今日訓到十一點比美冬幾個連環電話轟醒....起身之後用左陣電腦.....換衫出門口....今日返兩點半....
原先諗住提早返去....點知去到長沙灣....去提款機禁錢既時候.....排長龍.....排左好鬼耐....
原本諗住買飯返去食....結果都夠鐘....無食野就上堂=.=".....兩點半上全人發展理念......
教D理論性既野....搞笑....Bobo叫我同佢坐....但就無乜計傾=.=".....整到唔知點咁....
沙田友真係好鬼無聊囉....成班煩鬼住晒= ='....真係想拎條香口膠紮實佢個咀= ="....
終於記得帶枝螺絲批同電芯比芳芳=.=".....呢份生日禮物都算失敗=.='.....
又發生小插曲....唔想提....四點半放學....同呀威+Moko+傑少去左黃克競HighTea.....
傾左陣計....五點幾個陣閃人....原來Moko要係度整情人節朱古力....唔怪得提議係黃克競食野啦= =....
原來佢有陰謀.....之後同呀威+傑少閃人....巴士站期間....美冬打黎....行番去搵佢地....陪芳芳去辦年貨....
沿路同芳芳傾計....期間見到幾個差人....芳芳唔信我高過佢地....唯有證實比佢睇=.="....驚險....
大約七點左右閃人....同芳芳係荔景落車搭巴士返屋企....係巴士站度傾番上次見到既交通意外....
落車後....計下自己返屋企既路總共要行幾多樓梯....結果係95級....63級上樓梯...32級落樓梯....
返到屋企....打機....由於出現技術上既問題....順便幫我將電腦既毒掃清=.='.....唔知好嬲定好笑....
成晚一個電話都無接....心情唔好唔想聽電話....廢事煩....之後打比芳芳問聽日上堂時間....
又傾左陣....搞野= ='....討論電視劇集....之後佢話我比佢份禮物有少少問題....唯有叫佢聽日帶黎比我整....
收線後....繼續用電腦.....期間同人嘈左陣....呢後cut左先....之後我就上網....
原來近日既熱門話題....藝人照片事件....D相係真的....因為係Yahoo睇新聞見到陳冠希公開道歉.....
今晚碧婷放凌晨兩點....無人陪我打機....悶!!....上陣網就自己一個打機.......今晚通頂!!!!!!!
p.s：近日超多唔如意既事........煩！凸
p.s2：鄒嘉穎：你要記住自己講過既野....
p.s3：陳美冬：.....................................................................................................................
|