今日昏迷到11點幾先起身,
好鬼趕咁炒個飯食,
食飽12點20分左右飛出門口,
搭車去沙田上堂law,
問題坐車去到觀塘先定一定神=.="
原來我今日記錯左時間=.="
我上2點半堂成日記左上1點半=.="
就咁勁低能早左成粒幾鐘去到沙田=0="......
anyway一場去到就去centre交埋尾數先,
之後決定出去周街行下睇下D燈位law,
點知行下行下落雨喎=0="
不過都已經2點幾鐘直接番去上堂..........
今日又係double lessons啦,
今日個呀sir超好唔晒我時間,
因為之前D呀sir會係一個鐘之後番一番學校,
理由係休息下飲下水喎=0="
不過今日個呀sir真係直踩2粒鐘,
4點半落堂之後呀sir仲叫我記得去值日導師到,
因為佢話正路2點半3點半呢D時間,
係唔可以行河畔線除非去同佢單聲,
今日呢個呀sir真係好負責任~~~~~~
搭車番歸去到觀塘行左陣先走=0="
去apm MUJI到兜左個圈,
買左個釘書機因為舊果個都用左好多年,
已經由form 2用到依家開始老化,
不過依家MUJI出實色冇左我之前隻透明,
anyway最緊要都係要佢個design,
買完就閃番到屋企之後hea一陣都已經6點半,
睇NBA 360 law已經2個星期唔記得睇=.="
冇計啦因為佢一個week先得一晚又唔係晚晚有,
睇一半都食得飯lu邊食邊睇law,
食飽繼續睇電視8點take個bath,
8點半仍然係兩線無線劇,
睇完hea一hea又到左勁歌金曲既時間,
睇完番房hea左陣睇最後一集既"選美風雲50年",
睇完之後都已經差唔多2點鐘=0="
本黎仲打算睇埋最新一集既"Innocent Love"先訓既,
點知睇睇下發現字幕有問題,
唯有就上黎打埋個Blog去訓~~~~~~~~~~~~

今年秋天歷來最暖

　　香港天文台今年9、10和11月錄得的平均氣溫為25.8度，平了2005年的紀錄，成為自1884年有紀錄以來最暖的秋天。
　　期間於香港天文台錄得的9月份平均氣溫平了1969年的最高紀錄，10月份平均氣溫是最高紀錄，11月的平均氣溫亦比正常高出0.5度。
　　本港今年秋天的日照時間偏長以及10月份影響華南的東北季候風偏弱是氣溫異常的主要原因。

真正既原因其實係因為我番左黎香港=.="
因為D熱既天氣永遠都係要跟住我><"

今日昏迷到12點半有多=0="
比呀媽剷醒食lunch@@
食飽之後番房都係上網睇下新聞,
4點冇咩野做落街行下,
番到黎都已經5點幾鐘lu,
睇最新一集既"魔法禁書目錄",
睇完hea陣睇新聞law,
泰國終於有突破性既進展,
似乎6號去泰國既行程仲有機,
未必要取消喎~~~~~~~
8點take個bath兩線劇,
睇完番房hea下law,
剛剛睇完最新果套龍珠劇場版,
無咩特別得個笑字=0="
不過畫質就真係比以前靚左好多既~~~~
依家都成點啦無咩野做應該訓呱=0="

今日一早10點幾就起左身=.="
食完個即食麪就換衫出門口,
去沙田駕駛學院上堂law,
12點半開波今日係上泊位同窄路掉頭,
教就係之前一早教識左嫁啦,
依家係practice姐主要,
結果就成粒鐘係到做呢2樣野=.="
最衰仲要係棍波車=.="
成粒鐘左右腳都係吊住=0="
一邊離合器一邊break=0="
吊到兩隻腳都痺晒勁酸痛=0="
右腳仲差D抽筋=0="
好彩今日冇上連堂姐=0="
點半落堂行左過去愉翠m記到食lunch,
試左果個咩和風滋味蝦堡,
味道OK喎唔太差價錢都算合理既.......
食完咪番去駕駛學院等2點半上theory堂,
3點半落堂閃人今日巴士係彩虹落車,
因為要去彩雲幫呀媽拎一拎野,
係經過彩天既時候遇酊Keith Chan@@
佢話張浩庭番黎之後約佢食lunch喎.........
一路沿清水灣道行上去彩雲,
正路果個距離我行係唔會有問題,
不過因為今日吊到腳痺,
所以行行下雙腳超酸痛=0="
條腳筋抽住抽住咁><"
結果捱左勁內終於上到彩雲=.="
拎完野行番落彩虹搭車走人=.="
番到屋企都已經5點幾鐘啦,
hea左陣上網睇下新聞咁,
晚飯之後都係睇電視law,
中間8點個gap take個bath,
10點半完晒電視之後MSN,
依家都已經2點幾鐘啦超攰,
應該打完呢到去訓嫁啦=0="

琴晚打完個Blog之後,
仲走去睇番琴晚集"係咪小兒科"先訓=0="
今日又試冇人騷擾我訓覺超正~~~~~~
訓到12點幾一點先起身~~~~~
起身之後成屋都冇人,
hea左陣又煮左個出前一丁食,
食完番房睇"藍兒本色",
睇完之後就勁hea完全唔知自己做咩=0="
5點幾實在太無聊走左去沖涼=0="
晚飯新聞之後"再說長江",
8點"名人飯堂"緊接"鐵甲無敵獎門人",
10點最後一集既"現代塵世美",
睇完之後仲有個咩"真的多謝你",
個名超怪唔書面唔口語咁=.="
睇完都11點半有多,
上下網law依家都已經一點,
又係差唔多時候去訓~~~~~~~~~~