今日距離會考仲有4日....但第一科考電腦...我都未溫過....

今日返學對下份英文卷....衰晒...份作文有第二...但同第一爭成倍分數= ="....

之後留係學校吹左陣水....等到食飯既時候成班出去....

佢地問去邊度食....我話珊瑚堡...呀Wing話唔好...去紅葉食....德叔話唔好....

之後呀Wing話去椰林閣....寧英唔想去....結果佢地去板橋.....分明蝦我姐..我話唔想食你地又去.....咁洗乜問意見姐....

日日食板橋....食到我同寧英都厭......之後同寧英+尊哥去大快活食.....

食完就集合番....之後行番學.....番到學同寧英影印....影左大半個鐘...先番班房溫書.....

之後係班房教呀Wing化學....D人好鬼嘈....阻鬼住晒.....

大約四點幾....寧英走人...我地番多陣....差唔多五點...水財佢地都走晒....我同呀Wing坐多陣都走人....

之後佢去搭西鐵....我就要過天瑞........唉....資金貧乏......

今日Kathy話唔舒服...所以拎左卷就走lu....番屋企抖下....聽日番黎學校A﹏A....

終於收多幾個入室弟子啦..XD...賜佢地法號A﹏A.....我師妹:浮沉(寧英)....大徙弟:俗世(碧婷)....

弟子:呀童木(水財)....漢堡(啤仔)...看破(呀餅)....

今日照常返學....不過朝早要對卷~

中文卷.....閱讀個份...Miss話係難左...所以有分數三字頭就已經好好....

我爭一分有四字頭...咁我咪好好A﹏A......XD

之後對完卷....班房終於無咩人...唔洗嘈....

開始溫下書....叫水財背化學.....寧英叫我打去問下影印個度幾錢....問完之後...呀Wing話好貴=..="...因為影多左答案同MC~

影多左最多做多次姐=..="....唔緊要既.....到食飯時間...成班去食板橋=..=".....

唔係咁想出聲...所以一路都無咩點講野......

之後返到班房...做Kathy份英文Listening....都幾難...何況幾個都幾眼訓...無咩心情做...

之後教Kathy同水財化學....離子方程個d同氧化數個d都ok既...Kathy學得快d=..="...可能水財無上過堂掛...

之後做左陣就休息下啦....傾左陣計....又講下我D佛偈.....同佢地傾...仲叫佢地做我徙弟XD......

差唔多五點啦....就走人LU...同呀Wing去搭西鐵返屋企.....

返到屋企就開電腦....發覺部電腦好有問題=..="....幫Kathy整完就到我部電腦有問題LU....遲下先整...

之後就開始訓教....一直訓到差唔多十一點....起身煮個麵食先=..=".....先再訓過=..='....

今日返到學....照常坐係度同Wing傾下計....

之後kathy佢地番晒黎啦...一樣咁傾.....上完早會後測兩份卷.....

一次過測左大約兩個鐘左右就走得....同Wing+啤仔去左天慈食野....食完野叫埋水財拎個波落黎打.....

打左陣上左水財屋企...太熱......之後就一齊返學啦....

返到學都係好似平時咁無咩野....又溫下書......

溫到大約五點幾....放學走人啦....我去左kathy樓下...等佢部電腦....=..=

托佢部電腦返屋企整....之後開始整....係咁狂開機....幫佢入隻洗機碟....loadload下都hand埋=..="....

整唔掂...整舅父整....舅父都整唔掂...唯搵問德爺拎隻修復碟....無用既話搵佢朋友幫手=..="....

中毒情況仲勁過蟲蟲=..="......部機真係......

今日真係可以好似無事咁.....原來RiCkY你真係做得到既......

今日朝早係學校...好驚好驚...原來寧英都知呢件事.....係得我唔知...

差唔多放食飯...我個心跳得愈黎愈快...好似要爆咁 ...今日食飯同Kathy+Wing去水財屋企食....

上到水財屋企...個心跳得仲快...距離同佢講既時間愈黎愈短....

落樓行番學啦....Kathy同水財行左唔知去邊...唔見左人...之後我咪同佢講....但始終都講唔出口..

之後一路都無咩野講咁行番班房...番到班房比人轟炸.......

之後諗住問佢借兩分鐘時間....點知佢直頭連反應都唔比我....相當無奈.....

之後佢仲走去圖書館.....其實我問得你借兩分鐘....都只係想你比少少時間我...等我可以講自己既想法比你聽姐....我亦一早知你既答案...只不過想講完之後等你親口拒絕.....然後再好好咁同你做朋友....結果連時間都唔比我...連講既機會都唔比我....知道我此刻的心情嗎?

冷靜咁諗左陣....都大概知道自己而家應該想點....之後放學啦...同kathy+寧英+碧婷+肥尊去左新北江....買蛋糕....

買完去天耀M記坐左陣...就走人啦.....哈哈~掂....真係【賠出了笑臉...還要強裝自然...】

返到屋企換好衫就攤落床...笑唔出...但又欲哭無淚....心情果真係七上八落....訓下教...訓醒咩事都無嫁啦.....

訓到八點幾左右....起左身,...但都係張床度唔出廳....想自己靜靜地....佢SD左個訊息黎.....

同佢傾左陣SMS之後.....都決定同佢要好似之前咁FD....

話就話大家做番朋友....但真係可以做到咩你 --- 梁浩賢???....

不過我相信我實做到....因為今次真係的的確確咁成為Kathy口中的【Loser】....若果可以既話我真係想好似以前咁同你咁FD.....

喂...梁浩賢...你到底係咪真係想同佢保持咁FD嫁....係既話....你係男仔黎嫁...大方少少得唔得???

乜唔記得啦咩???你有自動修復系統嫁MA...更何況你只係世間的一粒微塵...遇到咩事都好....深呼吸一陣...就咩事都無啦......

一係你就痛痛快快咁哭一埸...哭唔出既話...就應該想辦法繼續維繫呢段友情.....明唔明白呀??

嗯....講得好！今晚一教訓醒...聽日當無事發生過....將困擾左你八個月既記憶撤底刪除吧......

呢兩日我真係好多謝【Kathy...熊貓...水財...寧英...碧婷】....唔係你地...可能我到而家仲苦惱梗....多謝！！！

8/4

尋日四嬸做完生日…今日到晴晴做生日….都幾忙=..=”….送左一百蚊現金比佢當生日禮物=..=…..

唉…經過尋晚之後…今日真係賠出了笑臉…還要強裝自然….

同佢地玩鋤大dee…好彩唔計錢…如果唔係都唔知我羸幾多=..=”….

之後今日返屋企…聽日約左水財溫書…..

9/4

今日訓醒…去天瑞食埋野等水財之後…去M記溫書…原先諗住溫物理…但溫左陣就無心情…因為又諗起d野….唉呀!!!好煩呀!!!

之後水財約人出黎打波….約左熊貓+啤仔+盧仔…

去天耀打左陣波…唔知點解…今日邊打波邊痛…搞錯呀…打波先黎痛…

之後抖左陣….同佢地去左天慈打….今日好多人打波=..=”…我地一開始就射下波…之後同人地鬥波lu….今日終於有番d打波既心情…平時都唔似打波既….

打左七點左右…水財上去食飯…熊貓同盧仔走人啦…我同啤仔去食野…

食野個陣Kathy打黎…部電腦有問題=..=’….可惜我而家唔係電腦前面…幫唔到手….番屋企再幫你=..=”….同佢賭左個廿四小時之約A﹏A….

之後再去打波…今次多左水財兩個細佬…..

打到十點幾….佢兩個細佬走人…我+水財+啤仔就去天耀打多陣先走….打左陣呀銘就黎左lu….

十一點左右…就番屋企lu….太攰…沖完涼訓教….同Kathy個賭局….四個鐘都未夠就我輸左啦……唉….我都唔知自己而家想點…..

10/4

今日番學做中文兩份卷…綜合同作文…..

綜合都有少少難度…作文我作左半個鐘就作完…有成個鐘訓教=..=”….

放食飯啦…同Kathy+寧英去左新北江食粥….

落梗雨….一把遮三個人擔=..=….好彩kathy把遮夠大=..=…..

番到學校…無咩人番….坐左陣之後…肥鵬+肥尊+大羅就番到學校啦….

我+寧英+kathy三個係咁搞d電話=..=….最衰我唔記得帶化學野番黎溫下….

之後大約四點幾就走人啦….佢地去天耀…我就去搭車番屋企….

番到屋企樓下先發現自己今次玩完…..原來我今日唔記得帶鎖匙….

打比舅父….佢話而家番黎=..=….我係樓下餐廳坐係度食住野等佢黎….

佢番到黎…我就上去啦….上到去換左衫….即刻攤落床訓陣先….=..=…

九點幾訓醒…起身用陣電腦….之後kathy打黎….傾左個幾鐘…終於決定聽日去搬佢部電腦番屋企幫佢搞=..=….唔洗煩…有咩搞唔掂聽日又搵舅父整=..=……

之後沖涼訓教=..=…..