如果你願意一層一層
一層的剝開我的心
你會發現  你會訝異
你是我最壓抑  最深處的秘密
如果你願意一層一層一層的剝開我的心
你會鼻酸  你會流淚
只要你能聽到我  看到我的全心全意
我和我的絕望  裝得很風趣
我就像一顆洋蔥  永遠是配角戲
多希望能與你  有一秒專屬的劇情
 

 今日訓到十點鐘...要起身啦!!...我要改掉賴床的壞習慣@@....

起身後換衫出門口...去娘親公司拎番D個人資料就去拎特區護照同回鄉證...

去到娘親公司...佢同事話我同家姐好似呀媽= ="...特別係我既行為動靜= ="...

既然兩個都似呀媽...都唔明點解可以一個咁靚女一個咁醜樣...

去入境處拎特區護照個陣...見到兩個BB...勁搞笑@@....

拎完之後就返屯門...等碧婷條友仔...足足等左我九個字...頂佢= ="...

同佢去市中心行左陣....就拉佢出去葵芳陪我見工....早知唔拉佢出黎啦...

被佢屈左我請佢食飯= ='...去荃灣食江戶前....then六點左右返天水圍...

上天恆...家姐都係度@@...之後開枱食飯...食完飯就打麻雀....

同五姑姐一齊夾份整嬲呀斌同芷瑜...笑到我肚痛...係咁講野笑佢地@@....

笑到呀斌半夜想返屋企....笑死我...勁低能...笑到收唔到聲....

嘿嘿...同屋企人一齊玩始終係最搞笑...梁家優良血統XD.....

今晚係天恆訓@@.........

p.s1 : 據說朱古力有苯乙胺...食後會令人快樂...甚至有戀愛感覺....<<係西鐵睇到@@...
p.s2 : 早己在我心中....哪怕未能共你一起.....

睡醒後安在家中...

睇書+聽歌@@...

漸漸地...習慣電話不響...

安靜的在家中...

嗯...是時候了!!...調整下自己的生活^^...

p.s1：緣份...從來沒有在我身邊出現過..........

竟然睡到兩點多才起床...雖然在做夢...但也睡得很甜@@...

電話響起...是稀客耶...久違了的八婆...竟然打給我...吹甚麼風?...

不久後有人拍門...還以為是那條粉腸在宣傳...原來是電話中的八婆=)...

專誠來找我食東西...難道我關門叫她回家麼?...嘿嘿...換衫跟她去吃M記....

終於試到珍寶黑堡...好味哦@0@...四塊扒三塊包...開盡口都仍然放唔入XD...

食完東西就坐一會兒....吹水也....兩個無聊人坐在一塊當然說無聊話...

某君：咁耐冇見...特登黎搵你...係咪好驚奇呢?
我：係呀...每個月總有幾日有【經期】...
某君：咪無聊啦...有女未呀?...
我：女定仔我都未知嫁...做完孕婦檢查話你知啦...
某君：頂你...好白痴呀.........(喪笑)...
我：白痴你又笑...你應該搞清楚係我白痴定係你白痴=.="....
某君：遲下你有女個陣...我地全部人唔洗搵你啦....
我：此話何解呢...施主?...
某君：你仲唔顧住理自己條女呀...你條木咀係個【老婆奴】...
我：你都食緊【麥當勞】啦...
某君：低B...(喪笑幾分鐘後)....我都想睇下你比條女食住...平時你都蝦得我地多啦...
我：我會比條女食住?...薯條就比我食住啦...
某君：妖你...死低B....(喪笑)....
我：係呀...當我有女個陣就少搵你地嫁啦...
某君：顧住溝女呀?...
我：咁我要湊女呀嘛...
某君：低B...又搞gag...
我：咁唔係既...始終要避忌嫁嘛...你又唔係唔知我女性朋友比較多...
某君：你唔係百無禁忌既咩?...
我：係呀...所以咪到而家都未有女朋友囉....(冷笑)....

低能一番後...送佢搭車...我就番屋企...用電腦...開始厭了...除了電腦還真不知道有甚麼可做...

晚上...跟其他人聊MSN...然後煮飯...一家三口同桌吃飯...機會還真少有...一塊看電視一齊笑...

回房後...碧婷打來...確定去唱k...啤仔如我所料...失約囉...最終得兩個人無聊地去唱K...

出門後回撥給呀Fing...傾左陣收線...打番比美冬...明天她第一日上班囉...居然話緊張= ="...傾左陣就收線...

途中居然撞到熟人@0@...一係就撞唔到...一撞就撞到一堆...有熊貓+蟲蟲+rudy+彪炳+提子...

明明佢地五個都係E班既兄弟...但碧婷同佢地傾...仲多野講過我同佢地傾...搞笑= ="....

去到就唱K....又係笑爆咀...條友唱歌患左【打工仔驚恐症】...哈哈...

唱木紋又變左【客家木紋】....可以由十一點唱到四點....唱到斷氣....女士四十蚊加一...勁平...

三點半就提早閃人...因為有人想要M記....於是我又食個珍寶黑堡餐...好味^﹏^...

比人拎左一塊扒...之後不斷食野就不斷爛gag...乜我真係咁無聊咩=.="....

無數人同我講過同一句說話：我識既人當中你係最無聊既一個.....

搞事= ="....兩丁友係M記瘋狂...隔離枱D人不斷望住我地...之後閃人去搭巴士返天水圍...

明明我可以等到有輕鐵先走....但條友係都話想搭巴士....又比佢逼左我搭去天水圍...都唔知去黎做咩...

返到天水圍...送埋佢返屋企...我又搭車返屯門...真夠無聊...我無聊都係因為你地班友仔喳= ="...

返到屋企就打日記...打埋日記去沖涼先....一陣SD個訊息比第一日返工既某某先....

p.s1：近日唔洗陪人...好似放暑假咁XD...
p.s2：多街出令到洗費大左....
p.s2：陪人就好似變左係我既職業咁...仲好似比人請左做私人攝時間工具...廿蚊粒鐘都夠發達A﹏A...
p.s3：我要再積極=)...積極積極積極!!!.....
p.s4：日記再咁多字...又會再比芳芳話我=v="...

嘿嘿...尋晚一早滾上床訓教...早早九點就起身^﹏^...最早起身的一日...

今日特別早起身...總覺得時間過得特別慢...用左陣電腦...同呀餅閒聊左陣...

感覺上佢成熟左@@"...果然漂洋過海係會令一個人學會獨立....傾左陣就Off啦我...

沖涼出門口@v@...心情好自己到處走走...去葵芳逛左好耐...想搵工但又唔好意思入人鋪頭問...

算...今日就當係自己行街...行左陣之後...原先想試下M記既珍寶黑堡...但啤仔突然打黎...

約我去食壽司...都好呀...反正我都想食...之後由於佢要搵家姐&出旺角...所以我自己繼續行住先...

去左書局睇書@@....睇到幾本書...唔錯的@@....【真愛不簡單】【我要成功】【快樂方程式】...推介!!...

行到好多野食個層...買左杯芒果蘆薈...好味@@...又有搞笑野發生...

有個同我差唔多年紀既外國女仔...講英文買野...但個呀嬸聽唔明...於是我又多事...幫下佢...

幫完佢就轉身閃人...佢追上黎笑到四萬咁口...不斷講多謝=.="...我講左句【Not at all】@@...

又轉身閃人...佢無啦啦捉住我= ="...問我係唔係自己一個....之後問我可唔可以一齊行....

原來佢都係自己一個行街...於是我話OK= ='...叫做有個伴...一路行一路傾計...之後坐左係公園...

傾左咁耐...雖然我都有D唔明...但都知佢想講咩...原來我英文都幾勁呀~o~...嘿嘿...

傾傾下先知原來佢係自己一個黎香港...我講左句【Welcome to HongKong】佢係咁笑= ="...

我應該無錯掛=.="....之後傾傾下問佢叫咩名...原來佢叫Jessica...講多陣大家就起行...

仲諗住問佢MSN...原來佢無既...之後就各自散水@@...佢返屋企...我就繼續行下...

最可惜既係...唔記得同佢合照tim=.="...哈...失敗...外國人還真有禮....

行完葵芳之後...突然興起...諗起美冬提過既一本書【做個快樂少年人】...都想睇下本書係點既樣...

於是搭車去左荃灣圖書館...幾經波折終於比我搵到本書@@"...借返屋企先...順便搞埋智能身份證借書...

借到本書之後好大滿足感XD....係圖書館逛多陣...睇下其他書@v@...心情咁好...做咩都順意D...

直到一點半啤仔都仲未得...之後我搭地鐵...佢打黎話可能有排...我就話唔等...返屋企食算...

仲等我餓左咁耐tim...睇下附近有冇人得閒陪我食野先@@....於是打比人問....

美冬...由於問佢十次...我都會被佢拒絕廿次....基於呢D經驗....所以就打消呢個念頭....
呀Fing...返工...唔洗問.........
芳芳...打比佢...原先話好...但其實佢唔係咁想....所以就無逼佢落黎....

好野....返屋企食蕉....臨出站一刻....啤仔打黎話差唔多....於是我就搭車出西九搵位食住等...

結果....要等多成個鐘...三點半先黎到= ="....等佢期間我食左幾碟...又睇下本書...咦??...睇睇下又唔錯啵...

之後繼續食....吹水吹到五點幾就閃人...有三個應該係內地人...第一次黎食...

佢地完全唔知壽司係可以任點...又唔知壽司既名...係咁問我食咩既係咩壽司...見佢地咁樣...我就幫佢地...

嘿嘿...咁岩我心情好...幫你地點啦....幫佢地點壽司之後...佢地就食...而我地兩個就繼續自己食@@...

食完野陪啤仔去買鍵盤滑鼠...我順便睇下電腦野@v@....行左好耐....

七點左右閃人....搭車返屋企....一返到去就訓著左...八點半又比娘親摷醒煮飯....

煮完飯我唔食返入房....太飽....九點半左右出門口....同碧婷+啤仔食糖水...三個不斷行行行...

三個屯門友居然唔知邊度有糖水= ="....最終坐係M記食雪糕= ="....失敗....

臨走個陣係條街周圍逛....好似【夜青】@v@....係條街度【影】相...低能到嘔...果然係封塵三俠...

搭車返屋企...返到屋企即刻打日記先...打完要去沖涼訓教@v@...聽日又早起身先...

p.s1：譚善儀今日不斷打比我...好煩...唔想聽....
p.s2：今日又用左好多錢...OhShit!!....
p.s3：原來自己一個行街都幾享受@@...自由自在周圍行...唔需要目的...唔需要趕時間...
p.s4：今日篇日記D字好似過份左=.="....哈哈...唔好介意...
p.s5：↓↓呢D係今日既相↓↓