今日係陸運會第一日開幕，明明係做工作人員，點知比人點左去做暫時性領袖生＝．＝仲要企係門口

捉校服＝．＝”平時只有我比人捉,而家到我捉人,都幾過癮=.=

之後就去左守廁所,簡直大材小用啦=.=

睇男仔丙組一百米,跑到好似隻蟻咁,又無乜體育精神,好心就唔好學人參加啦=.=

之後睇女子跨欄,呀婷一開始就仆左係度,而嘉寶就每跨一個欄就跌一個欄,

佢兩個咁樣輸比彊屍,真係唔抵，呀婷隻腳仲傷左tim，真慘

 之後嘉寶過左黎影相,同呀灰合照,同大隻佬合照,同煒狗合照,就係無我份....

連彊屍都有同我合照.....真慘/_\"~~真不受歡迎~~~

俾基仔呃左我,又話兩日都可以出去食飯,點知原來唔得既,整到一定要係個度訂飯,仲要28蚊,

得雞屎咁多,仲話一定飽,我同詩夫哈巴食到個心好痛,好似食左個心咁XDD......

之後我就係咁走圍走,得閒就去質壁度玩下,一係就去搵熊貓哈巴吹下水@@

去左啦啦隊度拎野A_A"綠社有個女仔都幾好,好似係社長黎@@紅社都有位中六令女A_A"

跑三千米啦,詩夫都去左,跑完之後詩夫好似好殘咁,講唔到野=.="

仲寧姐跑步個姿勢仲過癮=.=笑鬼死人,估唔到佢都跑三千=.=

散埸個陣,呀餅呀熊貓話唔洗等佢地,所以我就同蟲蟲走人,我就買野上天瑞食@@

今日由再番學,真係好眼訓,好彩做晒功課=.=

之後上完數學堂就搵基仔報名做陸運會作人員@@我貪張證可以走黎走去,廢時坐係個看台熱@@

蟲,kevin,哈巴個d都做左@@

之後放學去左禮堂聽下個日要做咩,再陪呀餅去圖書館還書~

之後上左天瑞搵五姑姐同睇呀麻。

今日補數學,都幾好,聽得明。之後放左之後去左天華先,接埋童晴兩姊妹就去買野燒野食。

買左幾舊水野食,之後就搭的士去屯門青山灣bbq~好多人,好彩都搵到位。之後落左去沙灘玩,又玩水又摸蜆。

摸到幾隻,仲摸到好多寄居蟹=.=

之後就繼續燒,燒到咁上下就走人,去左天恆打麻雀。繼續下半埸@@

今日只係上三堂,但有兩堂70分鐘-=.=""

之後落禮堂聽個d乜叉領袖生儀式=.=~MissMak坐我同color後面,傾下計咁啦,仲有釣魚佬坐前面,所以無得悶,xdd....

煒狗整釣魚佬,又驚miss睇到,反應幾快,哈哈~釣魚佬同miss講話我整佢,吹漲。

突然間好想MissMak教番我地英文呀,Miss周佢教黎教去都係教番d低b野,真係頂佢個肺呀= =

放左學又上左天瑞,等呀媽車我番屋企。

下星期只係番兩日學,之後就陸運會同放假xdd....爽呀~

今日終於正式生日,同自己講聲生日快樂先=.=

童晴兩姊妹居然識得send sms黎祝我生日快樂,哈哈~

放左學個陣,真係強烈要求調位,因為我個位已經坐左好耐好耐........

讀書可以專心d,但真係無咩人教到我野.....嘉寶佢成日都睇書唔出聲,整到我地附近個氣氛都好沉悶....

出聲撩佢傾計又驚嘈住佢,所以玩自閉=.=""數學物理唔明,無人教........

最重要係我會遮住後面d人睇野呀ma....後面d人又要【嗶呢吧啦…九個喇叭】~要人借借都俾d禮貌啦= =

之後去左天瑞,今晚去呀婆到食飯。