始打....嘿嘿....

呀威不斷話我射波姿勢好標準好型....呃到人XD....無錯...除左射波...我唔識花式的=.="...

同人鬥波....黑嘛嘛點睇啵....之後買野飲....轉場再打...佢同人鬥波...我無力再行=.="....

打完買左M記上佢屋企參觀先@@....之後學彈結他...發現我都唔係好明= ="....

之後夾歌=口='...佢彈我唱....嘿嘿...喉嚨痛得要死!!....遲下可以組band隊@@....嘿嘿!!....

呀威彈結他作曲...呀奶填詞做女聲...我做男聲XD....組合名：乒乓

哈...有得諗有得諗...可以係天橋底呃外國人錢...佢地聽唔明廣東話...難聽唔緊要XD....

then十一點半閃人....歸家....沖個靚涼先....返房嘆冷氣....聽歌.....攤上床.....攰死人.....

話說我聽楊千嬅 - 閃靈....當播到一句【唯恐我側邊有人微笑】....電腦枱燈閃左下=.="....

我特登播多次呢句....燈又閃....都幾神奇....唔洗咁有氣氛喎老細....

p.s1：聽歌訓教好出奇咩....你地唔聽姐....唔係我問題=)....
p.s2：我對運動好有天份XD??....其實羽毛球先係我強項...