尋晚係天恆訓...今日訓到十點起身....之後換衫洗臉閃人...去左屯門市中心....
去揀埋條鍊比美冬...因為只係得個鍊墜...買多條鍊好似好睇D=.="....去到行左陣....
買左條純銀白金鍊=.="....價錢同個鍊墜差不多....個sale話會無咁易變色同靚D....所以就買左....
之後返屋企....一整好美冬+呀Fing份禮物....美冬就打黎....駁埋比呀Fing....之後約左一點係荔景地鐵站等....
出門口打比美冬....點知一傾就傾到落車....係大窩口落車...聽佢指示行下行下就去左佢屋企樓下...
由於佢唔識表達左右方向....所以行去佢屋企樓下個陣我都有種電波少年既感覺=.="....
之後一齊搭去荔景....約埋芳芳....但由於事出突然所以無帶芳芳份禮物出黎....抱歉....
去到搵埋呀Fing+芳芳....就搭去青衣....美冬仲約埋佢地既朋友阿煥....之後五人坐係青衣海旁....
坐左陣....去行左陣商埸....就去食pizzahut....食完野又行左陣....又去番海旁....
我發現每次安靜既時候....都仲會比佢地話我抑鬱.....難道我就不能有靜的一面嗎?...
之後無幾耐美冬佢地既朋友阿曾都黎左....去許留山食甜品....芳芳破產....我請佢食...又請埋美冬食....
食完野就搭車走人....佢地返屋企....之後我係葵芳轉巴士....順路探家姐....再搭去天水圍....
今晚原先約好左啤仔食野...之後去到天水圍同啤仔食野....食完野就周圍晒時間....目的係等碧婷放工....
之後比份禮物碧婷....就同水財+啤仔去左天耀....佢兩個飲酒....我就同佢地吹水....期間美冬打黎....
唔關我的事=.="....可能係你諗錯野....又或者係其他事姐=.="....又有可能同係你有關=.=".....
之後去天慈坐....玩左陣十五二十...買左少少野食....就玩【誠實&大膽】....不過基本上只係玩誠實....
都知道左幾多鮮為人知既野....我地問既問題都幾尖銳....又好私人....玩得幾盡興既....
玩到差唔多半夜三點....都無車返屋企....所以就去左天瑞....今晚係天瑞訓....順手打日記...聽朝返屋企.... |