唉... 已經一個月.
人地既一個月 通常都係一齊左一個月. 而我.... 等左一個月.
我都唔明自己點解可以咁有耐性. 以前既我 比人話我花心. 成日轉女朋友. 玩厭就換.
其實我每次都反省 只係每次都心郁郁想識女仔.
但今次好唔同. 分別唔知點解可以咁大. 我可以接受到佢好多野. 有d好多人接受唔到既 我都忍.
唉. 如果燕. 你有睇我blog. 你都應該重記得 大家對愛既睇法. 有d係你教我 我依家深深體會到.
LST. 我唔知點可以對你咁死心. 有時我會覺得 可能只係唔捨得我地之間既回憶. 所以念念不忘.
但我有時覺得唔係咁. 我真係好辛苦. 痛 ` 真係好痛. 心果種痛 每日都唔好受
你話同佢1定會散. 但唔知幾時 講就講到好肯定. 但問你點解你又答唔知
每次問你野 你都係答唔知 唔想諗 之後就話 我地之間好似冇話題. 你咩都要答唔知 唔想諗
我重可以點講. 我每次唔開心  都冇乜點講你聽 因為你只會當故仔咁 聽完當冇事.
點解你要逃避現實. 唉..  我好想你明白我有幾痛 幾唔開心. 但你每1次都係得過且過.
我有幾辛苦你知唔知 ? 你唔開心既時侯 我就哄你開心. 我唔開心既時侯 我都唔講你聽.
都哄你開心. 你對我每1次都係唔公平. 你未試過係我既角度去諗我既感受.
你話. 我有諗過你唔知姐. 到我問你. 你又講唔出. 只係話 我有呀. 之後冇野講.
有時我有好多野都係知. 但到我問你 你都重係要講大話. 我都算.. 幾次都當冇事.
但經常係咁 我真係...  唉;
話你.  你又發脾氣 每次都要我就你. 你同佢之間既野 成日講比我聽. 我好受咩 ?
要知你地有幾開心 ?  我打黎. 如果你傾緊電話 就唔聽我電話. 我同你傾緊 佢打黎 你就收我線 or 叫我等. 等一個鐘 都未打番黎.
唔記得左, 唉...  都算.  我同你傾緊電話 你就係咁同人sd sms. 之後 你就話 你岩岩講咩 講多次 我再講多次 你又繼續sd.
之後又再問. 唉. 都算. 陪緊你番屋企 你都要拎埋部電話 係我面前 同佢sd sms. 0kay 我忍.
我搵你 如果你同佢一齊 就唔理我. 你1句 佢唔鐘意呀. 我就要收聲. 等你打黎. 唉. 都忍埋.
你每次唔舒服 有病. 我第一個關心你. 每晚都提你. 你係sofa訓. 我都打黎提你番房訓.
更多可能細微既野 去關心你 但你唔會感受到 覺得係我應分做既.
我病. 我想你關心下我 著緊下我. 你1句 佢唔鐘意;         我.... 唉..
你想我等你同佢散. 但係你每次比希望我 但又要傷我心.
你兩個交換袋 show比我睇. 算.
帶住佢送比你既錶 又show比我睇. 算.
叫我見到你地一齊 都唔好唔開心. 算.
佢係班房門口 等你放學 我又忍 算.
佢日日都望住我 都唔知有乜野好望.
唉.. 睇我blog既人 比個問題你地 自己諗下 睇下可唔可以忍受到.
我明知LST同第個拍拖. 知道佢同第個錫 比第個攬.
但佢又想我等.
你地會點 ?
我有同佢講過. 佢就話 咁你咪唔好等囉 等得咁辛苦. <-----  呢句先最hurt.
我對佢真係無微不至. 好愛佢. 已經唔係鐘意 係愛.
但佢... 1次又1次係咁.
我話 咁我唔等 你唔好後悔. 佢就話 唔係可以點姐 你等得咁辛苦 唔好等囉.
我知佢係講悔氣說話 但我真係好難受.
LST 如果你睇 我想你唔好再逃避現實 講明先. 我唔會用果樣黎話威脅你.. 我知果樣野 唔係好多人忍受到
唉 打住咁多先. 重有好多野打. 但依家冇心情再打落去.