今朝天光之後係Alfred屋企張梳化訓著,
一直訓到9點幾就十點先起身,
起身之後其他既人都仲係係到昏迷緊=.="
我自己一個人走先一路由Alfred屋企開始行,
行經Curtin再穿過Curtin行到番屋企,
行到番屋企結果用左大概50分鐘,
先黎就係收衫沖番個涼=0="
之後就睇番星期四同五果2集同事三分親,
睇完之後都係係到無無聊聊咁hea,
由於尚有點攰不過唔想訓,
因為聽日就要番學如果訓左今晚又會眼光光,
而聽朝就會又試唔想起身去番學=0="
所以我唯有就係支撐住唔好訓,
等今晚早D去訓咁聽朝就可以早起,
順道將多日黎假期攪到顛倒晒既生理時鐘校番正,
所以呢成個晏晝都係好多時間係到發呆=.="
一直發呆到就黎3點鐘覺肚餓=0="
係喎今日我連早餐同午餐都未食喎=.="
出去叮左個即食麪又番房發呆=0="
一直呆到食晚飯都係係到呆=.="
晚飯之後都係繼續呆無咩特別=0="
依家都已經9點幾鐘真係好攰,
係時候去訓覺聽朝仲要起身番學~~~~~~~

PS  自從黎左澳洲之後都冇好似今日咁樣行過啦,
      以前係香港識路既話久唔久都行幾個鐘唔搭車=.="
      但係係呢到人生路不熟唔D路都未認得清,
      所以好少會行路唔搭車今日真係幾興奮又有得行=0="

今朝結果昏迷到12點半先起身,
早餐一個合味道之後就去左洗衫,
洗完2機衫之後都已經2點有多,
接到Wisker個電話又問出唔出去=.="
我見反正都冇野做而且就番學,
所以咪出去盡興玩埋今日,
3點半左右出門口去Curtin等Azoth同Wisker,
出到去Perth之後又去左Pot Black到篤波=0="
篤到5點幾去左Poppo到食晚飯,
6點鐘又番到去Pot Black篤波=.="
一直篤到7點幾Alfred同Could都到步,
一直係咁篤到9點鐘閃水,
成班人過左去Hit Studio到唱K,
到步之後Cathy Yoco同俊都到步,
一直唱K唱到成點半鐘先完場,
之後成班人搭車去左Alfred屋企到,
成晚都係到玩Ture or Dare,
不過係好怪既現象就係開頭只係狂True,
玩完一輪之後就只係狂Dare冇得比人揀@@
一直玩到天光6點幾鐘,
Alfred Could同Cathy各自番房訓,
我地幾個打攪人既就訓廳果3張梳發,
就咁又過左一日啦真係充實=.="

今朝set左alarm 9點半醒,
結果都係超到10點先醒,
好彩我係預左我會咁姐=0="
如果唔係就遲到哈哈=.="
換好衫10點半出門口,
極準時11點去到Curtin車站,
點知Wisker遲到=.="
之後唯有先同Azoth出去,
係City兜左勁內Wisker先打電話黎話到,
去左開心茶餐廳到食lunch,
食完之後本來打算去Utopia到唱K,
點知無房結果去番HitStudio到唱,
唱左唔夠2句Ray哥又到左,
唱一半行出房聽電話,
點知聽到隔離房屈機=.="
一個丫嬸開間房係到唱埋D舊歌,
仲要有D我都聽唔出係咩=.="
接完電話無內韓國Jun到步,
5點閃水去左pot black到篤波=0="
見到Alfred同Could又係到篤,
篤到6點幾過左順德食晚飯,
食完之後又去pot black到篤波=.="
呢排除左篤波同唱K都冇咩娛樂=.="
篤到9點鐘閃水搭車番歸,
番到黎搵完老媽子之後take個bath,
11點幾MSN同煲多陣歌先訓~~~~~~

今朝11點半起身之後,
突然間好想食餃子=.="
成2個幾月冇食真係好想食=0="
於是梳洗完之後就換件衫出去,
去左Coles到搵下有冇餃子買,
係凍櫃到兜左勁內終於比我發現左目標,
拎完之後就去收銀到比錢,
番歸之後開爐煮黎食,
食完之後都已經就一點鐘lu,
不過味道真係幾一般=.="
不過係冇選擇既情況下都仲頂得下既=0="
食飽番房開機開始煲多日黎miss左既同事三分親,
由前個星期一開始一直殺到琴晚,
一共13集一口氣煲到7點鐘@@
中途停左陣去沖個凍水涼因為天氣好熱今日又42度=.="
睇到今個星期一既時候發現片頭轉左喎,
而今個星期一果集真係有點兒睇到想爆粗=.="
因為連電玩劇都要係到賣廣告=.="
係到教點樣禁無線D台=0="
睇完之後晚飯再打後番房講左幾個電話,
confirm一下聽日出去既事宜,
依家都已經12點幾鐘啦=0="

今日昏迷到12點正起身,
lunch合味道杯麵雞肉味,
不過食落同香港果隻有D唔同@@
食完之後番房煲左陣歌check下email,
一點鐘睇番未睇既"新城勁爆頒獎禮2007",
3點半鐘有多睇完之後,
只可以用一個字黎形容=.="
呢一個字就係"亂",
嘩成個頒獎禮都亂七八糟既=0="
anyway睇完之後D獎項大部份都係同預期既一樣,
睇完之後都4點45分啦,
緊接既係馬上到呢一個"叱咤樂壇流行榜頒獎典禮2007",
睇完之後都7點幾鐘啦@@
都係一樣大部份獎都係同預期既一樣,
比較大出入out of expectation既係新人果part=0="
睇完左2個頒獎禮之後既活動就係食晚飯,
今晚有牛扒食真係正哈哈,
晚飯之後take個bath仍然係電腦屏幕前既活動,
睇番幾個星期前庚澄慶果集志雲飯局,
完左9點半有多出去食番杯水,
等10點鐘睇電視"英雄"~~~~~~~~~~
其實呢套野幾年前上畫果時我已經好想睇嫁啦,
不過唔知做咩後尾冇睇到=.="
而之後一直都冇機會睇到,
難得今晚有得睇緊係點都要睇啦,
澳洲既電視又幾好嫁喎,
播左成套英雄只係停左一次廣告咁大把~~~~
食完之後一個正字形容啦,
都唔知點解當年我會冇睇到,
好彩到最後我都睇到呢一套咁精彩既電影,
睇完之後都就12點上黎打打個Blog佢,
今日真係冇咩特別既一日=0="