今朝8點幾比morning call嘈醒左=.="
超好郊完全唔願起身@@
起身執好晒野落左去食早餐,
食飽坐車去二伯屋企,
一對新人已經起左身..............
(其實係咪未訓嫁=0=")
堂哥今日仲要番去當更真陰公=.="
坐下hea下同呀嫲傾下計law,
11點幾呀嫲同呀媽同三伯四伯兩定人先上車出發,
得番我同呀爸係到因為車唔夠位坐,
之後等到點幾鐘關表哥黎到,
食完lunch之後先車我地出發,
坐左3粒幾鐘車去到泰國呵叻府,
呢到係泰國親人既另一個根據地,
5點幾先去四伯開間酒店到check in,
唔洗錢住酒店哈哈,
番房take個bath 6點落去露天餐廳食晚飯,
食飽之後同老豆2個人坐關表哥車去明表哥到,
又坐左粒幾兩粒鐘,
去到已經9點幾鐘啦=0="
明表哥又係有錢人一個=.="
佢係係佢住果個郡最有錢果個=.="
坐低傾左陣之後老豆都走去同3個表哥開枱打麻雀@@
可能有人會奇怪問點解3個表哥會同老豆打牌而唔係我,
原因係家族實在太大既關係=.="
呢3個表哥係老豆D堂兄弟姊妹既仔女,
我老豆同我大伯都差十幾歲=0="
同佢D堂兄弟姊妹都差十幾廿幾歲=.="
所以3個表哥實際同我老豆只係差三幾歲=.="
大家族就係咁有時明明年紀大好多,
但係論輩份都要叫D年紀比較細既做叔伯姨舅.......
當然我都唔例外一出世已經係人地既叔伯舅父=0="
但係細人地三四五十歲law@@
佢地打左4圈都已經點幾鐘收檔訓覺~~~~~~~~~

結果琴晚都係冇訓到............=.="
3點幾鐘梳洗完之後,
4點半鐘就出門口去二伯屋企,
join番堂哥即係今日既新郎哥~~~~
then就開花車去接新娘子,
唔知點解呢邊D人既習俗咁怪=.="
係一定要天未光接新娘=.="
之後又發現左呢邊D軍人結婚,
係要著套軍服而唔係禮服,
如果唔係因為堂哥係軍官都未必知,
5點鐘係二伯屋企出發,
軍官即係軍官係唔同D型過人=0="
一路全程都有警車開路,
雖則天未光行車暢通無阻,
但係都真係覺得好型~~~~~~~~~
去到新娘子屋企仲要等吉時,
於是就係門口到餵蚊等=.="
吉時到呢邊既習俗極順攤,
乜都唔洗攪直接入屋接走新娘,
接完新娘子之後就直接番二伯屋企lu,
一路上仍然係有警車開路,
仲要全程有攝影師拍住=0="
到步之後開始準備中式既儀式,
係安排緊既時間終於有得食早懦W餓=0="
攪掂好晒之後就開始拜神斟茶之類,
大家族真係陰公斟茶都要斟幾十杯=.="
新娘子新郎哥跪到腳都痺............
第日到我果時都係咁真慘T.T
斟完茶之後攪完一輪勁影相咁,
新娘子就要番去娘家準備泰式既儀式,
真係多野攪@@
可惜係基語言語不通既原因,
呢一part我冇參加所以就無緣見識到啦=0="
新娘子走左之後我地又攪一輪野,
9點鐘左右去左親戚屋企拜候下,
都係例行工事黎親泰國都係咁=0="
去左幾戶之後就去左拜一拜四面佛,
then join番大伯之後around十個人去食lunch,
去左香格里拉大酒樓食左戲U一銀既lunch,
第一次試到龍蝦血係咩味道,
食飽之後就番去酒店到休息一下,
到步都其實已經2點幾鐘,
hea陣take個bath差唔多4點,
係房到hea等夠鐘去飲law=0="
5點半鐘出發又係去Landmark,
幾分鐘就行到好快,
上到Ball Hall果層見到場地都仲佈置緊,
差唔多6點鬆D人客開始到,
等左陣新郎新娘出黎係佈景板前面同來賓影相,
影完既都可以入去Ball Hall到坐等開席,
入到凡終於見識到咩叫"筵開百席"既場面!!!!!!!!!!
因為今日都真係撼左百幾圍,
真係好似拍劇咁既場面...............
冇計啦泰國呢邊既親朋戚友非富則貴=0="
個個身家都係用億黎計=.="
仲要有人係大明星@@
就連泰國首富蘇旭明都派個秘書做代表!!!!!
有好多叔伯姨舅都係第一次見,
7點鐘人客黎得八八九九開始上菜,
直到7點半鐘堂哥個上司中將黎左,
就正式開始今晚既儀式,
因為坅Y今晚既主禮嘉賓所以一定要等囧?
先黎就係吨W台講番幾句完全聽唔明=.="
之後就係敬酒儀式,
完左之後就係D screen到播片,
成套都係自家製既電影,
故事內容係講述堂哥同阿嫂由相識到求婚既片斷,
播完之後新娘子新郎哥又講番幾句,
緊接就係型野到啦,
有錢人結婚都做唔到買唔到既場面,
只係得軍官先可以有既軍人儀式,
一隊軍人操入會場之後排成兩行,
比完一輪劍之後,
再用劍砌一條路出黎比一對新人行,
之後新人就係台到一路穿過呢條路去到另一邊既台,
之後就到切結婚蛋糕啦,
又係型野居然係用堂哥把配劍切型死..............
切完蛋糕之後成隊軍人敬禮完操離會場,
如果唔係因為堂哥係軍官,
真係呢世都未必見到D咁型既場面~~~~~
之後仲有D其他既儀式咁law,
一直食到9點半鐘多D先完晒D儀式,
之後就同儀式未開始一樣,
有歌星上台唱歌直至10點鐘正式散席,
堂哥同呀嫂攪左成晚都仲未有得食=0="
因為仲要係Ball Hall門口送客同影相,
我地最後都攪到差唔多11點先走.............
今晚個場面真係好盛大,
係香港我應該都係唔會有機會見到............
飲完之後番酒店沖個涼超攰=0="
12點幾鐘都閃左去訓lu~~~~~~~~

PS  今晚個婚宴總共用左廿幾萬=.="
        可想而知一圍食幾多錢既野=0="

原本今日係坐10點45分既機去曼谷既,
點知琴晚航空公司打黎將時間改完又改=0="
由10點45改左做12點45再改做2點=.="
即係本黎要勁早起身變左做早起身,
再變左做要比較早起身=0="
結果9點幾鐘起身執好晒野,
10點鐘有多落樓去飲個早茶先,
11點搭呢個機場巴士去機場,
去到先得果12點鐘三伯佢地已經到左,
今日check in係係2號客運大樓,
開左咁內都係第一次用感覺唔差,
點幾鐘開始登機但係都要delay=.="
最後成2點25分先起飛部機都仲坐唔滿=0="
3點45分到左曼谷國際機場,
完全唔覺有示威過既痕跡,
一D破壞都見唔到,
但係都冇得係飛機直出入境大堂,
要坐巴士接駁去入境大堂@@
出到曼谷4點鐘天氣唔算太熱但係都好熱=0="
四伯佢地已經到左機場係到等,
上左車之後打算先番酒店,
點知個死人司機唔熟路,
本黎半個鐘既路程兜左3個鐘先出=.="
到步之後放低野都閃人去食飯,
去左Landmark水仙樓到食,
唔知咩原因成間茶樓得我地一枱=.="
D waiter圍住我地係到serve=0="
食完一餐差唔多一萬銀既晚餐番酒店,
梳洗完hea陣都已經12點45分=0="
問題係唔知訓定唔訓好=.="
因為如果訓一陣3點幾就要起身=.="

12點幾起身之後hea law,
差唔多2點落樓入下午茶,
食飽番到屋企都已經3點有多,
上左陣網之後冇咩野做沖個涼=0="
4點幾比老豆捉左去幫佢整野=.="
攪完都已經6點幾鐘啦=.="
之後收拾一下行裝law=0="
攪掂之後就開始準備一下,
下年Perth既生活精神食糧存貨,
7點鐘食晚飯食完繼續攪,
8點半"東山飄雨西關晴"大結局,
睇完之後番房繼續準備存貨,
邊攪邊MSN law都係咁冇咩特別,
依家都差唔多一點鐘啦係時候去訓~~~~

PS  聽日我將會飛去泰國,
       下星期11號晚先會番黎香港,
       呢幾日唔洗搵我啦,
       因為根本就唔會搵到我=0="
       Blog都應該唔會update嫁啦,
       到時番黎一次過先再攪啦=0="

今日訓醒又12點幾食得lunch=0="
食飽之後係房到MSN左幾粒鐘=0="
晚飯之後沖涼睇電視law=.="
睇完電視之後番房hea law=0="
啱啱睇完最新一集既"Innocent Love" law=.="
依家都已經點半鐘有多係咁=.="