今日八點鐘番到去....之後上九樓放低盒飯入雪櫃就落番八樓課室。

撞到沙田友....佢失聲....呵呵...可憐....之後食我既早餐...一件蛋糕=v=".....好味....

之後D人番黎啦....八點半就上堂....英文堂.....好悶呀...又係作文....頂....悶到嘔奶....

miss停左好多次....因為不斷有人嘈....又真係煩左D既....之後繼續上無聊既一堂....連上三個鐘...

十一點半....就去上中文堂.....派番之前做既兩份閱讀理解測驗.....唔係咁滿意....但原來已經算幾高分= ="....

之後就抽籤....睇下聽日邊個同邊個一組考試....我要同Ice+肥仔一組....頂....唔多想同佢兩個一組....

美冬要同隔離班既人一組....慘....miss又話調我過去....點知又係吹水....玩野麼....

好....一於認真少少對待今次求職考試....砌低肥仔+Ice先.....我對自己有信心!!!!.....即管比少少心機準備啦....

之後十二點半要上西式餐飲服務....仲有兩組有匯報....一組夾硬黎....一組無powerpoint....好野....

之後呀sir幫我地溫習....叫我地溫部份題目....我覺得無咩用....好似求其應酬我地就算.....痴膠線...

一點半食飯....到兩點半美冬+呀Fing就去考酒店RolePlay....而我+芳芳+呀威就留低溫習....

我準備左聽日考試既稿.....未背過....但由於份稿係尋晚作...所以有記憶....溫左陣....

之後芳芳+呀威話去黃克競圖書館....於是起行....佢兩個超勤力....而我就好懶=.="....好大對比....

到六點就走啦....搭車番屋企....番到去....上左一陣網.....就換衫出門口啦....今晚去睇戲....投名狀...

係市中心食完飯....就行左陣街....買左兩條牛仔褲+五件衫+一件褸....娘親錢....好=.="....

之後9:50先開埸....套戲都幾好睇既....無想像中咁悶....片長兩個鐘....睇到十二點閃人....

番到屋企即刻沖涼....沖完涼打日記....打完日記就再睇多陣份稿先....不過聽日都係靠即時發揮....臨埸表現好緊要....

今日八點鐘返到學校....聽歌...睇書...聽歌...睇書......直到九點先開始有人番黎.....

之後同沙田友吹左陣水....無幾耐美冬+呀Fing都番左黎....之後就坐到九點半先入去上英文堂....

無咩心情上堂....因為一陣要考普通話對話同酒店角色扮演....一次過考兩科都有點兒那個=.='....

有壓力無動力就最慘=.="....之後上堂途中係咁背下普通話對話份稿先....同Emily夾....

今日有得睇番之前英文考Listening既成績啦....唔志在成績但好緊張....咁多人爭咁少合格既位....

miss之前話63%人唔合格....之後睇左成績....居然連我都合格=v="....不過....別提了....要努力喔!!!

十一點半落堂....去上酒店堂....上堂都無咩點抄note....因為我背緊酒店角色扮演既稿.....

到左十二點半就食飯....又同Emily夾下....都話左隨機應變啦....急唔黎....之後一點半就上普通話堂....

抽籤....抽中第三組出去講....要講五分鐘...但我地只係講到三分鐘....唔緊要...扣時間分囉....

我直覺話我知合格的=v=....考完之後...就開始背酒店既稿啦....途中訓左陣....訓醒又唔記得晒=.="....

諗住問美冬佢地....但好似阻住佢地上堂....於是就唔溫=.="....一係合格一係唔合格....

豁出去之後超輕鬆=.="....之後三點半啦....美冬同呀Fing唔洗上....而我同芳芳就考試....之後個個都開始驚=.="....

呀Sir又係例牌個句：【唔洗驚...無野既】....之後聽到佢講呢句都安心少少=.='....因為上次份卷都好易....

之後我決定豁出去....臨急抱佛腳都無用=.=".....不如睇下人地點考好過.....

開始考啦....五十分滿分....有人拎滿分....而我就差唔多係最尾一個考....好彩都有48分....

大部份人都係48-49分....因為呀Sir會有提示的....幾好....個個對於成績都幾滿意....

考完就同芳芳+呀威去黃克競交番D聖誕卡比融樂組既木咀...點知S.A.O.已經關左.....

閃人....搭車番屋企....超攰...係架車度訓著左....之後美冬打黎....同佢傾左陣....番到屋企轉電話同佢傾....

傾左陣就收線....而我就去左補眠....由七點幾訓到十點先起身=.="....訓醒就起身食野....

今晚無煮飯....叫外賣....娘親買左材料諗住整肉醬意粉= ="....我都未整過....佢又係第一次整....

佢話整比我帶飯= ="....但我認為聽日買野番去食會穩陣D囉= ="....佢好似當我係實驗品= ="....

之後番入房.....打埋日記先....之後去沖涼....夜晚睇下書先....借左咁耐都未睇過....

今日訓到十二點幾....之後換衫...同碧婷+Peter+嘉寶去左食壽司....

嘉寶遲到....於是我地三個就去左行陣....等埋嘉寶之後就入去食壽司啦....

四個食到咁上下....就猜包剪搥....輸左要食wasabi壽司....係咁笑...

食完個陣...熊貓就黎到.....之後peter去補習....我+碧婷+熊貓+嘉寶就去左銀座逛陣....

之後去到銀座....係戲院睇下有咩戲睇....過左陣就出元朗.....熊貓去左打機....而我地三個就去左戲院買飛....

買完飛就去左千色....碧婷+嘉寶影貼紙相...我唔影....等佢地....影完就仆番去新元朗中心睇戲....

睇魔間傳奇....都幾好睇....碧婷+嘉寶兩個好似講古咁= ="....又要驚又要睇=.="....

之後睇完戲....我就番屋企....返到屋企娘親煮完飯岩岩開飯....咁我就一齊食....

食完野番入房....先知原來聽日要考普通話對話考試同酒店角色扮演考試.....大鑊...完全唔知....

之後同Emily對稿....要背好普通話篇稿先....之後呀Fing打黎....練左陣酒店對話之後....就吹水....

傾左陣...美冬就打黎....同呀Fing收線....之後同美冬傾....攞命...考試將至但我仲咁逍遙....=.="....

傾到十二點半就收線....佢訓教....而我就係時候要背下野啦....兩份稿...痴線的....無動力去背....點算...

突然好期待同芳芳返教會tim....唔知第一次返教會感覺會係點呢....對住班唔識既人....好似好怪咁.....

今日訓到十點幾...比老豆一個電話嘈醒....頂...問D問題咁好...都唔知佢係咪有心玩電話....

之後再訓...無幾耐碧婷打黎....原來佢食飯中....之後傾幾句就收線...之後呀Fing打黎....

傾左幾句就收線....之後就打比啤仔....期間黃金海岸突然打電話黎...

居然同我講今晚無爐比我地....我屌...點撚樣做生意嫁....痴Q線....我仲要約實晒人....

之後打比kathy+寧英傾下點算...諗下改唔改地方....之後上網搵下....

無幾耐...嘉寶同我講去唔到...我打番比peter....之後佢又話唔去....無幾耐葉翠珠又話唔去....

妖....之後打番比kathy....點知佢又話唔去....突然間寧英又SD訊息話佢媽咪唔比佢去....

都唔知笑好定喊好....一係就成班人一齊決定去....一係就成班一齊唔去....

打比啤仔....覺得佢地班人好撚鳩屎....正乞衣....火都黎....之後同啤仔決定今晚去韓舍食韓燒....

唔知點同碧婷講...佢返緊工...sd個訊息比佢有個心理準備先....之後我就換衫....

要仆出元朗...拎個蛋糕去韓舍雪住先....之後又要仆番去接碧婷放工....

去到...碧婷未收工...我就去左美心西餅問人拎蠟燭同刀....今晚切蛋糕....

之後突然心血來潮....覺得個心有D唔舒服....就去左買盒朱古力....再去等碧婷放工....

碧婷放工後....知道左個消息....我知佢實唔開心....但佢係度強裝笑容...比盒朱古力佢....當係小小甜頭....

感覺到佢既唔開心....就好似自己身同感受一樣....唔好受....我明白個種難受既...真係明...但都哄碧婷笑先....

之後同啤仔+碧婷+岑日勤四個今晚去韓燒...四個首先去左食糖水先....

坐左陣傾左陣...就行啦....啤仔去補習....得番我同碧婷+岑日勤....三個周圍行下....

其實我唔識岑日勤....佢出現我會覺得好怪....不過碧婷生日...多人係會開心D既....

最衰都係班乞衣...有D話無錢...有D話唔得閒...有D就特登唔去...有D就唔見左人....

之後三個繼續行....岑日勤係咁撩碧婷講野....我就好似被忽略咁....所以就同人傾電話.....

之後未夠鐘...就陪碧婷返天水圍先....陪佢返屋企放低D野...之後先出番元朗....

大約八點鐘...啤仔放補習....於是黎搵番我地....四個行去韓舍等入座....

行既途中....同啤仔傾左小小我既野...之後原先諗住約人聽日去唱K...慶祝碧婷聽日正日生日....

但班死乞衣好似要求佢地咁....所以就唔去啦....之後同啤仔商量左一陣....

覺得今晚碧婷有點兒唔開心...所以就決定叫番以前中學既老師SD訊息比碧婷...同佢講生日快樂....

能夠做到既都係得咁多....我諗就算班乞衣黎唔到同碧婷慶祝生日...碧婷收到訊息都開心掛....

之後九點開始食韓燒...係咁食係咁食...我完全感覺到岑日勤係有D唔妥...就正如寧英所講...

不過唔肯定既野都只係猜測....所以算數...之後食到十一點幾就閃人啦...夾錢請碧婷....

埋單前呀Fing打黎....之後傾左陣...佢同美冬今晚同六大八婆食飯....成晚話題中居然仲包括我....

乜原來我都真係有番D地位....居然成為佢地討論既對像....不過可能佢地又講我既衰野=.='....

之後臨走前拎番盒蛋糕....碧婷完全唔知我帶左個蛋糕出黎....佢一見到都幾開心....之後去左7-11買碟....

幾個人去左公園度坐....碧婷拆開個蛋糕黎睇....好彩個蛋糕無想像中咁嚴重....

未到十二點...唔切蛋糕住....之後傾計...差唔多十二點....碧婷電話開始不斷咁響起訊息鈴聲啦....

正十二點....點蠟燭唱生日歌....我都暗地裡係00:00分SD左個訊息比碧婷....之後切蛋糕食....

碧婷話好味....係咁就好....不枉我一番心血....之後幾個食蛋糕....碧婷電話係咁響....總算班乞衣仲有人性....

之後十二點半左右...就閃人....四個去搭車....搭巴士番天水圍....都幾攰....尋晚整蛋糕整到好夜....

生果雕花紋好左我好多精神....士多啤梨同奇異果....雕花紋雕到我嘔奶....

加埋沖涼....所以尋晚四點幾先訓....之後啤仔同岑日勤都落車閃人....

我就送碧婷返屋企....途中問佢今晚係咪有D唔開心....佢話原先有少少都真係有少少唔開心....

不過夜晚收到咁多訊息同電話....加埋我用左咁多時間同心思.....所以佢今晚好開心.....

之後送到佢搭電梯....我就走啦....今晚上天恆....上到去....碧婷SD左個訊息黎....

收到佢個訊息之後....就真係知道佢夜晚開心啦....係就好....如果日日都咁開心...咁就算再花幾多心思都值的...

之後就去沖涼啦....沖完涼...飲碗湯...就等頭乾....訓教啦....

p.s: 今晚竟然第一之係日記打粗口....無計....因為真係好火...班友真係好乞衣....
不過我係搞手...我都諗緊到底係咪自己搞得唔好呢...又或者真係巧合囉....
碧婷許願吹蠟燭個陣...我都搭單許左個願....就係要佢永遠都開開心心呢^^....希望願望成真吧....

P.S(2)：呢排可能太多野做....篇篇日記都超多字...如果成功睇晒既話...就多謝你地既耐性=V="....

尋晚通頂....今朝特登係番屋企之前買左包芝士腸....仲係金妹牌@@....貴野....

之後番到屋企沖個涼....就煮蜜糖芝士腸....賣相不俗....味道應該唔錯掛.....之後入落飯盒帶番去比美冬佢地食....

今朝娘親第一句同我講既就係：【咁早呀？】....真係覺得佢學得我多....愈黎愈識講笑=.="....唔通夜晚咩=.=.....

之後同娘親出門口....娘親約我去睇戲....之後叫佢去劃位....幾時睇都無咩所謂.....

上到車....睡意開始湧出黎....剛閉上眼....美冬就打電話黎....問我有無帶飯盒....

之後佢話原來今日下午唔洗上堂= =".....不過佢都有帶....無幾耐芳芳又打黎叫我唔洗帶飯= ="....

結果....得我同美冬兩個帶飯....呀Fing同芳芳就無帶....笨左tim= ="....點解我唔知今日下午唔洗上堂= ="....

番班房前...買左罐咖啡諗住提神....點知愈飲愈眼訓....又比人落藥= ="......

之後八點半上中文堂....總結課程既野....有練習做....都幾有興趣做...但唔夠訓完全load唔到.....

之後九點半上英文堂....唔掂...激眼訓....但都死頂住....又表現自己文靜既一面....美冬+呀Fing又以為我情緒低落....

講左好多次....佢地都係認為我好似有情緒病咁....都廢事解釋....真係好眼訓....唔想晒精神解釋....

由得佢地誤會算....反正都唔係第一次....廢事愈描愈黑....靜靜咁上堂好過....發現自己愈眼訓就愈專心上堂=.=....

居然做晒份note....平時既我一定唔會做+唔識做+唔想做....今日竟然一口氣做晒....仲覺得好易....

之後miss提早落堂....因為下堂我地要匯報....所以比時間我地準備....覺得miss愈黎愈過癮....

不過今堂真係特別嘈....可能因為肥仔個邊不斷講野啦.....加埋ICE佢地班人....特別覺得煩.....

之後十一點半上西式餐飲服務....要匯報啦....我個組係第一組....之後又要著整齊制服....唔慣咁整齊....

報告完就聽埋其他組報告....可憐....我個組應該唔高分得去邊....因為好似錯錯地....

不過香滿堂咁努力做份報告....係值得比D掌聲既....分數唔係問題.....最重要係佢做份報告既誠意....

之後十二點半放學啦....我+美冬+呀Fing+靜怡就決定食埋飯盒先走....但芳芳同呀威就要先去黃克競.....

開餐....我就食飯盒....美冬食揚州炒飯....而我盒芝士腸就比美冬+呀Fing食....見佢兩個咁滋味....即係味道唔錯啦

之後食完野等左陣....同沙田友傾無聊野...又玩吹口哨=.='....佢好似大鄉里出城咁....吹口哨都驚奇=v="...

同美冬+呀Fing去黃克競....搵埋芳芳同呀威.....途中佢兩個買左杯雪糕車既雪糕....

芳芳同呀威到左啦....咁美冬佢兩個就閃人....而我地三個就去左搵條木咀拎聖誕卡設計....麻煩....仲要用英文....

拎完就閃....同芳芳+呀威去深水步....我諗住揀份禮物比碧婷....點知空手而回....之後搭車閃....

呀威竟然話芳芳好煩....平時都只係芳芳話呀威....今日一反常態....唔知發生咩事=.="....

呀威係咁讚我= ='....整到我都唔知點好....之後同芳芳搭車傾左陣計....乜真係好少男仔好似我咁咩= =".....

之後同芳芳約好左下次一齊返教會....見識下先....之後我就落車轉巴士....返屋企...途中寧英Sd信息來....

傾左兩句...我就返到屋企....咩都唔洗講...最緊要補眠=.="....由四點訓到六點半....之後再起身....

換衫去天水圍....去天恆整蛋糕....聽日送比碧婷....之後買材料....嘩嘩嘩....用左我都幾多錢....不過碧婷生日豪番次啦...

之後上到天恆....食飯先....餸菜唔算好豐富....不過食得好溫暖....諗諗下我都有幾晚無同娘親食晚飯....

食完飯...睇左陣電視....睇左陣書....就聯絡下聽日出席既人先....通知佢地聽日集合既時間地點....

頂....有D乞衣....應承左黎又甩底....唔黎就咪Q應承啦....最憎呢種死人.....火火地....真係完全睇在碧婷份上先搞.....

之後聽日得番七個人去....仲好....七個熟人一齊燒野食可能仲好....傾既野仲多....廢事理D乞衣.....

之後同Kathy+寧英傾左陣電話....Kathy終於得閒.....之前次次搵佢都做緊功課...今日居然有時間搵我....

Kathy都覺得毅進既人雖然只係識左兩個月....但感覺上就好似識左好耐咁....嗯嗯....有同感有同感....

之後約好左聽日同Kathy出元朗....寧英要睇下聽日點先決定去唔去....傾左陣就收線了.....

之後開始整蛋糕啦....真係鋪生果部份最煩....又要諗個外型= ="....不過仲有另一個麻煩野....陰公....

就係D忌廉啦....超易溶....整到我要整一陣就放入雪櫃...再拎出黎整一陣...又要再放番入雪櫃....煩煩煩....

我都諗緊聽日拎到出去...個蛋糕會唔會溶晒呢=.='.....哈哈....所以影相先....就算聽日溶晒D忌廉都有相睇=.="....

之後整到兩點.....搭的士番屋企....返到屋企....即刻較凍個雪櫃先....放蛋糕入去=.="....

去沖涼...沖完涼就打日記...打完日記就訓教先....聽日十二點前起身先....廢事訓咁晏....

比番D相你地睇先....個蛋糕外貌好普通....但可以講既係....個蛋糕係用心血整出黎的.....

準備做蛋糕入面既生果@@....

 
蛋糕分三層..底層內的橫切面...

夾好晒生果後...準備鋪忌廉....

鋪完晒生果....蛋糕正面...

蛋糕既全相....其實側面好核突的=.="...

呢個就係我既助手@@....