尋晚通頂趕工....花左十多個鐘完成我的禮物....今朝八點返到學校....入班房搵人簽名...

簽完之後上堂....連續三個鐘既bartending...教開紅酒樽....估唔到我一次就成功A﹏A....

不斷幫人裝番個酒塞....手都軟=.="....之後唔經唔覺就完左三個鐘....

連上兩個鐘全人發展理念....上堂前同Moko+呀敏落七樓搞埋份禮物先....

搞完之後就上番去....已經講梗升學既介紹...但我無聽到=v="....之後繼續教書....

分組活動....發生小插曲....Bobo嬲美冬佢地=.="....不過今次真係Bobo無道理=.="......

無幾耐美冬就突然問我份禮物係咪張卡.....我O左咀.....第五份禮物比佢知道左.....

美冬：份禮物係咪張卡黎嫁??
我：咩卡呀????.....
美冬：靜怡講既.....
靜怡：你唔係送張卡比佢咩??....你未送嫁??....
我：咩卡呀??......(打眼色)
靜怡：你今朝唔係話送張卡比美冬既咩.....

之後唔理佢....放break時....比兩條鎖匙美冬去locker睇第三,四份禮物....叫Moko拖住美冬.....

拿拿聲搵人簽埋名先....之後我問靜怡做咩講我份禮物出黎....佢仲要唔認= ="....連呀Fing都聽到....

頂....人地送咩禮物關你Q事咩....原來呢份禮物我諗住係最有驚喜既....結果比佢一句說話破壞左囉....
呢五份禮物....我用左幾多時間...心血落去整....第二份禮物既蛋糕已經比人破壞左嫁啦.....
諗住唔緊要....更用心整第五份禮物....結果就俾條友爆左出黎....真搞笑.....
最搞笑既係....我尋晚通頂為左乜??...我前幾日趕工通頂為左乜??...而家D禮物仲有咩意思....
我個刻真係呆左....仲要打埋眼色佢都唔醒目...我唔知佢個腦到底係咩野構造....蠢成咁都有....
有腦都唔會講出黎啦....我花左咁多心血去準備....俾佢爆左出黎...就即係將我九成心血倒落地....

之後都扮無事咁講句：唔緊要啦....繼續搵人簽名....簽完名就叫Moko帶美冬番黎....

上堂玩活動仲搞笑....我幫靜怡個組take答案....佢居然罵我??....美冬同佢解釋佢又唔信...

係都要自己拎張紙睇下先...佢都硬膠膠既....最終都忍住條氣...笑笑口叫美冬幫佢地改...我唔改....

一點半放食飯....美冬佢地下午要上堂...我同芳芳唔洗...於是我地兩個+呀威+傑少去左食鍋貼大王...

途中終於爆左出黎...不斷咁對住芳芳罵靜怡...嘩嘩嘩!!!....終於對住芳芳爆粗...好彩唔係罵佢....

我：%^*)*)%^%&.....個死靜怡.....&*^*&^#$%......
呀威：Ricky終於忍唔住爆左出黎...我未見過Ricky咁嬲.....
傑少：第一次見Ricky咁火......
芳芳：咁靜怡都有陣時真係唔認自己錯既.......
呀威：我好明白Ricky你既心情....全部心血比人破壞左.....
我：*!#%^*(^%$$&*......個死靜怡.....)&*^%%^&%!%$.....
呀威：你比我想像中用左更多心機囉....準備一連串既計劃要用好耐嫁...咁樣比人破壞左....

由去既途中.....直至我返億京都仲不斷罵梗....之後返到去就開始收火....廢事當佢面罵....

對住芳芳發洩完就算....廢事當面罵佢整到氣氛咁尷尬....之後同芳芳佢地拎表格...拎番條鎖匙比美冬....

等埋美冬佢地上堂先....走既時候....仲要同靜怡一齊走...佢仲要完全唔知發生咩事咁....

算....唔出聲...唔想講野....返到屋企補眠....一攤落床就諗住尋晚無訓...就會諗起我既心血....全部倒晒落地.....

自問用盡全部心機.........

頂.......
無心情.......
唔想打.........

現在就大聲對你說:
我鍾意你=)
Anyway...
我會尊重你決定=)
朋友=)

美冬：生日快樂^3^

好舒服的一晚...尋晚十一點攤上床一直訓到天光八點....雖然唔算訓好多...但勁舒服....

好耐無試過訓得咁好...今朝八點家姐入黎叫醒我....去天瑞飲茶....佢請我實到A﹏A...

之後途中兩姐弟傾計...去到就飲茶...今日無帶銀包...唔想用錢=v="....愈窮愈見鬼....

飲左374蚊....之後上去天瑞坐....打番尋日篇日記....之後打比碧婷約佢一點半一齊番屯門...

出門口個陣打比呀餅...好耐無聽過呀餅把聲啦....勁開心...你知我掛住你就快D讀完書番黎啦XD...

去到俊宏軒接埋碧婷....比個電話碧婷同呀餅傾...簡單既一個電話都令佢有驚喜=_="....

傾左陣就收線lu....碧婷而家係屯門返工真好...返屋企都有個伴XD....屯門友萬歲!!!....

返去前買少少野先...買完之後返到屋企補眠....又係勁舒服....正丫!!!!!!!!!!!!

一直訓到七點起身....起身後開始我既工作了....好傷神=.="....諗到頭痛....真係頭痛個隻=.="....

之後呀Fing打黎傾左陣收線....夜晚十一點幾美冬又打黎傾左陣...收線後我繼續工作=v="....

夜晚同碧婷+Moko傾MSN....見靜怡msn講到好傷心....安慰左佢幾句=v='....

之後同Moko傾....SD野比佢比D意見....佢讚我=v="...嘿嘿....不過真係唔該晒你>0<...

好!!!...今晚為我既工作通頂^﹏^....最多聽日打瞌睡XD......

我：你整緊咩呀?
moko：睇緊電視...等緊D野乾....
我：有無興趣睇下我既工作呀???
moko：好丫好丫 =)
我：點呀???
moko：好正囉頂你-_-
moko：佢睇到實感動到爆-00000-
我：係真就好...我仲做緊另一份工作...
...............略過.............
moko：ricky....你好正...
我：=.="????
moko：你真係好q正囉=)..

↑↑↑哈哈.....A﹏A↑↑↑

 搭車出門口....拎住盒野去買蛋糕....打比呀Fing長期唔聽電話...諗住廢事比美冬見到個蛋糕...

個陣時我諗....如果撞到佢地我實爆咀=.="....之後上完九樓擺蛋糕就落七樓擺禮物...

見到佢地三個坐係梳化未入去....我攤左係度好攰=v=".....之後芳芳送禮物比美冬...

一個唔錯既水晶球...但係聖誕音樂既....哈哈....之後我比條鎖匙美冬自己去locker拎....

一陣先去....入班房上堂先...全堂都無咩心機上....因為唔知佢講咩....之後放break...

美冬落去睇禮物....我就出去抖下氣...同呀威+michelle傾計....無幾耐美冬拎埋盒野上黎=.='....

比人睇晒....對於呢份禮物美冬只係有三個字比我【好變態】....之後就無lu....

好似無咩反應....唔知佢鍾唔鍾意呢....不過如果芳芳生日收到呢份禮物....一定會比美冬更開心...

then...繼續上堂....搵個籍口出去搵火機....東奔西跑結果都係無...最終要打比moko求救....

臨落堂前出去整蛋糕....比個呀嬸阻鬼住晒....驚火燭??驚整到灑水系統??..佢諗既野都低低地...

之後逼於無奈唯有拎番個蛋糕上九樓...要係九樓切蛋糕...呀威都同個呀嬸嘈到好火= ='....

頂....完全被人破壞晒我既計劃....而家係九樓切蛋糕仲邊有驚喜....真係麻鬼煩....

之後返班房先....同呀奶唱歌....之後叫晒d人一陣幫手唱生日歌....然後同呀Fing上九樓準備....

芳芳拉住美冬....之後成班人上左黎=口='....美冬一入黎就唱生日歌...D人唱完生日歌就走晒=.="....

切蛋糕....食蛋糕....之後成班去唱k....michelle居然都黎....去左奧運唱....

michelle話鍾意我講野=.="...搞笑...之後行去既途中同芳芳爭論....羸左XD  A﹏A.....

好悶....成班唔熟既人一齊唱K....悶死人...但美冬生日....無奈不能早走....

之後無咩心情....出房打比啤仔吹水算....之後又番入房....佢地唱BB保你大...

Moko唱呢首歌勁正=口='....又有D似....佢把聲真係岩唱呢D歌=.='....

之後同moko猜枚...溝汽水...輸左要飲...野球拳之王=v="....不過溝到好似藥水=.="....

最尾八點埋單走人...條數搞極都唔岩...仲爭Edward未找錢...

最終基於美冬生日...我出左十蚊填數...因為得五十蚊紙係身...無散紙...

走人....無咩心情....唔同佢地去食野...最後同芳芳去左荔景食...哈哈....勁Down....

搭車走人....返到屋企就上床訓教....兩日無訓過....勁攰...之後較鬧鐘十一點半起身....

碧婷打黎....知我訓教...決定聽日再打比我...而我就起身SD個訊息比美冬....再訓過....

唔知平時睇歌詞既人...可唔可以真正感受得到當時人既心情呢???....

p.s1：Moko真係功不可沒....爭你一餐飯^3^.....
p.s2：唔好晒時間係我身上....我唔係好人...我最多只能和你做朋友...再係咁我會避你...我再說一次...
我的心容量很少....而且已經被人霸佔了................我唔想你再浪費精神係我身上......
p.s3：我竟然會呷唶???....不會吧...........

可笑...是我仍為你妒忌...
從來沒我份...
犧牲當做例行...
我慣了傷心...
我不過是個人...
都會難堪...
我努力迎合你...
只配做犧牲品...
有減卻沒有增...
得五十分...
怎麼可充當冠軍...
痛極亦捱下去...
或者侯補...
做到比天更好...
才可令你...
替我上訴...

今日心情唔好....決定走堂唔返學....最多堂數既星期五....居然選擇走堂=)....

今朝好多人打黎....全部俾我cut線....sorry各位^﹏^.....之後訓教....訓到一點半叫醒碧婷....

點知佢又訓番....兩點鐘先起身....之後約左係天澤巴士站等....去到搵埋佢搭巴士....

今日約好左出去西九龍食壽司....但發生左D意外....約左啤仔今晚出黎....碧婷又約左同事番吉野家....

由於時間既關係....只好決定唔去西九龍= ='....但已經上左車....所以係逼於無奈既情況下....

加上碧婷既唆擺下....唯有番去上最後一堂=.='....帶碧婷上九樓等我....之後入班房....

D人好似好驚訝咁....整到我勁唔好意思=.="....之後上堂....靜怡讚我今日好型A﹏A...嘿嘿....

之後落堂去接番碧婷....係地下等埋美冬佢地....搭地鐵轉西鐵返天水圍....食天澤食壽司=.='....

嘿嘿....勁呀....全日第一餐....碧婷食左十碟....我食左十六碟A﹏A....嘿嘿.....

之後約左啤仔係元朗等....同碧婷搭巴士出去....期間條友居然難得地主動問我問題=.=".....

哈哈...突然咁想了解我呀@@....佢都話覺得好煩....之後搵埋啤仔行去元朗廣埸M記....

坐左陣....碧婷番公司先...我同啤仔去左買禮物....諗諗下都係送另一份禮物比較好=v='....

之後行左去一間搞笑鋪頭睇....最終揀左一份禮物....同個職員對話好搞笑....

啤仔都覺得我講野好大膽XD....之後買左就去機鋪打左機....射籃球....都話一個人射仲勁=v="....

玩左陣....買雪糕....等碧婷黎....三丁友搭車返天水圍....係天瑞公園吹水....哈哈....各自訴苦....

之前都係爛gap團....今晚真係變左訴苦團....傾左陣見有D凍...入M記繼續....

三點幾就行....去左OK買野....之後坐係商埸出面既櫈繼續吹水....笑爆肚....

坐到四點幾....碧婷返屋企先....而我就同啤仔等有輕鐵先走....不斷吹水傾計....

終於知我既煩處呢=)....可憐....大約六點幾就閃人....搭車返屋企....返到屋企打日記....

沖埋涼就出門口LU...連訓既時間都無......可憐........今晚係傾計傾通頂^﹏^......