今日早放學,因為夜晚係文藝晚會。

到左大約4點幾,叫羊水同我去剪髮,之後就去天瑞拎單車。

大約6點幾~我+熊貓+羊水+啤仔+德叔+驢仔幾個去左踩單車,之後係學校門口泊車,入去文藝晚會。

入去前撞到呀餅~就一齊入去,去到等開始個陣又撞到蟲蟲,所以一齊去禮堂。

今年都幾悶下,無咩搞作.....最好就係個跆拳道,因為好假....d木板掂下都會斷...仲要斷正木板中間....

之後完埸就同番佢地去踩單車出元朗,今次多左呀銘@@

踩到出元朗就搵位泊車,去左M記食野,去到撞到嘉寶+呀婷+煒狗+墨屎。

之後吹左陣水諗住走人啦,點知落大雨,....又要番上去坐多陣,過多陣無咁大雨既時候,我地就開車走人,點知踩踩下又落雨,我地即刻搵地方避雨。去左避雨個到之後,因為無咩野做所以我地幾個就猜包剪鎚。輸左個兩個人要聽人講做d咩=.="

玩左幾個字,經歷左我人生最白痴既時候=.=".......之後就開車番去,去到天慈又落雨,又要避雨。係7-11度吹左陣水,就各散東西lu~

今晚都玩得幾開心@@

今日係十二月十一號~星期一......仲有兩日,完美世界online就正式登埸啦,本年度最佳3D電腦onlinegame~

唔知好唔好玩既呢,睇落去就好似幾正~.............不過其實我都係見到林志玲做代言我先試玩xdd.....

想快d到星期三呀~官網話林志玲都會入game同玩家見面啵@@~

我個日補完化學一定要拿拿聲仆番屋企先@@

今日補完中文就去左銀座食晏。同呀餅+蟲蟲~

之後去左搵姑姐同家姐,去買蛋糕~今日綺利生日。

之後上左天瑞訓左3個鐘,6點幾起身去天華。

食飯個陣睇東華~睇到【空中飛人樂斌紛】個度個陣,見到yumiko第一次失手,胡定欣同amanda.s成功左~之後yumiko再試過,點知甩褲......全港市民睇住,佢真係慘......另外曾志偉又用鹹豬手摸呀千金小姐陳文靜個胸...真係益左佢......東華今年好睇左.......

之後叔仔同姑姐有d爭吵,姑姐發脾氣返天瑞,家姐又跟住番天瑞,原先今既諗住我同家姐係天華訓~點知家姐番天瑞,咁我就番屋企打機lu~

今日最後個堂係中文,連詠思無返,我地有空堂,但佢都有擺低野比我地做......

做做下墨屎同劉志芳佢地玩,整到江穎張枱~江穎叫墨屎佢地玩就唔好整到佢張枱~之後劉志芳佢地就罵江穎,江穎還拖罵佢~

之後佢地罵罵下,有人叫佢地算數唔好嘈,但比劉志芳條友串：關你鬼事呀,女仔講野男仔出咩聲~

之後我同呀銘又出聲爽咀：邊個話呀?女仔講野男仔唔出得聲?你侮辱男仔呀??原先想繼續罵佢,但佢地收左聲~咁又廢時嘈啦。

今次都係劉志芳條粉皮錯,仲要扮晒野咁串人...你有無病呀???洗唔洗哥哥教你去獸醫診所個條路????

之後放學我同江穎去影印野,啤仔話佢地係班房罵緊~叫江穎唔好入去~之後我咪直行入去囉,睇下佢地講咩都好呀。

沈合旋唔知喊咩,但劉志芳個死人樣真係好樣衰好樣衰呀,我真係想掉佢落山,唔知你地同唔同意呢??

之後就同呀餅蟲蟲走人。