今日....我買埋麵包+竹蔗水....八點鐘已經番到去睇書....本書愈睇愈吸引....不斷咁睇....

之後睇到八點半左右....落樓下坐係梳化睇....點知居然見到翠媽已經番左黎....咁早呀....

一路睇....D人陸續番晒黎....之後美冬+呀Fing都番左黎啦....而我又再次無心情睇落去=.=".....

好多人著便服番黎....因為今日下午要出去灣仔參加IVE廿五週年既同樂日....八間院校都派學生出席....

呀威尋晚又話著制服...整到我無帶便服番黎換....佢自己就著便服番黎....頂...玩野麼=.=".....

之後九點半上英文堂....一開始都幾悶...加上尋晚訓得兩個鐘....所以無咩心情聽....不過都死頂.....

之後問呀B低能智商題....佢答唔出....聽完答案....笑到趴地.....之後就無驚無險捱到十一點半落堂....

上酒店堂....同佢地一路上堂一路食麥提沙....美冬+呀Fing無帶note...居然唔溫習既我有帶note....搞笑=.='...

之後對卷...呀敏明明係跟住我做...點解佢仲要高分過我....頂呀=.="....呢樣野最頂心....

十二點半放食飯啦....同美冬+芳芳+呀Fing+香滿堂+麥兆龍去左間不知名飯店食飯....都幾好既...

之後食完飯....同佢地去左TrendyLand睇野....都係賣D公仔精品....睇左陣就夠鐘番去了...

番到億京...一個人都無....原來間旅遊巴係黃克競門口等....所以我地幾個就拿拿聲跑去....

上到車....就聽下歌....之後同美冬傾左陣計....就到站啦...落車....去更衣室換大會派既T-Shirt.....

大鑊...T-Shirt+西褲+皮鞋....全新既打扮=.="....我件T-Shirt本身要大碼...但無晒得番中碼....逼住著....

換完衫出黎....美冬+呀Fing唔信我真係有肌肉=.="....比佢地見識下....之後佢地對我另眼相看=.=".....

坐係看台上....水財打比我....原來佢都到左....之後坐低左陣...就叫佢過黎我呢邊坐....

一路同佢吹水....一路吶喊助威....比水財睇下邊個係美冬....之後就繼續吶喊助威....

無幾耐杜寶奇打比我....佢見到我....原來佢係對面....但太遠廢時走黎走去啦....

大約五點幾六點.....就可以閃人啦....叫水財陪我去更衣室換番套衫先....之後呀爺都係度....

同美冬佢地閃人....打比碧婷....原來佢媽咪叫佢食左飯....但本身都話照出去搵佢食飯既....

忽然...美冬話四個人去食飯....之後我就應承左....因為諗諗下碧婷食左飯廢事特登再食多次啦....

四個人去左肯德基食晚餐....邊食邊傾計....都幾搞笑....之後影相....芳芳忍住笑....

突然佢忍唔住笑左出黎....我笑芳芳....話佢笑到好似係個口度放屁咁=.=".....之後美冬又係度喪笑....

除左平時幾個傾計既朋友...我幾鍾意同佢地三個講野...因為佢地既諗法可能比較好...又或者比較特別掛....

對於個種想法幼稚...行為低B既人....不理也罷....根本唔同夾既人....就算點樣扮fd....遲早都會出問題....

而問題又唔係在於誰對誰錯....只係意見不合....各持己見而已.....所以對於唔熟既人都係唔好理咁多事....賴屎上身....

一路傾下計....大約傾到八點幾左右....就閃人....搭車....係地鐵站又入左間精品店睇野....

之後我係南昌站轉西鐵搭去天水圍....同佢地道別....不過我超眼訓...尋晚訓得兩個鐘....

同碧婷講好左食糖水....之後係佢屋企樓下等左好耐佢先落到黎=.="....兩個去左間糖水店食野....

食完野....就閃人啦....我就搭車番屋企....係天水圍西鐵站....比查票人員捉我無拍卡....

但我百分百肯定自己係無拍出站....佢居然話我拍左出站....仲有顯示比我睇=.="....

無啦啦罰$290.....攞命....之後打番比碧婷....尋晚一輪詭異事件後....今晚又黎多件詭異事件....大家都覺得好邪....

之後番到屋企....換衫....沖涼....同家姐講番呢兩晚既事....佢話似笑話多D....仲要係度笑=.="....

之後番入房打日記....打完日記就訓教啦...明知聽日默書同交功課....但太攰唔理啦....聽日先算=.="...

今日....訓到十二點幾...賴床...一點先起身=.='......起身後用電腦.....

大約兩點幾就換衫....落街食野...打算食完野去打下波.....

落到餐廳....自己一個食野....感覺好怪....從前既我根本唔會自己落街食野....點解我今日有咁既雅興既....

寂寞的人....拿拿聲食完野閃人算....下次都係唔好再自己落街食....寧願買番屋企好過=.='....

之後獨自去左籃球埸....射下波....唔知係咪個波問題呢.....點解連射罰球都可以大針= ="....平野無好野....

打打下波啤仔打黎.....佢居然唔信我會自己落街食野同打波=.=".....搞笑....

不過又難怪既....我自己都唔信=.="....因為廢事再過埋d頹廢既生活.....

之後有幾個小混混走埋黎問我痴波打.....無錢買波就咪鬼學人做小混混啦= ="....

之後佢地話鬥波....反正無野做...奉陪到底....四個人猜隊....同個肥肥地既四眼仔一隊....

雖然對面兩條友唔勁....但佢地入左第一球開始...我就已經放棄左認真打波既態度.....

因為我個組員居然係唔識打波=.=".....仲要唔識走位...攞命....求其打就算數...廢事晒氣....

輸左十一比十....仲要有八球係我射= =".....好野....不過呢幾個小混混真係無咩出色=.="....比我嚇番轉頭= ="....

又無膽又無錢.....呢幾個小混混真係....唉=.="....番屋企孝順父母好過啦= ="....仲要學人吸煙....

之後佢地走左...我繼續打波....練下走籃先....反正我又唔識走籃又唔識擰人=.="....只係識射波.....

之後打左兩個鐘左右就閃人....番到屋企就拿拿聲去沖涼先...沖完涼就用多陣電腦.....

六點幾就攤係張床度....攤攤下就訓著左....訓到八點左右先起身....起身後同娘親食外賣....

食完野....番入房....執下note先....太亂.....之後執完就用電腦....提早打日記先....

打完日記就做番D功課先....要改變下我既生活了....唔可以再成日對住部電腦.....

梁浩賢 - 一個特別的男生，你的男性不友不多，就算相識多年的朋友，最終亦只會成為點頭之交。你的異性緣很高，圍繞你身邊大多是女性朋友，部份甚至是你的紅顏知己。你有一種魅力，能令異性們都想向你談心，但引來很多男生們的憎恨。你的家庭生活很好，只是年幼時有著旁人不能理解既慘況，因此你從小己學懂保護自己，甚至保護家人。你在大家庭長大，別人都羨慕你有個幸福的家庭，但你每位親友都有心病，開心時固然開心，一旦爭執起來就一發不可收拾。你的一生會遇到很多不同類型的人，在你接近十八歲的時候，會遇到一位與你很有緣份的女生，兩人亦會彼此覺得緣份很深。每次遇上心儀對像，由於你非常害怕感情的傷害，因此若果你不肯定成功的機率，你會寧願選擇暗戀，因為你會害怕失去知己。你的思想成熟，但你的無聊指數相當高，你會在適當時候表現得成熟，而且對朋友義無反顧；在適當時候表現得幼稚，與朋友談笑半生。你擁有異常的幽默感，能令身邊的人對你又愛又恨。你最大的缺點，是很難才能脫離負面情緒，一旦面對負面情緒，就會顯得非常沉靜，甚至把身邊的人嚇壞。

頂呀...點解上網做既野都咁準@0@....查家宅仲要起我底=.="....麥玲玲上網睇相=.=...痴膠線....

今日訓到一點....呀Fing打黎....仲要畫出仔畫出腸....搵我攝時間= =".....可怒也....

之後傾左幾句就收線啦....我就起身洗臉....煲番熱尋晚既粥....之後食到好飽....

食完野就玩電腦....大約三點....諗住換衫落街買籃球.....廢事再咁頹廢=v="....

換好衫....出門口之前....由於有個朋友打黎....佢唔開心...喊住咁講...想同我傾下....

聽到佢喊成咁...突然間個心好似有點兒那個...於是二話不說...就即刻搭車出去搵佢....

一直陪佢陪到七點左右.....見佢心情好番D....我都安落D....先送佢返屋企...開心番咪好囉....唔好諗太多啦....

見佢喊....自己又唔知可以做到D咩....最多只係能夠出去搵佢....陪佢散心....等佢訴苦....自己做到既只係咁多....

只要係有需要我效勞既....隨時打比我....唔洗驚我會有事忙....有需要既....只要一個電話就夠...

唔理幾遠或幾忙....只要你地想搵我既話....幾遠我都仆出黎....最重要既係...如果你地需要我效勞既話....

就等娘親黎車我....之後同屋企人去左市中心食野....去左一間叫【上海婆婆】既上海餐廳食....

都OK既....食左$532.....之後食完野就番屋企....番到屋企打番比美冬....

佢話遲下會有好多機會收到類似今日我朋友既電話= ="....傾左陣....就收線....之後同美冬+呀Fing傾msn....

傾左陣就打日記先....打完日記再去沖涼....之後就去訓教...聽日自己落街打波....

今日八點鐘就番到去....見無野做就睇書....睇番尋日同碧婷一齊去借個本小說....又幾好睇啵....

之後一直睇到九點幾....番落房睇先....睇睇下美冬佢地番左黎....都無心情睇lu=.=".....

傾下計....九點半就開始上英文堂啦....得幾個人做左功課...我都無做到=.='....

之後美冬同呀Fing話我眼神好恐怖=.='.....一個話對望會令佢【尷尬避開】....一個話同我對望會【深情到驚】.....

芳芳同我對望原先無咩反應....以為佢無野....但原來佢又係一樣話有D【恐怖】=.="....

從來都無人話我眼神恐怖....都幾新鮮=.='.....美冬仲話我成日用憂鬱既眼神周圍望野= ='.....搞笑....

無幾耐...呀Fing話聞到我有好大陣煙味....美冬又話：一早都話ricky唔係個簡單既男仔.....又搞笑= ="....

之後十一點半就落堂啦.....上西式餐飲服務....個呀Sir好嚴....無著校服唔點名=.="....芳芳真慘....比人揸正黎做....

都係傾下計....miss左部份筆記....遲下問人抄番先.....發生左件搞笑既野....笑爆咀....

Moko問香滿堂借把較剪整啦啦球....點知香滿堂比把超得意既較剪佢....都已經幾好笑....

問題係....Moko拎住把剪刀居然係一下都剪唔到....得物無所用...仲衰過用指甲鉗....加埋Moko無奈個樣....

Moko仲要無言地放低把剪刀...放棄用剪刀...笑到我地爆肚....之後仲搞笑咁問Moko....洗唔洗借指甲鉗比你用呀XD??....

之後十二點半就放食飯啦....四人去左鍋貼大王食....幾好味....都唔算貴....食完之後就去左公園坐....

係度傾下計...幾個係到想當年....又講番童年....講下以前會睇咩卡通片= ="....

聽到句都唔知好笑定好嬲既野...係出自美冬+呀Fing把口：如果ricky高番少少...或者可以考慮下既.....

你估我想既咩=.="....後天好努力...先天不足....無計嫁啵=v='....梁家既人大隻....但矮=.=".....哈哈....

不過寧願自己無咁大隻...都想高番D=.=".....魚與熊掌...豈能共享....哈哈...好彩我未算係最矮....

又後美冬又話我生活好似好頹廢=.='....唔係呀...我已經唔係成日係屋企啦啵....都有出下街嫁...

雖然出街都係無無聊聊=.='....好!!...一於每日抽番少少時間溫下書先得....積極D呢....

傾傾下呀Fing無啦啦搞我個頭.....我都話我唔會晒時間set頭囉=.="....訓多陣好過啦.....

唔知傾到邊...美冬+呀Fing唔信我有肌肉....私人比佢地試下=.='....事實証明我真係有肌肉...而唔係肥肉的=.='....

傾到三點幾....我同芳芳三點半要開考酒店電腦系統.....所以就閃人啦....美冬+呀Fing就返屋企.....

三點半....係電腦室等埋D木咀就準備開考....考之前...同Sir夾番補堂既時間....之後碧婷Sd訊息黎....

開考啦....都唔算難....呀Sir呢份卷最低分都有六十幾七十分....無人唔合格....即係話份卷超易啦....=.='...

同呀敏調左位....因為呀敏唔識做....叫我坐前面=.='....好啦....幫埋佢今次啦=V='....下次真係唔幫....

考左十幾分鐘就做完.....所以就交卷同芳芳閃人....一齊去搭車歸家....搭車個陣打番比碧婷....

原來佢都要係長沙灣上堂...唔早講...我上車先知....=.="...傾左陣....就收線啦....

番到屋企...就開電腦....再補眠...補眠期間寧英同碧婷都有sd訊息黎.....

寧英都幾多唔開心....不過唔好咁樣啦....都完左啦....唔好再諗啦....當吸收教訓啦....下次就會醒目D.....

之後再訓過....訓到七點幾....美冬打黎....原來佢係條街度....當你孤單你會想起誰??原來想起我.....

好聽D就話想起我....另一講法就係攝時間=.=....不過為左令自己開心D....唯有當佢真係孤單時會想起我啦=.="....

之後傾左陣就收線.....起身用一用電腦....佢就打番黎.....動作都幾快=.='.....

又傾左陣....就收線啦.....開部電視睇下先....睇左陣電視又同人傾下msn....

一路睇電視睇到十點幾先有飯食...因為娘親今晚玩煲粥=.="....粥到而家....好野!!!

食到超飽....都仲有半煲粥剩.....聽日午餐有著落=.=".....之後就番入房.....

同呀Fing係msn傾左陣....就去沖涼啦....今晚可以夜少少先訓....又放兩日假....即係又無聊兩日=.='....

等我睇下有邊個得閒....又出黎一齊過日晨先=.='....呵呵......今日都聽到幾多新鮮既句子係關於我....攞命...= ="

今日訓到八點幾….自然醒….訓得好舒服….因為發左個好夢….

不過由於起身無野做…所以決定繼續訓多陣先…..訓到十一幾起身…..

換衫洗瞼先….約左杜寶奇番茂峰拎cert….之後十一點半就出門口啦….

碧婷打黎…..之後係天水圍西鐵站等佢….再一齊番去拎cert….

係泳池門口搵埋杜寶奇就行番去啦….終於再次踏入茂峰呢個地方

茂教茂峰法師紀念中學......好耐無見過呢個名.....訓教茂利發癲忌廉可樂......

雖然變左好多….不過感覺依然熟悉….特別係見番D好耐無見既朋友….

都幾窩心….拎完cert就同班老朋友坐係小食部吹水….又同呀Sir嗲左陣….

之後Peter佢地放完lunch要上堂啦…所以我地三個都走啦….

之後三個去左食壽司…邊食邊傾計….之後食完野….就周圍行左陣….

之後就各自歸家啦….搭車返屋企…之後就補眠左陣….訓到七點起身….

用左陣電腦….就去睇電視啦…..再食飯….之後就上網搵下D餐廳資料…..

暫時決定左碧婷生日個日去邊度啦…之後就上網睇下野….

夜晚同美冬+呀Fing係msn傾左陣....佢地就off啦...無幾耐碧婷打黎....

之後同碧婷傾左陣就出去飲湯.....再沖涼....抖多陣就訓教啦....