今日返八點半....返黃克競上PE堂....之後一開始上堂就教左陣書....最後十五分鐘就測驗.....

好彩尋晚靜怡SD左tips比我....只係計錯一條數.....呵呵....無溫書都無問題.....XD!!

呀Fing講左個關於香滿堂既秘密比我知....其實都唔係咁好笑....不過真係有點兒那個囉....

之後十點半返億京上中文堂....教寫求職信....都OK啦....唔算太悶...因為都係同芳芳佢地傾計=.="....

放break個陣呀威佢地傾起九型人格....記得n年前做過呢個測試...我係第四型.....

之後十二點半放學啦....一個四人約會....同美冬+呀Fing+芳芳去荃灣唱K....

去到....間房都幾大....不過反而唔係咁好....寧願細番D....之後開始唱....

都無咩點唱過=.="....聽佢地三個唱...美冬都無咩節奏感=.="..成日唱快左...芳芳....和音仲大聲過佢=.="....陰公...

之後四點埋單啦....比人cut歌....之後呀Fing+芳芳連廣告歌都唔放過=.="....仲愈唱愈high.....

一路唱k四點半左右...佢兩個比人cut咪....哈哈...笑到我趴街....真係第一次比人cut咪....

之後我同美冬支咪仲有聲....所以比埋佢兩個繼續唱....一路唱....發現開始重播同一個廣告....

哈哈....一樣趕唔走呀Fing佢地....佢地繼續唱....終於....廣告歌播日文歌...佢地先捨得走...哈...

閃人前...佢地去廁所....而我就係出面拎野食...根本就唔係偷食...明攞嫁啵=.="....哈哈....

走啦...美冬行路返屋企....而我地三個就去左買炸野食....食完野...就去搭車歸家....

我搭地鐵轉巴士....係巴士度訓著左...不過期間碧婷打黎...傾左陣....返到屋企就收線啦....

之後同杜寶奇傾好左聽日返學拎證書....就決定補眠先....頂唔順....

一路訓到八點起身食飯....食完野就番入房上網.....同美冬係msn傾計....

唔到你唔信....真係愈黎愈信【緣】呢樣野....尋晚個個星座運程....美冬居然係雙魚座...呀Fing居然係山羊座....

居然咁到撞到正一正.....詳情請睇番尋晚篇日記....之後上網睇下心理測驗......

無幾耐美冬就off....我就提早打日記先....下面係第四型人格...準唔準由你地決定=.="....不過我覺得OK既....

九型人格：第四型 -- 自我型

今日好眼訓....又去買罐咖啡先.....雖然飲完下午會昏迷....但都起碼上堂可以精神D=.="....

返到去....見到Moko番黎.....補送份禮物比Moko先....生日快樂呀......

無幾耐美冬+呀Fing就番到黎啦....一開始仲以為美冬好眼訓....聽呀Fing講先知佢兩個罵交=.="...

美冬一直都無出聲....之後八點半開始上英文堂....同呀Fing都有傾下計....

之後諗住叫美冬笑下....點知佢居然話我：無啦啦笑咩呀...痴線.....

無言....想佢開心下...點知比人話痴線=.='.....不過佢心情唔好...明白既...所以算啦....

之後同呀Fing繼續傾下計....傾傾下同佢講番之前同呀Wing既事.....

心情又有點兒低落tim....不過美冬佢兩個罵交既原因都好低B=.=".....

十一點半落堂啦....去上中文堂....芳芳病左無番...同Moko坐...之後上堂個陣都有同呀威+Moko傾計....

又同沙田友+翠媽吹水....幾搞笑....之後十二點半就放學啦....同美冬+呀Fing+Moko+香滿堂+周少傑去食飯....

一路上諗番起之前同呀Wing既事....有D都幾開心....點解當初唔認低威呢....

之後美冬問我點解扮自閉...係度【懶係多愁善感】.....點解又要用個懶字....現代人真係特別鍾情個懶字....

當初呀Wing都有講過我【懶偉大】....搞笑.....又比人勾起D傷心事tim....

之後食飯...食完飯就搭車返屋企....而美冬佢地仲要上堂所以要返去.....

返到屋企....心情唔多好...又眼訓...於是補眠....一訓就訓到六點幾先起身....

其實係比呀Fing個電話嘈醒....無啦啦又道咩歉呀.....搞笑=.='....

雖然你話我手短....但咁低能既野點會記住呀= ="....如果你成日因咁小事打黎道歉...咁我咪變得好小氣=.=???

之後傾左陣就收線....起身打機....打左陣就食飯啦....食完飯打比芳芳睇下佢病成點先....

之後同美冬係msn傾左陣...就打番比呀Fing....問下佢聽日測驗既野....又傾左陣...就收線....去沖涼....

沖完涼....同碧婷sd左個sms黎....同佢傾左陣....呀Fing就係msn叫我....

傾左一輪....佢就訓教....而我就打日記啦....打完日記訓教先....今晚訓多少少....唔知聽日芳芳去唔去到唱k呢=.='....

處女座
愛情個性: 追求夢幻般的愛情生活, 相信可以找到完美的另一半,
但對最愛的人, 會作最多的批評
幸運顏色: 綠色
最能相親相愛的合拍星座: 山羊座, 金牛座
最佳的婚姻伙伴星座: 雙魚座
最能疏導情緒星座: 人馬座

我什麼都沒有﹏只是有一點吵；
如果你感到寂寞﹏我帶給你熱鬧。
為你繞一繞﹏沒有什麼大不了﹏卻可以讓你微笑。
其實我很煩惱﹏只是你看不到；
如果我也不開心﹏怕你轉身就逃。
對每個人都說還好﹏我的心我的情你不需要明瞭。
只要我對你好﹏這樣的溫柔你要不要？
快不快樂我無所謂﹏為了你開心﹏我忘記了累不累。

今日一早訓醒....明明今日返九點半...但我八點左右已經返到去溫書....真勤力....!!

之後溫左陣簡化字....咁快就9:15分啦....於是就執野落樓下等入房.....

一落完樓梯...就見到美冬+呀Fing...之後吹口哨叫佢地=.=".....

係梳化坐低先....幾浪漫....同美冬明明隔住幾塊街磚...但就sms對話= =".....

之後入班房啦....九點半上英文堂....一開始個陣都有少少悶....不過之後都ok既....

放break個陣....拎盒朱古力條出黎食先=.=".....之後就繼續上堂....又同碧婷傾左陣sms.....

十一點半落堂啦.....去上酒店堂....都叫明明地既...不過有少少筆記抄唔切=.=".....

十二點半放lunch.....同美冬+呀Fing+芳芳+周少傑+香滿堂去左OK便利店食....哈....一人一盒薄餅....

之後食完就行番去啦...未夠鐘上堂....係樓梯下企下先....之後一點半就上普通話堂....

本身我係同芳芳坐緊...不過靜怡一入黎就話又拋低左佢...見佢咁講...咁我就讓左個位比佢我同第二個坐=.="...

首先就做份模擬測驗卷先....都OK既.....起碼都有82分....自己覺得唔錯唔錯=.=".....

一分鐘個人短講....明明順學號我係最尾一個....點知miss玩野....一前一後咁叫學號出去= ="....結果我第二個....

搞屎棍....出到去讀個陣....都覺得有幾對詭異既眼神望住....結果真係=.="....

之後D人不斷出去讀....一路讀到三點半落堂....之後就閃人啦.....

同美冬+呀Fing+芳芳去深水步....香滿堂同我地一齊行...搭車個陣撞到呀水+呀威+周少傑....

呀水居然話陪我去=.=".....咁俾面呀....乜突然咁多人....嚇鬼....香滿堂就返屋企...周少傑就去街....

得番我地六個去到深水步....去買禮物比moko先....補送生日禮物....

揀禮物途中呀水同呀威唔知閃左去邊=.=".....之後我地四個繼續....揀好耐都唔知比咩禮物好.....

最終求其買份禮物就算....之後去搵個位坐低....佢地原先話去搵間鋪食豆腐花....點知行好耐都搵唔到....

最終佢地放棄個念頭....求其搵間鋪入去坐下算....四個人坐一間鋪....得芳芳買左枝價值五蚊既汽水=.="....

都幾抵坐.....之後坐完就出出面....係檔攤度買左D炸野食....一蚊件...幾抵食=.="....

美冬將尖椒當青椒=.=".....佢話辣=.='......好彩我食得辣=.=".....無咩感覺.....

食緊途中啤仔打黎.....但由於唔係咁方便聽電話所以就收左佢線先....之後去搭車返屋企啦.....

搭地鐵轉巴士....係架巴士度訓左....之後行番屋企....番到屋企又再補眠.....

一路訓到九點半先起身食飯....食完飯....睇左陣電視....就番入房啦....

同呀Fing係msn傾左陣....就打埋日記先.....一陣去沖涼....沖完涼就同碧婷傾陣電話....訓教....

今日訓到十點左右....呀Fing就打黎比我...話想壯膽= ="....都幫唔到你咩嫁喎=.=".....

之後訓番....十點半左右美冬打黎....以為佢想約我tim...原來佢已經食完早餐...打黎叫我起身食早餐= ="....玩野...

同美冬傾左陣....佢就溫書lu....就收線....而我就起身用電腦.....同人傾msn....

之後打機....打到大約兩點左右叫外賣....食完野同肥孫msn傾左陣....又同CK傾下.....

之後一直都係打機....因為無咩心情溫書....大約六點幾七點左右....娘親打黎話車我去天瑞食飯飲湯....

換衫出門口....之後上到天瑞....食飯....吹左陣水....睇左陣電視....就閃人啦....

同杜寶奇講好左星期四一齊返學校拎證書....之後返到屋企....開始作普通話短講份稿....

標聲調....唔識....打比碧婷求救....之後做完...就同佢打機....打左陣機....無啦啦唔知發咩癲佢唔出聲....咁我就cut佢線....

之後水財話sd番尋晚既相比我.....反正無咩心情打機....所以就唔打機....叫佢sd相比我算數.....

收完相...就去沖涼....沖完涼早少少訓....聽朝早少少返去溫下書先....

今日原先十點至兩點要返學校當值攤位.....較左鬧鐘八點半起身....點知比我整熄左....

訓醒個陣已經十二點....一睇個鐘就知賴野....即刻仆落床換衫出門口...

返到去已經一點幾....之後就開始幫人玩遊戲....派禮物...大約兩點左右....芳芳都返到黎.....

應承等到三點半先走.....之後一齊睇攤位....一路都相安無事....我仲請芳芳飲左罐汽水....

大約三點半左右....俊夫黎左問我地兩個點解會係度....之後先發現....原來我地兩個一直都係睇錯攤位.....

頂....我地見個攤位有兩個人係融樂組既....咪以為係呢個攤位囉...點知原來呢兩條友今日唔係負責融樂組攤位= ='....

搞錯左....超級瘀皮....之後同芳芳去周圍行下....行左一輪之後就返去....由於時間關係...我要走LU....

得番芳芳係度同D南亞裔同學睇攤位....我就去搭車出紅碪....出去搵碧婷佢地....

之後去到紅碪火車站...我係C出口...佢地係D出口...,講左好耐佢地都唔知C出口係邊...

你老闆....我一落車就係C出口....居然話我行錯???....係錯都係佢地啦下嘛???...

碧婷又話係紅碪搭巴士....咁我咪特登搭車過去等佢地囉....點知原來佢地最終都係要搭番去尖東搭車....

又晒錢又晒時間....特登搭黎搭去....之後終於搵到碧婷+寧英+啤仔+幾條唔熟既木咀....

個時都幾火....所以都無咩點理佢地....之後一直咁樣搭去屯門....發碧婷脾氣...所以都無理過佢....

去到龍鼓灘燒烤埸....就見到佢地一班人Lu....之後就開始燒....同寧英傾過下....都覺得自己好似有點兒過份....

個燒烤埸有個天台....同水財+啤仔上左去鋤Dee....上到去天台....我就Sd左個訊息比碧婷同佢認錯+道歉....

傾左幾句之後...我就繼續同水財+啤仔鋤dee....玩左陣就番落去燒野食.....

同碧婷燒左陣野食....同D人吹左陣水....我就繼續上去同佢地鋤Dee啦.....玩左幾鋪就同杜寶奇吹水....

我同佢都發覺....原來氣氛都幾怪....雖然話係聚舊....但黎到都好似自然咁分堆....各有各玩....各有各吹水....

杜寶奇仲話我無變...一樣咁鍾意串佢...而佢又唔識點駁我XD....因為我健談嘛....所以你咪覺得同我多野傾囉XD....

感覺上好似係學校同美冬+呀Fing+芳芳佢地傾計仲好....可以肯定既係....同佢三個一齊...感覺會好過今晚....

臨走前....大家去影相先....影完相大約十一點半左右就執野走....一齊去搭車....

係巴士上...我打比呀餅....點知部電話都比秋婷搶埋去....仲要當自己電話咁傾= ="....遲下比埋張電話費單佢先= ='....

落車個陣....同秋婷係度打下串下....幾搞笑....好耐無同秋婷串嘴同打架....唔係...嚴格黎講我係比佢打....

不過都幾懷念呢種感覺....你串下我我串下你....佢唔夠我串就郁手打人....

之後佢地搭車返天水圍同元朗....而我就自己一個搭車返屯門....返到屋企就開電腦....

一開電腦就見到美冬+呀Fing係msn比我既留言....覆佢地先=v=".....今日全日都唔係屋企....所以睇唔到....

之後就去沖涼先啦....沖完涼就打日記....去訓教啦.....都幾攰.....

誰明我心裡...此刻的思緒...