今日返九點半...八點起身換衫返學....照舊搭巴士...不過有件奇遇....
巴士...多出好多空位...我就坐左係4人對坐既座位度....我對面有一個男人同一個女人....
個男人...睇落去好有文化味道....個女人....睇落去已經四十幾歲...但都尚存一D文化味道....
可怕既事終於發生....我照舊戴免提聽歌....開得都幾大聲....點知...個男人突然大聲一咳......
本身訓著左....俾佢大聲咁咆哮嚇醒左....呢樣都未算頂癮....最頂癮既係....佢沿途都不斷大聲咆哮....仲要音量不斷增加....
當佢咆哮既時候...我居然係完全聽唔到首歌既歌詞=.=".....被佢既咆哮聲掩蓋左.....
正當個男人無再不斷咳既時候...個女人又黎料啦.....好似驚個男人唔死得咁....噴左超多濃烈既香水....
我坐佢對面....聞到都頂唔順....其他乘客都望住佢....之後我都火火地調位.....
個男人又係咁咳....之後我見到D搞笑野....個女人不斷用隻手撥個身....個男人就不斷用手撥開D味....
最搞笑既係....個男人咳咳下....向住女人個方向咳...而個女人又係咁向個男人既方向撥....
落車後我都忍唔住笑左出黎=.=".....哈哈....之後行番學....
番到去...頭兩個鐘上英文堂....今次無訓教.....因為Listening時間唔多....所以都頂得順.....
之後就上酒店堂....開始覺得D理念有少少複雜....睇黎玩多兩日要開始背下書啦....
十二點半放Lunch....落到去唔見左呀敏佢地....於是就去左附近既OK買麵包返學食算....
一點半...上普通話堂....都唔係咁集中....之後上堂個陣我做功課...聽日要交...唔想返屋企做=.="....
三點半放學啦....搭車返屋企....居然撞到翠媽@0@....問佢住邊....原來佢同我住得好近....隔離村.....
落車買左杯雪糕先返屋企....返到去都係同碧婷打機傾電話.....之後佢沖涼....我就訓左陣.....
訓醒叫外賣先...食完飯又係同碧婷打機傾電話......又同人係msn傾下計....
msn同美冬講D好無聊既野= ="....好似兩個無聊人無野做咁= =.....話我無聊....其實佢都係同一類人= ="
之後同寧英傾左陣msn....佢話返學好開心....咪好囉@@.....一路keep喔!!!!
一直到十一點幾....收線lu....今次到碧婷訓教我沖涼= =".....
沖完涼就上網....打埋日記...等個頭乾就訓教啦..... |