今日一訓就訓到四點鐘....都仲係幾眼訓....不過最終都起身了....皆因啤仔一個電話打來....

同佢傾左陣之後....無無聊聊....又即興約出黎食飯....之後搵人去....全部人突然好似人間蒸發咁....

最終我+啤仔+碧婷三個約左八點去元朗食B仔....收線後....碧婷打黎....傾左陣之後就收線....

繼續我既煲劇之旅....一睇就睇到七點....爭D唔記得出門口=.='.....即刻換衫.....打埋比碧婷....

約左係輕鐵站等....一齊搭去搵啤仔.....之後三個行去B仔食野....傾計....難得相聚呢^﹏^....

食完野....行左去M記度坐....居然撞到嘉寶@0@....佢都無咩變過....一樣咁傻~o~.....

之後坐左陣....幾條友超低能....即興走去唱通頂K=.=".....之後行出發啦.....去到就開始唱....

由十點唱到六點......三個人唱八個鐘.....哈哈....唱到喉嚨都痛....不斷裝野飲....

叫左三碟野...幾個撈亂食....唔洗錢....因為五姑姐識人XD....繼續唱....

點左D低能兒歌....勁白痴....愛多八十年....又係房度扮劉德華.....哈哈.....

勁白痴囉.....一個低B帶住兩個白痴黎唱K....笑到咀都爆....唱唱下碧婷終於頂唔住訓左...

同啤仔繼續係K房狂點歌....六點鐘就閃人....估唔到今日咁即興=.='.....一相聚就用左差不多兩舊水...

哈哈....下次要儲夠彈藥先好再約出黎呀.....無彈藥=無即興=無相聚....

之後閃人.....行去搭西鐵.....碧婷+啤仔就係天水圍落車....我就返屋企....返到屋企.....打埋日記....

睇多集【我和彊屍有個約會】....就訓啦....好眼訓Zzz...Zzz...Zzz....

p.s1：寧英又話聽日黎我屋企....但好似無晒聲氣咁~o~.....佢記唔記得都係一個問題
p.s2：看來我這種既固執又被動的性格要改一下喔.....原因是美冬......
p.s3：於何地發生...於何地終結....時間也差不多.......巧合得非常離譜........................

今日返九點半....返到去既時候....好專心咁上堂....又比朱古力佢地食....

連上三個鐘英文堂....難得地我居然無訓過....勁....全堂好專心做練習.....

之後放食飯....又難得地michelle問我叫唔叫外賣....麻煩晒....^﹏^

食完飯上兩個鐘普通話....明顯地發現自己普通話進步左=v='.....可喜可賀.....

之後又再上多一個鐘英文堂.....再上多一個鐘Bartending Service.....全日都好專心上堂呀@0@....

今日係幾個月來最專心的一日.....我自己都覺得自己好厲害=v=".....之後放學睇分數....

Reading合格.....Writing唔合格=v=.....已經兩份卷唔合格了....見到張分數紙就傷心.....

不過最傷心既係....我既視線離開分數紙之後....我居然完全無擔心過成績既問題=.="....

仲要好心安理得咁.....因為自己無溫過書.....可憐...................芳芳就慘左少少...........

之後同芳芳+呀威去融樂組開會....Moko都一齊....去到幾個企係度無野做=.='.....三個人釘紙....

之後去左幸福商埸書局.....我+呀威夾錢請芳芳+Moko食蛋攤.....哈哈....好味!!!

之後其他人商量聽日去camp既活動....而我地幾個唔去既....但就幫手綵排遊戲=.=".....勁無聊....

呀威好快就融入左佢地既情緒.....但我+芳芳就完全好無奈=.="....其實我地三個一早都唔想黎....

之後一直搞到七點半....幾個閃人先....唔同佢地癲啦= ="....呀威+Moko搭車走....

而我就搵左芳芳陪我食晚飯.....哈哈....傾左好多野....不過就係無同佢傾番英文考試既問題.....

廢事勾起佢既傷心事=.=".....不過好彩既係....佢聽完之後會唔記得XD....如果唔係會殺佢滅口....

之後特登陪佢搭番荔景再轉巴士.....搭車期間訓左....呀Fing打黎....收佢線先...之後繼續訓....

落車行番屋企途中....啤仔打黎....傾左陣....返到屋企就收線啦....換完衫就用電腦.....

同呀Fing+呀威+Moko傾左陣msn.....之後就繼續我既煲劇之旅.....一直煲到四點先訓....

p.s1：今晚我成為Moko既偶像XD......
P.S2：我對任何人都係一樣!!!.....

今日返八點半....返到去....將飯盒放入雪櫃先....之後入房食我個早餐=v="....

食完野上堂....一開始都OK既....之後上到一半....D人太嘈...Miss眼紅紅=0=.....

上到十點半....就上電腦堂....頭一個鐘就溫書....之後一個鐘就測驗.....溫都未溫過=.=".....

測個陣都睇唔明佢D問題=.=".....不過大約明佢意思囉.....唔明個D就靠撞=.="....考天才

可憐....24/30....下次要溫書先~o~.....今次衰就衰在我英文屎= ="....可怒也......

下次我一定要做全班最高分既一個~o~.....哈哈....係咪有少少妄想???

十二點半放學....由於同芳芳帶左飯盒....於是食埋先走....食完野就搭車返屋企....

兩點半開始煲劇....煲到四點幾碧婷打黎....傾左陣....我又煲過.....五點幾佢再打黎....

佢居然會自己一個搭車去新北江買鞋.....勁白痴~o~.....眼訓又唔比人收線.....買鞋都要壯膽= ="....

最終收佢線....之後訓教....一訓就訓到十點幾先起身.....起身後食野....之後繼續煲劇....

作埋篇文....人生故事....唔知點解我覺得自己作得好好~o~....睇番既時候都覺得唔錯....

Post左出黎比大家睇....睇完呢篇日記之後....有興趣既....不妨拉落去下面睇埋篇文囉....不過唔好踩喎

打埋日記就繼續煲劇....今晚都唔知訓唔訓得著tim= ="....最多咪通頂....↓↓好聽呀...聽下啦↓↓

臨別擁抱

愛上你太可笑嗎 連自己都不相信
其實渴望太想得到愛 一切是我太急進

你太愛你的世界 埋沒空間怎麼進
還是照樣這麼喜歡你 但你的心怎會信

心中有萬個問號 為何從未互相傾訴
怎麼一起到老 你我面前像沒去路
然而對你百般討好 一切也會為你做到
只不過渴望回報 而你當沒看到

留住你 會否比分開更好
還是我需要畫上句號
怎麼要在這分手一刻對我好
離別你 會否比一起更糟
還是我需要換個態度
喜歡你便要懂得習慣這一套
　
放棄你太可笑嗎 連自己都不相信
如若你學會珍惜一切 怎會導致你失寵
每秒也會想到你 其實怎麼可操縱
留下了是那一點心痛 事實我傷得比你重

愛上你卻令我這麼的生氣
你知道嗎我如何吞聲忍氣
放棄你 自問我不甘心拋棄
再愛一次 會否更可悲l
講愛你 未及最初相識的你
就算賭氣 我對你也算是未令離棄
無奈到最後我承受不起

離別你 也許比一起更好
臨別再一次互相擁抱
收起眼淚你不要給我看到

留住你 會否比分開更好
還是我需要畫上句號
怎麼要在這分手一刻對我好
離別你 會否比一起更糟
還是我需要換個態度
喜歡你便要懂得習慣這一套

很感激大家今日出席，雖然死亡係每個人必經的階段，但 梁浩賢先生不幸，實在令我們感到惋惜。一次的交通意外，一個魯莽的司機，把我們的好朋友浩賢帶走了．．．時光飛逝，轉眼間，浩賢就己經過了三十年的人生，三十年時間的長短對每個人來說，可能有不同的答案，但人生在世，必須找到自己既方向才活得有意義的。

浩賢在我們的心目中，是一個做事力求完美，對朋友義不容辭的人。浩賢是一個喜愛自由的人，從不喜歡受別人的管制，做每件事都有自己的一套模式。雖然有時帶給別人傷受，但他在世期間，同樣地帶給我們不少歡樂。浩賢朋友不多，但他沒有因此而感到悲傷，因為他明白人生在世，只要找到一個真正朋友便己足夠。

浩賢的中學成績一般，但他沒有因此而感到失敗，因為他找到了自己的目標。他的志願是從事酒店及飲食業，所以他報讀了有關方面的課程，修讀期間，他努力地學習，終於四年的課程完成後，他展開了人生新的階段，開始面對社會了。

他工作表現和人際關係很好，甚得同事或上司愛戴，令他在廿五歲那年成功升上酒店總經理一職。他認為自己所選擇的路是對的，所以他捉緊這自己的信念，堅定的心帶領著他，闖開了自己的一番事業，開拓了自己的天地。

雖然浩賢已經離去，但他在我們心目中仍然有一個不可缺少的位置。浩賢是我們香港酒店業的奇才，他在職期間促進了香港酒店業務的發展及各酒店的交流，他最大的願望是希望香港酒店業能夠在國際上得到認同，取得一個重要的地位。浩賢對酒店業的熱心，會一直存在我們每位員工心中，令他的遺願得以達成，將他不屈不撓的精神發揚光大。在此，我僅代表香港酒店業的每一位員工，向浩賢致以一個祟高的敬禮。