今日又係咁....尋晚訓到半夜又訓唔到....攤係床好耐...逼住起身...
朝早同人傾msn....九點幾又訓....攞命...晚晚係咁真係人都癲....
又有好多電話....唉....整到訓下醒下....好攰...好攰.....
起身後換衫出門口...去天恆...今晚芷瑜生日...係天恆食飯...搭車時聽歌....
望住個窗...D歌好似拍戲既背景音樂...*你的心哪日才能忘記他...我怎麼努力才能贏過他...*
撞到Kai榮...好耐冇見...似似見佢個樣都唔同...今次變左金毛戴con@@
哈...無意間聽到一個中年人同人傾電話既過程...關於結婚@@"....之後落車上天恆...
嘿嘿...我將來就係起碼月入兩萬以上...仲要儲錢搞個令老婆難忘既婚禮...
要買一層不過不失既樓...仲要買多架車...每日就車老婆返工放工....
個老婆識唔識煮飯唔緊要...我放工早個陣可以煮飯比佢食...放工遲就出去兩人晚餐...
佢食緊我親手煮既野食既時候...我問好唔好味...佢答一句好味就VERY GOOD!!@@
如果個老婆做少奶奶...當我每晚返到屋企既時候...佢可以溫柔咁問一句：攰唔攰呀?...
又或者我一番黎就見到佢係廚房雞手鴨腳煮野比我食...我就會拎條毛巾幫佢抹汗...
兩個係廚房玩麵粉...又或者一邊煮飯一邊偷食...兩個開開心心又一晚...
兩個人罵交少不免...但每次罵交之後...我都要用盡混身解數哄番佢笑...
死死氣認低威...之後就好似賓仔咁服待佢....當佢下左啖氣就會溫柔咁同我傾計...
夜晚當我好攰咁攤係梳化聽歌...佢可以體貼咁幫我按犘...
然後同我講句：咁攰...早D沖涼訓教啦...我幫你搵左衫啦...<<Good=)...
放假個陣就愛屋及烏...陪老婆既屋企人飲茶傾計...下午就去搵我既屋企人...
夜晚...可以去試唔同地方既野食...兩個人都可以係條街周圍試小食....
最好個老婆就可以同我鬥下嘴...可以增添不少樂趣=)...
我就間中制造驚喜比老婆...令佢發自內心既笑出黎...然後就錫我一下講聲多謝
間唔中就整不同款式既甜品...哄下老婆開心...屋企仲要長期都好有氣氛=)...
仲要買份保險...收益人係我老婆...屋企有D書...可以比我老婆消磨時間@@...
屋企整個視像電話...平時同朋友傾電話個陣....可以周圍曬幸福^^...
屋企有唔同既玩意...雪櫃又長期爆滿的...間中可以招呼親朋戚友黎屋企....
屋企要鄰近沙灘....就算同老婆罵交...佢嬲到出門口...我都可以估計佢係邊=)...
平日無野做又可以兩個人行沙灘....睇下人地既小朋友玩....都係一件樂事...
至於我地屋企有冇小朋友....完全由我老婆話事....我完全尊重佢意見=)....
又可以係屋企睇電視....煲劇....開心既可以一齊笑...感人既可以一齊拎紙巾...
驚嚇既我可以用手臀抱住佢...當佢驚到叫既時候...我就會靜靜雞笑...笑佢既反應 ....
屋企擺一架單車...我返工個陣...當老婆悶既時候可以有D細藝....
當係屋企為工作而博殺個陣...老婆會沖杯提神飲品比我...
然後睇住我做野...直至訓著係我隔離...我就會抱佢番上床訓...幫佢蓋被...
到我做野做到訓著左...一朝起身老婆已經煮好早餐等我...Good=)...
我會不斷努力做野...然後爭取個升職機會...再約班同事黎屋企慶祝...
成班同事不斷讚我老婆...之後要佢地羨慕我地既恩愛=)...
無論老婆想點都好...我都會支持佢...我地彼此互相支持...
總之就要我老婆開開心心...幸福過一生=)....
p.s1 : 嘿嘿...雖然係有少少發夢成份...但真係我所想咁樣的@@...
p.s2 : 實現我夢想第一步...要創出一番成就=)...仲要儲錢@@...now loading!!... |