| |
|
|
| |
| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
| ．影 誌 歸 月 |
|
|
| ．影 誌 分 類 |
|
|
| ．影 誌 聊 天 |
|
|
|
．好 友 名 單
|
|
|
| ．網 誌 群 組 |
|
|
 | |
 |
2008 年 1 月 1 日 星期二 晴天  | |
| |
|
是日主要活動:"昏迷"  | |
今朝9點半未到番到黎馬上昏迷,
一覺訓到3點半鐘先起身@@
起身之後先黎既係上網打番琴日個Blog,
同埋就係果個好長既07年大事回顧=0="
攪掂左果到都已經5點幾鐘啦@@,
之後再黎既就係煲下歌,
煲左陣歌之後繼續未完既"體操小子",
6點幾take個bath之後晚飯,
食飽左番房都係"體操小子"=.="
睇左陣9點幾突然聽到爆炸聲,
走左出花園睇下咩事,
點知原來今晚又有煙花................
就係住緊間屋對落2條街條河到放,
如果早知既就走落去睇啦哈哈,
不過算啦係花園都可以清楚睇到~~~~
睇完之後番房繼續煲體操小子,
一直煲到依家12點幾鐘啦,
終於完晒成套體操小子正~~~~~
聽日開始可以先暫停一下儲備既消耗,
因為limit番黎之後,
就可以追番之前成個月一直拖住未睇既電視節目~~~~~
| | |
|
|
|
|
| 2007 年 12 月 31 日 星期一 晴天 | |
| |
|
2007年大事回顧  | |
轉眼間一年時間又過去啦,
係呢一年裏面發生左好多事,
而且仲有好多件影響一生既大事,
有好多好多既第一次,
仲有好多好多可能係唯一一次,
同時亦好多好多最後一次哈哈,
好啦每年大事回顧既開場都係幾行下,
都係唔好講咁多廢話啦,
依家就一齊黎睇下我係2007年既大事回顧,
一年特別長既大事回顧：
|
壹月 |
為我努力左多個月黎既心血"CA Coursework"作最後階段既努力 |
| 因為份Coursework令我請左中學生涯有史以黎第一個亦係唯一個病假 |
| 人生再次為學業付出精神心血令身心疲倦不堪身體健康最差既階段 |
| 拍攝中學生涯最後一張班相 |
| 彩天生涯第一次比人扣分 |
| 中學生涯第一次因為遲到而比人扣分 |
|
貳月 |
八年的中學生涯終於結終 |
| 首次到訪蓬瀛仙館原因出席頒獎典禮 |
| 生第一隻智慧齒 |
| 首個農曆新年著住短袖拜年 |
| A level既溫書程式正式開始運行 |
|
參月 |
首次一嘗係屋企行番學校 |
| 中化兩度成功衛冕彩天冠軍寶座三連霸之地位無人能及 |
| 中學生涯的補習生活正式終結 |
| 中學生涯最後一次應用"張無忌理論"順利無誤 |
|
肆月 |
正式與物理說再別 |
| 生第二隻智慧齒 |
| 人生首次係生日正日要考試 |
| 不再是Teenages |
|
伍月 |
經歷數月的高考戰事正式結束 |
| 人生第一次自己一個人去旅行 |
| 人生第一次用e-道 |
| 人生第一次見到一望無邊既鹹水湖 |
| 人生第一次見到一望無邊既鹽湖 |
| 人生第一次見到一望無邊既沙漠 |
| 人生第一次見到一望無邊既大草原 |
| 人生第一次見到一望無邊既雪地 |
| 人生第一次見到一座接一座既雪山 |
| 人生第一次見到中國兩大著名地貌之一"雅丹地貌" |
| 人生第一次近距離望見地熱 |
| 人生第一次見到落雹 |
| 人生第一次見到落雪 |
| 人生第一次見到海滋 |
| 人生第一次見到龍捲風 |
| 人生第一次踏足雪地之上 |
| 人生第一次體會氣溫零下既威力 |
| 人生第一次身處海拔超過五千咪既地方 |
| 人生第一次乘搭中國人的驕傲－青藏鐵路 |
| 人生第一次欣賞到世界第八大奇蹟－兵馬俑 |
| 人生第一次可以係博物館入面影相 |
| 人生第一次一睹世界海拔最高既湖 |
| 人生第一次踏足世界海拔最高既公路 |
| 人生第一次踏足世界海拔最高既鐵路 |
| 人生第一次踏足世界海拔最高既車站 |
| 一到藏傳佛教既聖城 |
| 一到中國十三個朝代既首都西安 |
| 一圓到西藏旅行既心願畢生難忘 |
| 一睹令人歎為觀止的藝術"唐卡","堆繡爾"同"酥油花" |
|
陸月 |
彩虹邨天主教英文中學第四十屆畢業塈頒獎典禮印證中學生涯既完結 |
| 奪得學科優異獎－中國語文及文化科 |
| 高考成績放榜 |
| 再再一次見證張無忌理論既威力 |
| 感受到中化全校第一既喜悅 |
| 感受到電腦全校第一既喜悅 |
| 感受到拎住兩枝槍既心情 |
| 感受到down grade既心情 |
| 感受到升grade既心情 |
| 感受到失敗既心情 |
|
柒月 |
第一次自己一個去泰國 |
| 生第三隻智慧齒 |
| 樹仁大學interview |
| 作出到外國升學既決定 |
| 收到兩間澳洲大學既offer letter |
| IBT Group interview |
| 考IBT Group英文試 |
| 一睹國寶"清明上河圖"真跡 |
| 第一次用回鄉證e-道 |
| JUPAS放榜派左第25個Choice可惜已經唔關我事 |
|
捌月 |
開始辦理簽證事宜 |
| 因辦理簽證而身體檢查 |
|
玖月 |
人生自上學以來首個九月唔洗番學 |
| 簽證終於簽發 |
| 生第四隻智慧齒 |
|
拾月 |
擁有人生第一套SUIT |
| 第一次一次過買成千幾銀既文具 |
| 擁有人生第一部Laptop |
| 擁有人生第一隻原裝Office |
| 八達通不再有學生優惠 |
|
拾壹月 |
離開家鄉遠赴澳洲升學 |
| 人生首次踏足南半球 |
| 人生首次踏足大洋洲 |
| 人生首次踏足澳洲 |
| 人生第一次直接飲水喉水 |
| 人生第一次使用澳元 |
| 第一次係居住既地方有寵物 |
| 一個極有可能係我呢一生人所放過最長既最漫長既假期終於完結 |
| 中學生涯既最後一個暑假正式完結印證中學既年代正式結束 |
| 第一個開學日唔係係香港 |
| 第一個開學日唔係係九月 |
| 第一個澳洲留學生涯既開學日 |
| 第一次體驗到咩叫全英語授課 |
| 居然英文reading我可以拎滿分 |
| 居然英文writing我可以拎全班最高分 |
| 人生第一次見到流星 |
| 人生第一次見到袋鼠 |
| 人生第一次見到樹熊 |
| 人生第一次用埋D有limit既寬頻上網服務其不知所為之極 |
| 自出生以來用得最多國語既一個月 |
| 自出生以來用得最多英語既一個月 |
| 自學識講野以黎相信係講得最少廣東話既一個月 |
| 自出生以黎同得最多唔同國籍既人溝通既一個月 |
|
拾貳月 |
人生第一次英文科都可以考全級第一 |
| 人生第一次亦係唯一一次一年之內放兩次暑假 |
| 人生第一次一年之內經歷兩次夏天 |
| 人生第一個冬至係係夏天 |
| 人生第一個聖誕節係係夏天 |
| 過左一個相信係我人生之中天氣最熱溫度最高既聖誕節 |
| 過左一個相信係我人生之中天氣最熱溫度最高既Boxing Day |
| 久違了既攝氏四十幾度 |
| 人生第一個除夕係係夏天 |
| 人生第一次係除夕出外倒數 |
| 人生第一次係現場睇煙花 |
| 人生第一次玩天光先番屋企 |
過去既已成歷史,
已經係無法改變,
但黎緊將來既路就由我地自己去行,
寄望來年會比今年好,
事事順利!
最後係呢到祝各方好友係來年
身體健康,
萬事如意,
最重要當然係每一日都過得開開心心啦!
最後特別祝願今年祖國既北京奧運順利舉行! | | |
|
|
|
|
| 2007 年 12 月 31 日 星期一 晴天 | |
| |
|
| Limit歸去來兮,現場倒數睇煙花 | |
自呢個Blog開幕以黎,
首次係12月31號有野打,
而唔係only post個大事回顧,
因為早兩年既呢日都係好無聊係屋企過,
所以冇咩特別野好寫,
加上見反正都有個大事回顧可以post下,
就由佢唔理佢就咁post左就算哈哈,
今年總算有番D野可以寫下啦,
今日早上依然昏迷到9點幾,
早餐之後先黎係打電話去"問候"一下AAPT,
頂佢明明我個上網服務已經過左月嫁啦,
佢地仲唔升番D speed比我咩態度=.="
打到去先黎叫我聽左成個鐘音樂=.="
之後終於有人黎接電話,
鬧左成半個鐘有多佢先同我話依家即刻同我攪,
跟住我再話多佢兩句真係離晒譜,
我問佢話我係咪一日唔打電話黎佢一日唔同我攪,
佢居然答我佢地要放假唔攪=0="
真係咩態度比人鬧得少啦班廢柴,
同我拎D唔係理由既理由黎答我,
攪左我成個鐘之後收線番房終於up番D speed比我.\/.
先黎就係煲下歌hea下先,
之後就開始繼續煲體操小子,
去到2點鐘食一食lunch即食麪=0="
食完之後仍然係睇體操小子,
一直睇到4點半有多開始執野換衫,
5點半鐘熄機閃人出去city,
澳大利亞既人真係唔可以用常理去理解=.="
12月31號香港D shops就延長營業時間賺錢,
佢呢到就同你照舊好少理閂六點=.="
我搭車出到去都已經6點幾條街冷清到唔冷清=.="
先黎係等埋Azoth之後再去火車站join Cathy Yoco同Cristin,
then 5條友先黎去左酒房買酒~~~~~
之後再去左Hit Studio到開房唱K,
開房之後無內Wisker同Ray哥都到左,
成班人係到唱K一直係咁唱,
唱到9點幾鐘Afled同Could都到步,
唱到11點幾閃人之後成班去左等倒數,
行到街上發現左澳大利亞差佬另一班事,
2個月前黎到既時間見佢地係踩單車已經覺得好型,
點知原來今晚呢D特別日子仲型係騎馬既真係型到冇野好講=.="
一直係到睇台上D Band表演等倒數,
倒數完之後仲要放煙花呢~~~~~~~~~
成世仔第一次現場睇煙花同係電視熒幕到睇真係冇得比,
就算有高清都係咁話=0="
放完煙花之後散完繼續我地既活動,
先黎去左pot black篤番個幾鐘波,
之後再去Utopia到接左嘉文,
成班人又閃番去Hit Studio到唱K,
係行緊去房既時候聽到隔離房有人唱小肥既寵物,
點知我自己就搵晒咁多頁男歌手都唔見有小肥=.="
係極灰既情況之下都唔知有咩好講=0="
點解隔離房有我地呢間房冇=.="
點知結果比我係女歌手果到搵到小肥=.="
開頭我諗住乜原來有個女歌手叫小肥嫁咩,
之後就禁左入去睇下點知真係有寵物=.="
What the hell班友點分類嫁玩野咩=.="
原來諗住唱K唱通頂點知4點鐘個職員行入話我地聽收鋪喎=0="
當堂呆左唔知比咩反應佢law"收鋪"=.="?!
Fake我搵第2樣啦新年流流搵D咁既gag黎攪=.="
點知真係見到D職員逐間房拍門嗌收=0="
作為香港人一貫既作風梗係揀番隻勁歌金曲之完結,
完左之後係收銀處到見到Garly佢又走左黎唱K,
本來諗住去pot black到等天光點知都係閂四點=.="
之後發現所有野都係開始閂鋪冇野好講law=.="
結果係冇野可以做既情況下幾條友打的去左Wisker屋企,
到步既時間都已經5點有多,
第一時間係搵D野食下先哈哈,
因為我由今日下晝2點個即食麪到依家冇野落過肚除左野飲之外=0="
依然係食即食麪既點知個枝火機冇gas=.="
開唔到爐煮結果又係淋滾水之後微波爐叮,
今次仲要型到碗底打多隻蛋超正,
食完呢個唔知係晚餐定宵夜定早餐既即食麪之後,
幾條友係到吹水Wisker講少爺仔Wilson既事跡成班人笑到碌地=0="
一直吹水到差唔多8點半閃得人,
搭頭班車番Curtin再行番屋企,
番到去9點半都未到Susan仲未起身,
閃番入房換件手熄手機涼都冇沖就閃左去訓覺啦~~~~~~~~~~ | | |
|
|
|
|
| 2007 年 12 月 30 日 星期日 晴天 | |
| |
|
| 動用第十一套儲備 | |
一如以往昏迷到11點起身冇食早餐,
先黎係房到狂煲歌一直煲到12點幾,
lunch仍舊係合味道杯麪充餓=.="
食飽之後係花園左hea左hea,
hea到成3點幾鐘先番房=0="
之後都係冇咩野好做,
最後都係決定繼續動用動畫儲備,
澳大利亞第十一套動畫"體操小子",
煲左十集之後take個bath等食飯,
晚餐係呢個松子雞絲蝴蝶粉,
食飽之後又係花園hea,
番房之後收到電話吹左個幾鐘,
之後再MSN一直咁同人chat到依家,
12點幾啦打埋個Blog再煲多陣歌先訓~~~~~~~~~ | | |
|
|
|
|
| 2007 年 12 月 29 日 星期六 晴天 | |
| |
|
| 完左第十套儲備 | |
今朝昏迷到11點幾先起身,
起身之後Susan話佢去fd到食飯,
聽日先番黎叫我今晚記得幫佢餵貓喎,
之後我就番房開機then去洗左D衫,
今個星期由於冇出過街所以一機就可以解決,
放晒D衫落洗衣機之後番房煲歌,
12點幾出去掛左D衫之後換件衫,
一點鐘出去食lunch醫下肚先,
好多日冇出黎食啦去左chicken treat,
食完之後去左coles到睇下有冇咩野補給一下,
入到去見到勁多貨架比人清到空晒=.="
因為好多野都勁特價所以比人掃晒,
先黎搵D零食補給一下咁law,
之後發現紙巾同洗衣粉都有特價,
所以咪買定佢放係屋企先law,
番到屋企都已經2點幾鐘啦,
番房開始繼續煲"魔動王",
一直係咁狂煲到7點鐘,
晚餐時間順道要餵Magic,
隻貓成日神出鬼末成日想影佢相都影唔到,
今晚終於有機會比我影到啦哈哈,
下面呢張相就係Magic啦~~~~~~~
不過由於只係用手機影既關係唔太好,
食飽之後又係趁Susan唔係到好好沖番個涼先,
bath完之後係到煲歌同MSN左幾個鐘,
一直去到11點幾鐘再去煲埋尾果幾集魔動王,
就咁一直煲到成點先停,
終於又煲完一套儲備啦~~~
到底存貨夠唔夠捱到下年番香港呢=.="
煲完左之後走左去執一執個床舖,
食家都就黎2點鐘啦好攰丫=.="
係時候要去訓啦~~~~~~~~~~ | | |
|
|
« | 182 | 183 | 184 | 185 | 186 | 187 | 188 | 189 | 190 | 191 | ... | 398 | »
 
|
