4日無打日記tim~今晚星期三,番埋聽日就放假lu~星期五係【教展日】@@爽~~~~

今日要上足五堂,仲有3堂係70分鐘,好彩有堂英文,佢教番晒我地之前小學已經識既生字,唔學都擺,Zzz.....

之後放左學番屋企,打機又悶電視又無野做.......

就係咁就再次浪費我人生中既24小時...........

生日倒數：７日........

希望不會是個沉悶的生日吧..........

今日終於要接受死刑啦.........終於開學....

一返到學就照舊企係操場早會,大佬,洗唔洗咁熱呀=.=".......熱到d人件校服都濕晒~

之後上左禮堂,雖然無想像中咁熱,但都足以流汗.......又係依舊聽校長吹水,之後又係介紹新老師~

d老師好似個個差唔多樣既,唔係光頭就四眼,乜我地學校興呢款咩=.=?

上返班房啦~~~~終於有冷氣風扇嘆~(爽)~

陳仲寧同miss周又係依舊訓話同講古=.="~一開學就梗係唔少得派回條,更加唔少得就係交學費既回條 = ="

之後臨放學前,陳sir話調位~,幾好,唔洗坐前面\_/'~點知佢又係唔調我= ="可怒也!!!!!!

個partner無問題,最大既問題係後面個班又生得短又咁嘈既禽獸= ="

放學lu~又同呀餅佢地食野,又撞到嘉寶呀婷佢地~連質壁都係度= ="

返屋企,打日記,之後就梗係沖涼訓教啦,咁累....................~o~"

今日係屋企8點幾起左身,食左個麵之後又訓到12點幾先再起身=.=

之後玩左陣金庸同cs~真無聊,cs一係比人話cheat,一係比人kick,整到幾無癮。

之後玩下絲路online,好難升,所以決定唔玩,移除去下載跑online先@@

玩電腦玩到5點幾先過天瑞食飯@@

食完飯就打下麻雀,悶悶地就沖涼訓教lu~

仲有兩日就返學,好唔想返呀= =根本就無放暑假既感覺,好似平時返學咁,不過多左幾個星期六日姐。

係啵,我d功課一d都未做過tim,請問有d咩功課呀,麻煩大家講一講比我知=.=謝