今日約左水財+熊貓黎我屋企溫書.....於是九點幾起身去屯門西鐵站接佢地.....

接左佢地....先去街市買餸煮飯....今日下午個餐係屋企煮.....

番到屋企坐左陣...開冷氣...爽..........之後我開始煮飯LU......

叫水財落米....之後開張枱係我間房食....邊食飯邊嘆冷氣....真係無得頂........

好食呢??邊有人咁易食到我煮既餸XD....將來諗住做【一家之煮】...等老婆係屋企享福嘆世界嫁MA....XD.....

食完之後....開始溫書....做左陣數學....我就訓著左=..="....水財做數學...熊貓做物理.....

大約四點....佢地返天水圍.....我就去天水圍剪髮A﹏A......剪左個【薯頭】.....=..="...

之後返屋企.....去樓下買餸....今晚煲湯煮飯係屋企食A﹏A.......

食完飯用陣電腦.....應承左寧英幫佢搵【天空之城】首歌....點知原來好多版本@0@我都下載左幾個版本聽....不過幾好聽...

之後沖涼訓教LU....聽日一早去跑步....A﹏A.....

今日朝早...同媽咪家姐去左游早水.....游之前食早餐~

到天慈個陣....食早餐個時水財打比我...話而家落黎....之後就行去泳池了~

打比啤仔....叫啤仔入面等~我地入去游住先~

媽咪游左陣就走lu....我就繼續游....家姐就等埋四嬸佢地黎。

之後游到咁上下....我地走人啦....番男更衣室沖涼換衫....換完衫睇下部手提.....

見到呀Wing sd左個SMS黎....一睇之後...訊息上寫住【我地5好做朋友啦】.....

俾佢整到我有少少驚訝.....我仲以為有D咩意思TIM....搞清楚後原來個訊息拉落去寫住【愚人節快樂】=..=".....

居然俾佢玩到....從來只有我玩人...今日居然俾佢玩番轉頭=..=".....

之後去左食野....食碗魚旦河..無咁肥A﹏A....食完野打水財...叫佢拎個籃球落黎打...仲搵埋佢兩個細佬....

打左大約兩個幾鐘之後....好攰....又熱喎....D汗好似流水咁=..=".....

我就打波熱...呀Wing就拜山熱....咁我都起碼叫陪你熱呀Ma....係咪先XD........充後打完就走人啦~

我番屯門....番到去沖埋涼傾左陣電話就訓陣教.....訓醒先知原來呀媽佢地叫左肯德基外賣...肥死人....

我食左個磨菇飯就番入房....廢時睇住佢地食雞=..="...

玩左陣電腦.....就訓教LU.....

今日訓到十二點幾...約左水財+啤仔一點鐘係天慈打波...

我同水財都係為左某D人而減肥..而啤仔為左某原因而減肥XD.....

尋晚踩單車同打波...整到今日好攰.....所以打波都有D唔係咁準....

之後打到三點幾....走人LU...我太攰...叫水財幫我踩架單車番天瑞...我搭車番=..=

佢幫我推埋架單車去天瑞樓下....我自己上去...因為我太攰=..="....

有乜可能兩日內所做既運動會等於成年做既運動=..="......

之後食埋飯先番屋企.....今晚早D訓....聽日游早水=..=".....

為左我既計劃...就算幾辛苦我都要減肥成功=..=".......

今日返學溫書.....上午返到去....照舊同Kathy+寧英+水財坐係個角落靜靜地溫書....

德叔返到黎好嘈.....又想早d放學=..=都唔明佢番黎做咩....有點兒阻住我地溫書.....

之後放Lunch~寧英佢地又去銀座食【板橋】....我唔想食....所以啤仔跟我去左天慈食【的式】....Kathy同埋我地一齊食A﹏A"

之後食完飯有時間....就打左陣波...Kathy睇我地打....

之後下午Kathy要去屯門練Oral...所以佢唔同我地番去....送左佢上輕鐵之後....我同水財啤仔返學。

返到學....見到熊貓都番左去....寧英佢地都番左黎。

我地去左圖書館坐陣...順便傾下計A﹏A"....我+水財+寧英+啤仔四個講左好多野....四個人先知既秘密XD.....

之後我地番班房....坐左陣都走人LU....我去新北江買單車...佢地陪我去A﹏A...用250蚊買左架新新地既二手單車@@

夜晚....我+水財+啤仔+盧仔踩單車....踩左出屯門...之後番天水圍打下波....搵埋大隻佬同呀銘黎打A﹏A....

踩單車踩到超攰 + 打波打到超攰....踩單車上天恆....

之後想沖涼個陣...呀Wing SD左SMS黎....講左D野比我知...都唔知應該有D咩心情...

同佢傾左陣之後...佢訓教LU~我就去沖涼....聽日又去打波A﹏A......

今日一早起左身.....番學溫下書A﹏A...幾勤力XD....

番到班房...水財+盧仔+呀灰都番左A﹏A........

之後開始溫....狂做化學既題目....做熟有關電解同電池呢兩課既題目先.....

遲下再做埋化石燃料...仲要背埋偵測與分析呢課既野...超多野背=..="...我驚唔夠時間溫其他科.....

之後食飯時間....水財佢地話走LU...咁我都要....又要做孤兒仔...自己買野返屋企食......

返到屋企....用左陣電腦.....同溫秋傾左陣電話.....就訓教LU=..=".....

訓到九點幾先起身=..="...買左粥食...減肥嘛XD.......

之後上下3EASY....之後換左好耐....幾經辛苦終於俾我下載左套【盛夏光年】落黎啦.....

我都話過嫁啦Wing....應承得你既野我死都會做到比你睇A﹏A...唔係做唔做到既問題....只係我做唔做既問題XD....

之後我部電腦既燒錄器燒唔到rmvb既格式.....唯有上網換個轉檔器轉做mpg格式先再燒。

轉檔都有排=..=".......夜D再下載埋【愛與淚相隨】先~~呀Wing同Kathy都想睇....燒埋比你地A﹏A......