晨早空氣清新開朗....今日六點半就起左身....事關今日同碧婷出發去迪士尼....
七點幾出門口去天水圍....約左碧婷係銀座等....打賭邊個會遲到....結果....我羸左個早餐XD .....
之後食早餐途中.....我懷疑緊份早餐係咪落左藥.....因為邊食早餐....我地就不斷講笑...笑到趴枱=.=".....
搭車lu.....可惜....上車唔記得買水同零食tim....Ohshit....唯有係迪士尼入面消費啦.....
十點鐘去到迪士尼lu....去到我地兩個不斷咁影相.....一個唔影相既我...居然會不斷咁影相....可算係奇蹟=.="......
之後狂影狂影又狂影...結果...差唔多一點鐘....相機已經只趴低左....無晒電= =".....哈哈...搞笑....
好彩有兩部手機姐...雖然碧婷個部尋晚無充電....但我部電話就爆晒電....呵呵....
之後就開始玩啦....去左間動畫藝術教室畫米奇老鼠....結果我都未畫完就話已經結束....笑到碧婷隻眼得番條線= ="....
係美國小鎮大街度行下....睇下野....影下相....就去左玩下D機動遊戲啦....
首先玩驚心動魄太空山....仲以為好似過山車咁會突然衝落去tim.....原來只係得個【快】字....
唔多夠刺激....不過都可以接受既....之後去左玩巴斯光年星際歷險....都OK既....射擊....
玩完之後...我地去左幸會史迪仔.....搞笑....平時只有我玩人...入到去終於體會到比人玩既感受= ="...
不過呢個都幾好玩....再之後去左玩馳車天地....碧婷揸車...我影相....佢又話唔會撞野...結果....= =
玩完....去左睡公主城堡睇....都幾靚....可惜無得行上去....之去睇小熊維尼...玩旋轉木馬...再玩埋咖啡杯....
玩完就去睇米奇幻想曲....戴住副3D眼鏡....都超真實....好正.....玩完之後去左睇巡遊....D人跳舞...都OK既....
之後排隊等玩所謂既鬼屋...排左差唔多一個鐘....間鬼屋有點兒令我地失望....都唔恐怖....連碧婷都係咁講= =".....
玩完....我地去買左個爆谷食....買左兩枝水....就繼續行....去左睇泰山街屋.....坐木伐去....
間樹屋都ok既....幾靚....可惜夜晚睇唔清楚....不過日頭去睇既話就無咁靚.....
睇完樹屋....就去左玩森林河流之旅....即係坐船....都OK啦....夜晚坐會靚過日頭坐....
坐完船....去左睇米奇金獎狂想曲....都OK喎....幾好睇....睇完出到黎唔見左好多人...
原來D人已經圍晒係城堡前面等睇煙花....等左廿分鐘左右....終於開始啦....幾好睇既...可惜有D俾棵樹遮左....
睇完煙花....就去左等睇花車巡遊.....等既期間去左影下相....差唔多開始啦...我地就去左等睇....
開始啦.....成個花車巡遊整體黎講都唔錯....D人仲跟住佢地一齊跳舞tim.....
睇完啦...我地都走人...臨走個陣碧婷狂影相...咩都影= ="....十點半左右....搭車返天水圍.....去到碧婷屋企樓下食野先....
食完野....就送碧婷返屋企....而我就上左天恆.....今晚係天恆訓....上到去沖涼先....
沖完涼....同童童吹水講笑....之後就等個頭乾訓教啦....今晚好攰....尋晚只係訓左三個鐘....
不過今日都玩得幾開心....碧婷話：黎到迪士尼我覺得好舒服....可能係因為呢度D野比較夢幻掛...比起外面呢度舒服好多....
嗯...又真係既....起碼唔洗係外面咁煩...咩都要煩....煩呢樣煩個樣...今日真係比起平時開心好多既....
好啦....今日既行程大致上係咁....由於太多相既關係....我將D相擺係相簿....大家去相簿睇啦....↓↓↓
http://photo.qooza.hk/rickya1002 |