今日訓到八點幾....己經比人電話嘈醒....頂....再訓過.....

訓到十點左右...寧英sd左幾個訊息過黎....傾左陣....但真係太眼訓....傾傾下訓左...

所以有D訊息覆唔到....對唔住呢......之後十一點半左右起身....換衫返去先....

雖然今日只係返兩點至六點...但尋晚美冬話想提早返去睇下人地點搞個開放日活動...所以我早返....

結果....十二點半返到去....佢地仲係屋企....直至一點幾芳芳先打黎話出門口....

美冬都打黎...結果...佢先係地鐵站慢慢搭車番黎....點左我番去= ='....悶到嘔.....

之後佢地番到黎啦....岩岩好兩點....呀威佢地就同我地換更啦....到我地當值....

芳芳今日化妝...哈哈...由黑天鵝變白天鵝...而美冬都化左妝...化得都幾好唔錯..幾靚....呀Fing就無化....

之後都係同人介紹下套房既設施....同埋示範下點樣鋪床....又教人玩鋪床....問人有關酒店既問題....

期間有幾間天水圍既學校黎左....之後就扮晒推銷員咁同佢地推銷D野...都係得個講字....

大約四點幾....好攰...尋晚又夜訓....今朝又一早比人嘈醒....眼訓到爆....死人陳志凱又阻Q住晒...好想拎刀隊佢....

之後美冬有撩我講野....我已經盡我最後一口氣答佢...但真係太攰=.="....六點鐘....就閃人啦.....

同佢地去搭車...搭車返屋企...一上車就訓著....之後落車...係樓下買左杯雪糕....全日第一樣野放入口居然係雪糕....=.=....

之後返到去...訓左陣....家姐就話同娘親出市中心食飯...原先唔想出....

但諗諗下好似好無無同娘親出街食...所以就決定出去....去到周圍逛左陣....就去左食拉麵....

同家姐叫左個拉麵....大家一樣食辣....但唔知辣既程度去到邊....所以就叫左四等辣....

哈哈....又幾好啵....真係幾辣...不過好正....好少食到真係有辣味....而家姐就爆火咁濟=.="....

哈哈...兩個人食到好感動....鬼咩....我食得辣都咁樣...佢仲唔噴火呀??....

之後食完野就返屋企....返到去...家姐煲好左糖水....一個好食懶飛既人居然煲糖水....不過食個刻感覺真係幾好....

秋婷sd左個訊息黎....通知聽日BBQ既時間地點....之後同碧婷傾左陣電話....之後就收線lu...我就睇電視....

賣廣告個陣比芳芳先....傾左幾句...之後就收線啦...繼續睇電視...

睇完電視....就順手打埋日記...打完要去沖涼先....今晚早少少訓...聽日可以訓多少少....呵呵....

今日十點左右...呀Fing一個電話將我從甜夢中拉出....之後講左兩句就收線繼續訓.....

之後十一點半先起身....嚇得我....即刻換衫出門口....番億京搵美冬+呀Fing....

去到...佢地岩岩好放學....之後就同佢兩個出荃灣....去左食野先....途中佢地居然話望住我對眼會有種不知名感覺= =".....

之後去到坐低食野....我講野真係唔知有咩咁好笑囉....但佢地就叫我唔好引佢地笑= ="..

攞命...我連佢地笑咩都唔知= ="....幾時有引佢地笑= ="....但佢地真係可以係咁笑....咁樣先好野= ="....

之後食完野行去商埸度搵間鋪....終於搵到啦....之後就入去睇下野....

看鋪個男人表演左D魔術比我地睇...啤牌個D魔術真係好勁....但硬幣個D魔術就睇到佢破綻...@@....

不過都幾好....之後佢介紹我想學個隻魔術....聽落好似幾吸引咁....所以就用$180買左隻碟番屋企睇.....

買完....就去左M記度坐低....無幾耐美冬佢地D朋友經過撞到....就入埋黎同佢地傾計....

我就坐係度=.="....睇完呀Fing部電話....美冬居然自動比部電話我玩...幾榮幸=.="....

傾左陣計...佢班朋友走啦....我我地就繼續坐多陣....大約五點幾....我地就行啦....

呀Fing去補習....而我同美冬就閃人....佢話行路番屋企=.=".....而我就搭地鐵轉巴士直接番屋企....

番到去...睇下隻碟先....之後練左陣....原來好容易就學識....不過事前準備都幾煩....

但原來我想學個個魔術....道具要另買的....太令我失望....之後同美冬係msn用咪傾左陣....

之後出廳食飯....食完飯就返入房睇電視....又係睇通天幹探....幾緊張@@....

之後同碧婷傾左陣電話...之後寧英打比我....幫寧英打份報告先....又幫佢作左篇短文....

之後....大約搞左個半鐘左右....就收線先lu....之後同美冬用咪傾左陣....之去沖涼lu....

沖完涼就打日記啦....打完日記就去訓教...聽日開放日返下午...真係好@@.....

聽日試下表演飄浮比佢地睇下先=.=".....帶埋隻碟借比美冬....佢話想睇.....

今日....原先八點半要上PE堂....但我決定唔番....因為要跑步=v=".....

係屋企訓多個幾鐘先....再換衫返去....尋日應承左買野飲返去比美冬+芳芳+呀Fing三人....

之後買完野飲就返班房等佢地番黎....佢地番到黎....三人都好似就黎斷氣咁....=.="....

十點半上中文堂....教左D病句....幾易=.=".....原來我中文水平係四個人之中都唔算差=v='....呵呵....

一路上到十二點半....放食飯啦....食飯途中打比呀餅傾計先XD........傾左陣就收線....

之後去左練鋪床....都未開始已經有個難題....就係張床開唔到.....結果展現一下男性既力量先XD....

美冬話：我唔洗靠男仔幫.....結果...都係開唔到....哈哈....最終輕輕一拉就搞掂啦....因為....我食腦呀嘛

唔係靠蠻力就得既....仲有食腦...xd....之後我地幾個就開始練鋪床.....邊練邊同Call飛+翠媽佢地吹水....

Emily好有潛質...同我地一樣成為無聊人XD....練練下都幾攰....攤係張床度先....

同呀敏玩左個拍子遊戲....都幾好玩喎....我好快就上手....而美冬就唔得了XD

練到咁上下....就落左電腦室練F.D....都幾易做....下星期測驗我諗合格一樣無問題......

練完之後....我地就閃人....途中同美冬討論下一D問題....之後去左間餐廳度嘆下午茶....=v='....

都幾抵食....四個坐係度吹水....佢地係咁話我隻眼水汪汪= ="....但我明明覺得隻眼好乾.....

無計啦...感性呀嘛.....之後佢地話要我講秘密= =".....突然要諗真係諗唔到有咩秘密同佢地講= ='...

從來只有人地同我講秘密.....都無同人講我既秘密=.="....之後佢地幾個討論男仔=.="....

假假地我都係個男仔...應該解答到你地掛=.=".....之後食完野就繼續坐多陣傾計....感覺幾舒服.....

諗番起之前同寧英佢地坐低傾計tim....一樣咁舒服....不過當時係坐公園...而家坐餐廳.....

大約六點左右....就一齊閃人....途中同呀Fing傾返以前既我=v='....打架當食飯....同而家簡直係兩個人....

送佢地去地鐵站....再搭巴士返去....秋婷條木咀打黎玩野....之後話今晚先打番比佢=.="....

番到去....就攤係張床度....啤仔打黎....傾左陣就收線....之後就用電腦....再幫娘親搬櫃....

俾錢買櫃....搬櫃個陣仲要界傷隻手....貼錢買難受....頂....= =".....

叫外賣....食完野....九點左右秋婷又打多次黎....而我就打比碧婷條友問下佢到底點樣先....

結果決定去星期六個個BBQ聚會....講完就收佢兩個線...我食飯=.="....之後番入房睇電視.....

嘩嘩嘩....通天幹探....真係好感人=v=....睇到我好緊張....哈哈....好耐無試過咁追劇集....陳豪演得好@@....

肥孫msn問我日記....都唔知點答佢....拒絕佢又唔好意思....=.='....居然話想拎我日記黎睇=.="....

之後繼續睇我電視....睇完就用下電腦啦.....同美儀傾左幾句....之後同美冬msn用咪傾計....

傾左陣就收線啦....而我就打日記....打完日記就去沖涼...沖完涼就打陣機.....

打左陣就訓教啦....好攰....今晚早D訓...聽日早少少起身用電腦先.....聽日DayOff.....@@

今日返到去...好眼訓....八點半上英文堂....未上堂前....美冬+呀Fing+芳芳三人都無言....原因都係因為眼訓....

之後上左陣....居然要默書.....頂...我完全唔知道....於是就靠我僅有既併音....併晒每個字出黎=.="....

美冬幫我改....對答案個陣....見到都有D串岩左.....默廿個字我諗點都岩十個掛....點知岩得九個....真係$%&#.....

大約10:15a.m左右...Miss放我地休息.....因為十點半要係黃克競做個英文水平測試.....

過到去....原來係用電腦做....D字都幾深....唔多識....做完之後返去億京....十一點半上中文堂....

教廣普對譯....都幾悶下....不過同芳芳+呀威邊上堂都有講笑....笑死我...呀威串芳芳仲要句句都粗口....

之後十二點半要上班主任堂....講下開放日活動既安排....都幾無聊....分開問卷同佈置兩部份....睇人D人想做咩....

同美冬佢地揀左問卷....好野...星期四DayOff唔洗特登返黎佈置....期間又發生左小插曲=.=".....

哈哈...提提美冬：none of your business....不過佢既善心又湧到出黎....但都廢事攞屎上身....=v="....

之後周少傑叫我幫佢做powerpoint....都傻的....我如果要做一早做左啦....無啦啦我都係唔會攞屎上身既=.=".....

一點半放啦....我+美冬+呀Fing+芳芳+呀威+Moko+周少傑+呀敏....八個人去食....得一個鐘時間食飯....

兩點半返去補酒店堂....係電腦室做下F.O既練習....雖然無note...但聽呀sir講完都識做....

好眼訓....訓左半個鐘先再起身做過...臨落堂前呀sir比時間我地自己練習....下星期測驗.....

我訓著左都仲做得快過呀Fing佢地三個....可能佢地既潛質唔係F.O.....而係HouseKeeping......XD

四點半落堂啦....仲要去補酒店堂....不過今堂係實習堂....呀sir教我地點樣鋪床....又要我地決定開放日既分工....

我地幾個搵張床練下先....美冬第一個試...算成功...呀Fing第二個試....笑到我趴街....之後到我試...

嚇得我....岩岩先笑完人...自己衰左咪好瘀=.=".....好彩都算成功....之後芳芳試埋...又同呀Fing不相伯仲....XD

Sindy都練下....不過佢個樣好似嬲緊人咁=v="....之後我練習中既時候突然抽筋....痛到我眼淚都標埋=.='.....

抽筋途中....翠媽+Call飛係咁整我....頂佢個肺呀=.="....之後同呀宏佢地吹下水講下笑.....

突然寧英打黎比我....仲以為咩事tim.....原來只係問路....不過我都唔知....幫唔到佢....Sorry!!

大約五點半左右....芳芳+呀威突然話要去幫融樂組買禮物.....仲要拉埋我去....都唔係咁想去...好似好晒時間=.='.....

無計....都係比佢地拉左去....首先番去黃克競搵埋俊夫+慰藍.....之後五個人一齊去深水步揀禮物....

行左好耐....佢地都仲揀緊...頂...膊頭又攰隻腳又攰=.=".....無幾耐終於開始買....我同呀威就去另一間鋪睇下其他禮物....

途中呀威同我研究女仔=.="....哈哈....女孩子世界就係咁黑暗....之後佢居然話我有心思=.="....

行到最後一間鋪....糾纏左好耐....終於買晒禮物啦....芳芳話頭痛=.=".....都叫佢出去抖下氣先嫁啦=.='....又要病= ='.....

買晒禮物....決定拎番去黃克競擺低先....廢事拎番屋企咁煩....搞埋晒所有野成八點幾....頂...咁就用左成兩個鐘=.="....

同呀威+芳芳去搭車返屋企....期間秋婷居然打黎.....真係稀客@0@....原來問我星期六去唔去BBQ.....

夜D先答佢...之後打番比碧婷....原來碧婷都諗緊到底去唔去=.="....可憐.....各有各難處....

買埋外賣返屋企食....之後傾多陣就同碧婷收線啦....食野先....又睇下電視.....

食完野打番比碧婷....條友仔居然訓左教....算數=.=".....繼續睇電視....睇勇探實錄.....

嘩嘩嘩.....勁感人....睇到我淚水都標埋出黎=.="....娘親仲以為我打喊露....=.=".....哈哈搞笑....

之後同芳芳係電話講左幾句...係咁問我聽朝點解唔返.....=.=".....聽朝第一堂就要跑步....訓多陣好過啦=.="...

之後呀Fing又問我點解唔返=.="....我話精神上支持佢地....仲話買定野飲聽朝係班房等佢地=.="....

繼續睇電視先....睇完之後....家姐買左糖水返黎....食完之後就番入房啦....同人傾左陣msn就去沖涼....

沖完涼打埋日記先....之後就訓教....好攰....聽日第一堂等我走堂先=v=".....廢事跑步....攞苦黎辛=.=".....

唔講唔覺....都幾耐無搵過Kathy....唔知佢近排點樣呢@@.....聽日睇下有無時間打比佢先....

今日以為返九點半...所以八點就提早返到去溫書.....溫到八點半....飲左罐咖啡....

見到呀B先知原來要上班主堂.....超好彩....好彩決定提早番黎溫書....如果唔係缺席@@....

之後係班主任堂....傾下補課既時間.....又傾下學務上既問題.....嘩!!頂!!....罐咖啡都唔知係咪落左藥....飲完仲眼訓....

九點半就去上英文堂....都唔算太悶啦....上堂個陣發現自己有好多生字都唔識....

於是抄低晒D生字番屋企查字典=.="....又突然勤力起來....可能今朝都無咩用過精神掛.....

上堂途中....同美冬+呀Fing派糖同朱古力....好似交換禮物咁= ="....芳芳病左....等我仲俾左朱古力佢tim...累左佢....

十一點半就落堂啦....去上酒店堂....香滿堂坐左我個位=v='....又要用靜怡坐....無咩野講...悶到嘔....

不過都有好處既....專心上堂=.="....最衰芳芳唔早D坐低....俾靜怡捷足先登=.=".....

之後十二點半放食飯啦....同美冬+呀Fing+芳芳+周少傑+香滿堂去食....食完就拿拿聲返去啦....

我前日個篇日記打左段野....藍色字個段....美冬+呀Fing居然話好好=.="....只係食飽飯屙唔出大便先打出黎既姐=.="....

一點半上普通話堂....好悶...又派卷....派番上次考個份口試卷...用左一分鐘準備就考....都有六十八分...又幸運多次....

碧婷打黎...同佢講一陣先打番比佢...之後都係做下練習...同練下讀音....三點半就落堂啦....今日要補課....

三點半上酒店堂.....叫做實習堂既....個呀Sir講解左一D理論之後又帶我地去隔離套房講解....都唔錯既....

之後過番隔離班房傾下開放日有咩活動整比嘉賓玩....比意見途中發生左一宗【酒店風雲】=.=".....

其實都係小事一椿....Bobo又再次唔理人感受....而美冬又睇唔過眼情緒十分激動=.=".....

之後美冬爆晒粗罵.....當然唔會係Bobo面前罵啦....只是係背後有不滿....

之後美冬終於平伏心情諗通左....講左一句說話【 none   of   my   business 】.....=v='.....

嗯嗯....一路傾下搞咩活動好....之後Bobo佢地一堆人傾活動....後面一堆人傾計....好似唔關事咁=.=".....

五點半啦.....萬眾期待既放學時間終於來臨....好痛苦的.....番八點半放五點半真係攰死人....

放學同美冬+呀Fing+芳芳+香滿堂閃人....搭車途中補眠左陣....之後番到屋企就開電腦.....

要求我地每人都要搵一條關於酒店既問題....我就一次過搵晒四條....幫埋佢三個搵....

之後都係無咩心情打機....聽左陣歌....同CK研究左陣D舊歌....哈...我都話我聽過無數既歌嫁啦....

之後同美冬係MSN講左兩句....就打番比碧婷先....又係講左兩句就收線....我要睇電視=.="....呵呵....

之後食飯啦....娘親話太攰....所以三餸一湯....有一半係罐頭...都幾好....好耐無食過....而家食番都幾好味....

食完飯返入房睇電視....又同呀Fing係msn傾下計.....又無聊上網.....之後就打番比碧婷先....

傾左幾句....佢訓教lu....居然比說話我聽....話我遲打番比佢=.="....你之前都係咁既姐=.="....

之後就去沖涼啦.....今日飲完罐咖啡就好眼訓....等我早少少沖涼打日記先.....

打完日記....同美儀係msn傾左陣....佢真係好到不得了....不枉我係B2班第一個識佢^^...

之後傾左陣佢就訓教lu....咁我今晚都早D訓先=.="....聽聞聽日要測英文....唔理佢啦....最多咪唔合格=.='.....