好內冇試過訓覺咁好既,
10點半起身之後食個早餐,
之後又要開始洗衫既工作=.="
都係照舊先洗機黑既因為牛仔褲難乾嘛,
放晒入去洗衣機開埋機之後番房,
開始做周末既assignments,
先黎解決左2篇readings先,
派左2篇野叫我地係星期六日睇左去,
星期一一番到去就test 2篇野既內容,
嘩真係好深查晒字典咁=.="
好彩有金山詞霸姐如果唔係死得=0="
查左勁內先查得晒D唔識既字=.="
之後再開始睇2篇野睇左2次,
11點半鐘有多出去掛左機黑衫先,
之後跟手再洗埋機白衫,
12點半打算搵埋Van出去食lunch,
點知佢話今日佢會同佢丫叔出去食lunch同買野,
唔緊要啦既然係咁我出動我D私伙杯麪哈哈,
第一次食澳洲牌子既杯麪都ok啦,
不過始終都係香港既合味道同御前の麪好食,
但係呢邊又冇御前の麪買下次唯有買番合味道啦~~~~~~~~
不過係呢到買合味道真係好貴出前一丁都係=.="
食完個lunch之後剛好洗完機白衫,
掛好左之後仲要再洗機雜色既..........
攪掂之後有D攰唔多想做功課住,
所以就趁呢個時候做多日黎都想做又未做既事,
就係拎部相機影下間屋post上黎比大家睇下~~~~~~~~
先黎既係我轉左果間新房張大床~~~~~~~~

之後既就係好靚既宇宙牆紙@@

緊接仲要有呢個夜光既太空船貼紙貼左係天花板=0="
順道可以見到既就係同之前間房一樣既風扇連燈,

再黎既係衣櫃同門冇咩特別,

下面係書枱塈電腦枱同書架,

係窗望出去既景觀~~~~~~~~

今次既畫唔再係星夜啦~~~~~~~

睇完間新房之後帶大家去睇下其他設施,
客廳有部好大既寬屏液晶體電視~~~~~~~~

係梳化後面既茶几同擺設~~~~~~~~~

之後係客應中既酒窖冇咩特別係個木箱型D姐~~~~~

係木箱前面既火爐冬天必須既設備=.="

之後帶大家去睇下呢個飯廳,
分別係有2個飯廳既先睇個大型既,

枱上既擺設有花同蠟燭~~~~~

之後再睇下個小型既都係得張枱........................

有個會客廳幾張梳化冇咩特別,

睇完飯廳同會客廳之後再帶大家參觀一下個偏廳,

最正既都應該係個壁爐嫁啦~~~~~~~~~~
緊接落黎既係廚房設備OK齊全下~~~~~~~~

仲有係點可以少得既浴室,

之後就係洗衣房(應該勉強算係),

之後係我房門外既走廊,
最左手既係我之前間房,
中間既係我依家呢間房~~~~~~~~~

門口放鞋既地方,

睇完左室內格局就到左室外既格局啦,
先黎緊係要睇下個花園啦~~~~~~~

花園後面既後巷~~~~~~~~~~~

之後就要到正門去睇一睇啦,

所謂既前園law哈哈=0="
前園後面果間就係我間房~~~~~

郵箱係香港應該搵唔到=0="

之後就睇下全景啦~~~~~~~~

我係住係19號嫁~~~~~~~~

之後再要比大家睇既就係隻Guard Dog "Mack",

仲有隻貓個名叫"Magic"不過成日都係神出鬼末,
日頭唔知係到訓今日搵佢唔到唯有下次睇到再影~~~~~~
影左咁多張精彩既相之後機衫都洗好啦,
掛埋最後呢機衫出去曬之後望下鐘已經2點幾鐘,
終於要番房做埋我份writing assignment,
summary最多150字其實好難=.="
因為寫慣左五百幾字依家要寫咁短真係唔易=.="
一直攪到就4點先寫完晒law對唔住=.="
之後hea番下整2鋪接龍地雷,
5點鐘行左落去River到睇下咩環境,
冇咩特別不過吹下風幾好feel,
順便影左張相比大家睇下真係冇咩特別,

反而係河邊間屋好靚好吸引=0="

停左一陣番歸啦,
到步之後已經係6點半鐘,
番到房無野做好無聊下,
結果係終於要開抵步澳洲之後既第二套動畫,
再一次動用動畫儲備選中既就係"聖鬥士星矢冥王哈帝斯冥界篇",
自從3月果時係無綫睇左"聖鬥士星矢冥王哈帝斯黃金十二宮篇"之後,
一直都冇時間去開黎睇成日諗住等無綫播=0="
睇左2集之後7點20分停左打算出去廳到hea一hea,
點知出到去剛好有飯食,
今晚係食呢個炸魚柳拼著菜,
食完之後剛好7點半睇電視,
今晚睇既係星球大戰4,
不過由於我冇睇第一二三所以都唔知佢想點=0="
仲要冇中文字幕攪到我覺得唔係好好睇=.="
睇完左10點鐘take個bath,
之後就打Blog打到依家,
因為要攪D相所以打左咁內呢=.="
就12點好攰係時候去訓~~~~~~~~~~~~~~~~~~~~~

琴日早左去訓今朝alarm都未響就自己起左身啦~~~~~~
起身之後食番個早餐8點鐘同Van哥一齊出門口,
要教佢點樣認路行番去Curtin University到,
番到去先8點半不過因為今日放學要出city冇帶到laptop,
所以都唔去501 upload野啦等下次先一次過攪,
9點鐘上堂派番上次篇作文咁law,
之後都係discussion都真係唔知比咩反應好=0="
10點半又到左呢個break time去左ELICOS centre到,
交張work permit既application form等學校幫我簽名,
之後遇到Vincent吹左陣水發現佢今晚買車啦真有米=.="
11點番去上堂先黎係派番今朝剛剛交既summary,
之後就講低assignment就放得學,
今次呢2個assignment係要計分果D呢番去要好好做先得啦=0="
放學之後去ELICOS centre到拎番我份form,
之後就同John Larry搭34出左去city,
先去食呢個lunch去左間叫EDO shiki既日本餐廳食野,
入到去睇完個餐牌完全係呆左law全部用日文拼音=0="
好彩有D都睇得明如果唔係真係死得唔知點叫野食=.="
叫左個照燒鰻魚定食好大份下@@
食飽之後就去左入境處到匯合Jean Deng Garly Helen等人,
之後就禁飛係到等超無聊law=.="
坐左陣見到卡路士過去打聲招呼啦,
佢上黎幫佢老婆同佢個女攪簽證D野,
之後佢趕住走人所以係咁先Byebye~~~
之後又坐番係到邊吹水邊等law,
好彩D人手腳都好快下不過我都等左成50分鐘先到我=.="
入到去攪掂左之後佢問我申請左稅號未,
我話未佢就比左個稅局既地址我叫我去攪,
地址係係Northbridge果一邊黎既,
等到全部人攪掂晒之後就一行人行過去Northbridge果邊,
搵到稅之後入去同佢話申請稅號,
發現左樣野係真係好想打佢粗口黎晒=.="
去到果到係排隊等用佢D電腦上網自己申請=.="
咁樣同我係學校上網申請有咩分別頂丫=.="
如果你早講我一定唔會行過黎law=.="
又唔係係稅局攪完可以即刻有,
同自己係其他地方上網申請一樣要等28日=.="
不過一場去到就攪埋佢啦唔好煩=.="
攪掂左之後都已經5點幾鐘搭34號番屋企,
番到去6點幾鐘Susan拎左一大堆上網既資料比我睇,
研究左好內發現左AAPT係最抵用果一間,
之後Susan話今日office果邊已經收左工,
要等星期一二先可以再申請=.="
等law反正唔等都等左2個星期唔差在果幾日=.="
之後Susan話Van哥打電話番黎話佢今晚唔番黎食,
打算出去食chicken treat算啦,
點知6點45分Van哥突然係屋企出現=0="
原來佢丫叔又話臨時唔黎真吹漲,
結果Susan先臨時臨急落去煮野食哈哈哈=.="
8點鐘食得飯今晚既係"泰式青咖哩魚飯",
超正呢食左超多@@
食飽晚飯之後睇電影"The Great Escape",
一套好蕭既片不過據聞好好睇所以睇下,
一直睇到就11點已經好攰啦因為今日走黎走去=.="
但係套野係做到12點先完嫁law=.="
訓係梳化到唔覺意都訓左10分鐘=.="
之後先起身睇埋個尾真吹漲=0="
冇計啦因為真係好攰頂唔順,
睇完之後快手去沖個涼頭都懶吹就濕住走去訓啦=.="
anyway The Great Escape係真係一套好好睇既片~~~~~~~~~

琴晚果覺就正啦一覺訓到大天光,
今朝個alarm響我都仲唔係好願起身=.="
因為實在係太正太舒服啦~~~~~
早餐之後都係如常出門行路番學,
先到501 upload張reb bull相=0="
之後今日就正啦唔洗行上407,
係209到上堂近幾多行少幾多真爽,
先黎既就係一如以往既作風派紙discuss=.="
10點半又到左coffee break,
11點Mike哥走埋黎逐group逐group傾下,
12點又有得放lunch啦真無奈=.="
同Larry行左上去101食lunch,
係library門口果到見到有條友條衫印左句好正既野,
句野係"Life is not a job."真係幾有意思下,
lunch食呢個泰式青咖哩雞mix蒙特內義羊肉飯,
真係超正超好食呢,
不過我唔知今日癡左咩根走去買左盒薄荷味牛奶超難飲=.="
結果600ml我飲左550ml左右都掉左佢頂唔順=.="
一點番落去209上堂晏晝做presentation,
2點50分落堂照常行去501上網,
先黎post左個Blog之後打算搵人MSN,
點知今日冇咩人係到冇計啦中學未放大學冇人dayoff,
之後見反正冇咩人係到加上仲要做功課=.="
琴晚已經冇做到今日再唔做聽日冇得交就死得=0="
而且今日有個新housemate遷入,
所以3點半就執晒野諗住早D番去嘛,
係coles對面馬路行緊既時間突然有個人行埋黎,
原來又係果D傳教果D不過態度要比香港果D好幾百倍,
所以我都停低聽佢吹左陣,
佢只係好簡單咁同我講左佢係傳教既,
因為聖誕節黎緊所以出黎係街上派野,
又話聖誕果日教堂有活動歡迎我去,
之後就完啦比著香港果D唔纏係2個鐘都唔心熄=.="
佢派左份野係介紹耶穌既,
不過我都係得個攞字唔會睇,
因為佢盛意拳拳咁冇理由唔同佢拎咁唔好意思嘛~~~~~

3點45分去到waterford plaza,
係入面間3到見到卡路士同2個靚女一齊,
走過去打個招呼嗲番2咀,
發現原來卡路士老婆同個女今晚抵步澳洲,
所以佢係到買手機比佢老婆用,
而佢知道間3個職員係華人,
所以搵左2個識國語既台灣靚女黎幫手,
原來3月費先得30蚊一個月仲有成百二分鐘,
仲要有零機價真係幾抵用下遲下睇下咩環境可能轉,
結果傾下傾下都已經4點半,
行到番屋企第一個到屋企呢,
證明我今日真係好早番去=0="
番入房先做左個功課先,
因為如果再唔做聽日冇得交就大獲=.="
做完之後係到研究緊辦work permit張form,
剛剛打算開始填既時候門外有車到,
係新個housemate抵步呢出去歡迎下佢啦,
出到去一件非常shocking既事=.="
就係佢就係我lunch見到著住"Life is not a job."Tee既果條友............
佢家姐車佢黎的好靚女的~~~~~~~~~
之後問左條友個名係叫"Van"型名一個...............
係係呢個越南黎既,
之後冇咩野攪我就番房到繼續填張表,
攪掂晒之後都已經就7點出去廳到睇電視hea,
見冇咩野睇走左出去花園望到個好靚既黃昏,
即刻要用相機影低佢啦post上黎分享下都好丫~~~~~~~~~

8點鐘食晚飯蝦仁炒麪超正law,
D蝦超多仲要好新鮮that's great~~~~~~~
食飽飯之後睇左陣電視,
Van沖完個涼出黎我真係唔shocking都唔得=.="
因為佢又著左件"Life is not a job"出黎不過唔同色=.="
我真係好想知佢係咪成個衣櫃都係呢件不過唔同色=.="
之後出左去花園到坐用Van Susan係到吹水,
吹緊水既時候見到有流星飛過呢~~~~~~~~~~~~~~
咁大個仔都係第一次見到流星,
原來真係好靚嫁不過掛住睇冇許到願tim=0="
不過唔緊要啦Susan話恭邊成日都有機會見到~~~~~~~
剛剛take完個bath已經10點半有多啦,
其實已經好攰下所以都唔打咁多係時間去訓~~~~~~~

琴晚係想早D去訓既,
不過攪到尾都成12點半有多先去訓=.="
最後一晚享受果間又熱又焗既房,
最後一晚享受果張又窄又細既床,
今朝訓醒7點幾鐘Gil兄已經整裝待發,
梳洗好之後7點半同Gil講完再見佢就走番香港度假啦~~~~~
之後食個早餐8點鐘先出門口,
今日冇圖要upload所以直接行左過去407,
上到課室都係如常飲啖水散一散熱,
之後由於冇圖既關係好快咁拎部laptop出黎update左個Blog,
9點鐘開始上堂一黎作風依舊派野discuss=.="
10點開始教野啦終於............=.="
教summarization techique ok實用既,
10點半又到左coffee break既時間,
轉個頭11點開始上堂派左張choice比我地,
叫我地揀afternoon elective courses喎,
星期一三既我揀左Business English做1st choice,
而星期二四既我揀左Vocabulary and Reading做1st choice,
希望可以入到1st choice啦~~~~~~~~
揀完之後都已經夠鐘放lunch=.="
今日星期三有2個鐘頭既long lunch,
同Larry John行左出去旺記到食,
去到見到Kay Irene Jerry Rain佢地一班人,
食飽之後就行去coles到買野飲,
由於多日黎想早訓都結果攪到夜訓=.="
所以急需要精神補充既飲品,
首選當然係Red Bull啦~~~~~~~~~
買左呢個香港仲未有既355ml罐裝,

香港依家仲係得250ml罐裝=0="
呢邊勁到有600ml玻璃樽裝!!!!!!!!!!
不過我相信一般日子都唔會動用到嫁啦,
除非係考試或者趕assignment果D非常時期啦~~~~~~~~~~
到時飲到先再影張相比大家睇,
攪掂左之後行番去左學校,
先到呢個department of languages and intercultral education,
目的係去拎申請work permits visa張form,
拎完之後就行番去407到等上堂啦,
晏晝既堂都係係到講summaring既skills,
3點45分落堂一如以往去左501上網=0="
開左laptop之後發現有windows update,
當然趁係有得update既時候update左佢啦,
開左MSN之後老媽子叫我開voice msgs=.="
好彩我今日有帶earphone姐,
如果唔係都開唔到=.="
因為冇理由係501開speaker一定比人X=.="
之後就一直上網上到6點鐘先走人,
番到去6點半鐘換件衫,
之後開始呢個遷房大行動,
搬野過房再執好晒D野足足攪左成粒鐘,
6點半Susan終於幫我打電話去問上網=.="
大佬佢再唔幫我問我真係會死人=.="
大家作為香港學生應該好明白我既心情=.="
冇得上網係一個咩野既地獄=.="
問完一輪之後佢話聽日再幫我番工,
係office上網睇下其他公司價錢拎番黎比我揀,
7點半食晚飯係呢個肉醬意粉呢正,
食飽之後睇電視law,
睇睇下唔知做咩講起painting,
之後同Susan係到吹水,
佢發現左我對painting有興趣之後,
馬上帶我去佢房到拎晒佢D珍藏出黎比我欣賞,
有幾幅係真係貴野黎=0="
係梵高既真跡不過係比較冇咁出名果D,
之後一路吹發現2個人都係好鐘意梵高,
佢仲話佢29號晚會去個畫展問我有冇興趣去,
我想去嫁不過要睇到下到時多唔多野做先得~~~~~~~~
吹完一大輪都已經10點半,
take完個bath上黎打左個Blog,
依家都已經成11點半有攰好眼訓=.="
本來打算做功課既不過都算啦聽晚先做=.="
因為真係頂唔順啦好攰丫=.="

PS  過2日得閒D先再影間新房同間屋既相post上黎

琴晚去到最後成2點幾先訓覺=.="
今朝一早7點又起左身超攰=.="
冇咩胃口冇食到早餐,
執完野之後換件衫就出左門口啦,
因為我行捷徑番學校,
而果條捷徑係有好多樹係到,
所以今日好不幸咁係經過樹叢既時候,
比一個係樹上面跌落黎既榛果仆中=.="
痛到我丫好彩冇流血=.="
番到去剛好8點正先去501 comp. lab.到,
目的係用佢D Desktop upload晒D相先,
攪掂左之後就行番去407好遠耶=.="
上到課室發現仲有人比我早到=.="
但係又要玩野唔開燈吹漲=0="
坐低之後望下錶都已經8點9啦,
飲杯水涼係冷氣等上堂,
9點Mike sir到左開始點名,
條友係咁攪gag law sor爆=.="
一黎係咁讀完D人名之後就估果條友係邊個國家黎,
點知條友估10個有8個都估錯law=.="
之後又唔知做咩將我個名讀到唔知係咩=0="
當然係離譜到冇人聽得出冇應佢啦=0="
點晒名之後佢見我仲未有點到問我咩名=.="
答完佢之後又話終於睇到寫咩野係到懶琴日miss寫得桃突=0="
之後仲吹漲law佢問我係唔係越南人...................=.="
極無奈咁同佢講話唔係越南係中國law=0="
之後開始上堂一黎又派張紙discussion...........................
呢邊既先生真係好好態度良好態度=.="
discuss完一輪之後就係到教符號=0="
10點半又話冇break放真係唔知開心定唔開心=.="
break完番黎做listening超快好難聽死得=.="
聽左2次之後個個都仲係係到發呆=.="
對左答案之後(正確黎講係抄完佢比D答案之後)
佢話聽多一次喎聽完又到lunch time汗爆,
拉大隊去左Enagles Boys Pizza到買外買,
因為Gil兄透露呢間野逢星期二特價,
一個大批原價係9個9毫半,
但逢星期二只售4個9毫半好抵呢~~~~~~
行到去好多人排緊隊law=0="
買完就番歸行番去407 law唔該=.="
番到去剛剛好一點鐘吹漲=0="
熱到死丫真係下次都係等冬天先去食=.="
夏天唔想行丫真係冇命丫=.="
一路食住pizza一路上堂真係興奮到不得了,
下晏上既堂唔洗我多講都會估到=.="
先黎既係discussion食住野discuss特別有風味~~~~~
之後到左點半又做個listening,
今次呢個好她多一邊食住pizza一邊做都仲做到=0="
做完對左答覆之後又聽多次,
2點9放學時間又到左啦~~~~~~~~~
執好野行番落去501邊涼冷氣邊用laptop上網,
MSN到今日ok多人係到呢真好,
不過比麪包發現左我係到又捉左我黎問中文=.="
好問唔問問我文言文真係玩野=.="
眾所周知文言文係我既盲點黎嫁嘛=.="
唯有勉強咁解比佢聽啦真係無奈=.="
由於有野做所以4點半就走人la,
先去coles匯合左Gil之後等佢寫張授權書,
因為佢聽日番香港但係佢丫媽比佢個包裹仲未寄到,
所以佢諗住叫我幫佢拎左佢,
填到之後去post office到比佢睇左之後打印,
之後打算行番屋企既時候,
Gil話Susan今晚出左去cocktail party,
所以已經煮定左D加哩飯係到,
不過佢話經佢觀察之後覺得係一定勁難食,
所以勸我今晚唔好食果D野,
之後我望下錶見反正都已經6點幾,
反正唔食果D野既話都係要出去食,
所以不如索性食埋先番去唔洗出過黎,
之後就去左chicken treat到食野,
今日試左個chicken roll開頭睇圖唔太吸引=.="
只係見佢今日果個有特價咁就算,
而我睇左張圖我認為係好似delifrance果D咁係凍既,
點知結果錯晒原來係熱既仲要OK好食下~~~~~~~
食飽左就行番去屋企啦~~~~~~~
番到去第一件事係去沖番個涼先,
因為實在係太熱成身濕漉漉的好唔舒服=0="
之後就係到煲下歌咁law,
轉個頭望下個鐘已經8點,
好奇心驅使走左去試少少果D加哩,
嘩難食到佢丫仲要唔知點解有中藥味=.="
KO晒係碗果D落去垃圾桶真係頂唔順=.="
hea多陣之後Gil起身Susan都番左黎,
吹水下咁law冇咩特別,
今日係咁多想早D去訓tim~~~~~~~~

PS  琴晚影完左我間房之後,
      可能聽日開始冇機會影到呢間房啦~~~~~
      因為如無意外我聽日可以轉房,
      轉去間涼D冇咁熱既房正~~~~~
      事緣聽日Gil會番香港所以我會轉去佢間房哈哈,
      而據講Gil唔係到既呢3個月,
      好似有個新生會入黎住,
      所以到時呢間房就係人地嫁啦我就影唔到lu~~~~~