今日訓醒....十一點半....起身換衫....要番學交學生資助既資料.....好痛苦....
水財今日生日....約左佢係長沙灣等....佢同我返學交野先.....
交完表....我地就搭車返元朗....原先話去唱k....但幾貴....所以取消左....
之後去睇下有咩戲睇....最終都係決定等埋碧婷先再諗....於是我地去左食野....
食完野....去左網吧打左兩粒鐘機....好耐無上網....有得打機....正....
打完差唔多五點....去左吉野家等碧婷放工....之後一齊返天水圍睇下有咩戲好睇....
最終都決定唔睇戲....改去打邊爐....水財係都要我飲酒....俾面佢生日....我就一於飲少少....
難飲到嘔奶....但我飲左兩杯半....碧婷飲左一杯....水財飲左三杯半....飲完之後我好眼訓=.=".....
臨走前....好唔舒服....好想嘔....於是去左廁所....去到廁所即刻嘔左出黎.....
嘔完之後好精神=.="....但水財嘔唔出....哈哈....之後就閃人....約左啤仔係銀座門口等....
出到去....啤仔都黎左....我地四個人就坐左係個涼亭度吹水抖下....水財好明顯地醉左....仲趴左落地兩次=.="....
碧婷飲左一杯...都話眼訓=.="....我懷疑D酒都唔知係咪落左安眠藥....=.=".....
坐左陣....之後決定去唱通宵K....去元朗....四個人係間房度唱.....又食宵夜....唱到聲嘶力竭.....
係K房....得知左個消息....整到又再次O咀=.="....哈哈....同啤仔都覺得每首歌既歌詞都好玩野....
朝早六點鐘....碧婷返工返八點....於是我地陪碧婷等多陣....去M記坐....
水財頂唔住...返左屋企先....我地三個繼續坐....碧婷訓左陣...我同啤仔就吹水....
七點左右....就行啦....碧婷好攰想請假....於是就叫佢打返公司請假啦....
差唔多八點....搭車返天水圍....碧婷+啤仔返左屋企....而我就上左天恆訓教.... |