琴晚結果MSN磨到2點鐘先訓@@
今朝昏迷到12點先起身,
又係合味道lunch之後番房,
先黎係邊煲歌邊MSN係到同人吹下水,
一直吹到點半鐘去左煲一煲書,
依然係第一冊既少年陰陽師,
睇完一章之後就番點又番到電腦前面,
依然係MSN搵人吹下水law~~~~
4點鐘閃去睇埋最後一章佢,
4點45分終於完左第一冊既少年陰陽師,
之後就開始煲魔動王過日=.="
去到7點鐘Susan出左去未番=0="
本來應該係晚餐時間可惜冇得食@@
take個bath之後去左打個電話,
8點鐘Susan終於番黎煮野食=.="
食飯之後照舊係花園hea hea佢,
番到房又煲左魔動王,
依家10點有多係時候邊煲歌邊MSN,
之後就閃去訓~~~~~~~~~~~~~~

由於琴晚夜訓今朝磨到11點半先起身,
起身之後合味道既lunch哈哈=.="
因為唔想出去真係會熱死人嫁=0="
食完之後番房煲歌煲到一點,
之後閃去睇"少年陰陽師",
仲係睇緊第一冊煲左2章之後就3點,
then閃番去電腦面前煲煲動畫先,
一口氣煲左5集既魔動王,
就到5點鐘又閃左去睇多一章少年陰陽師,
之後本來想再煲下魔動王,
點知睇多一集之後無mood煲=.="
then就係到煲歌煲到食晚飯,
晚飯之後都係hea下先law,
take完個bath之後一口氣煲左前一個星期,
一連5集既"同事三分親"~~~~~
煲到依家11點半law,
冇咩野做再MSN同人chat多陣先訓~~~~

琴晚又試發埋晒D古靈精怪既夢=.="
唔知點解我會身處一個落雪既香港=.="
點樣去到已經唔記得左啦@@
只係唔知咩事我會去一橦雪山咁樣樣既building,
個building東南西北各有一條樓梯,
之後唔知點樣左穿加插入左個building,
之後發現原來係個巴士總站@@
唔記得左發生左D咩事之後出番個building,
之後去另外一橦好高既building,
印象中係要番屋企咁上下,
入到個building既大堂見到馬喜文同姚嘉欣,
我都唔知點解會見到呢2個人唔好問我=0="
呢個時候馬生仲拎住個麥之蛋飽係到食緊,
then 3條友一齊係到等升降機我目的係要去3樓既,
之後馬生禁左二樓姚小姐禁左七樓,
但唔知點解佢2個都係2樓就出左去啦,
之後我繼續搭上去點知過左3樓都冇停,
我開頭諗住係我唔記得禁啦,
點知去到先前姚小姐禁左既七樓都冇停到.........
之後突然部升降機以高部上左頂樓,
冇停之餘部升降機仲突然係到轉,
係上下轉動180度即係地下變左天花板天花板變左地板,
我就好狼狽咁跟住佢係咁轉住跑,
當轉動停左之後唔知咩事,
部升降機急速下滑好似斷左纜咁,
一直就向地下衝落去,
但係去到地下依然冇停仲彈番向上,
之後再黎一次180度轉,
then係2樓果到停低左但係部升降機唔開門,
唔記得我點整到道明開左之後發現原來唔係停正2樓,
係得一半停正2樓之後唯有爬出去,
出到去之後向左手邊一望我唔知咩事=.="
點解會有間美心皇宮係到@@
我諗住我行錯方向唯有番轉頭,
轉個頭之後係道防煙門到見到有人開門,
一望發現原來係鍾奇峰,
又係果句唔好問我點解會係佢=.="
同佢講左幾句野唔記得內容詳細係咩,
但係記得好似係有關峰少同佢條女@@
之後又一段細節唔記得左,
唔知樣樣我終於去到3樓之後入左個單位,
之後又miss左一段then我同坐左係張圓枱到食飯,
之後又一大堆唔記得咁就醒左啦=0="
唔知做咩到左澳洲之後成日發夢=.="
仲要發親都係怪到不得了既夢@@
係香港N年先發一次夢@@
唔知會唔會係呢邊天氣太熱會有影響呢~~~~
醒左之後睇下個鐘已經就黎11點半啦,
梳洗完之後都冇食早餐番左房到煲歌,
一直去到12點幾見肚餓,
又唔多想再食即食麪,
因為已經食左好幾日啦=0="
換件衫打算出門口去食lunch,
個人一踏出門口即時既發應係"嘩好熱"=.="
之後再行出條馬路好似真係去左一個廢城咁=.="
比平日既廢城柏斯更廢城,
成條街了無生氣冇人冇車冇動物,
仲要完全係冇風果下先攞命=.="
包圍住我既只有熱氣,
行多2步仲要熱到有些少窒息既感覺=.="
腳步變得好沉重一步一步慢慢行,
雖然好熱但係行左好一段路都冇汗出,
原因有2個既第一係天熱太熱,
汗一出已經馬上蒸發左所以出左都唔覺,
第二係溫度高過攝氏三十七度,
係呢個時候因為外間既溫度比體溫高,
根據2個物體接觸既時候,
較高溫物會將熱力傳入較低溫物既物理定律,
人體只會不段咁透過毛孔吸熱,
而完全係散唔到熱所以會有些少窒息既感覺,
如果嚴重既話就會導致熱死人@@
好啦講完一堆廢話之後講番正題=.="
物理已經唔係我果範不宜講得太多=0="
一直行到出去maining road終於好D,
因為終於見到幾部車行過,
不過真係得果幾部law=.="
平時經過maining road D車都係一部接一部係咁出面係我面前=.="
今日係真係見到成分幾鐘先有一部=0="
好辛苦咁終於行到去chicken treat,
一入到去好似去左攻堂咁=.="
平日行入去唔覺得佢係有開到冷氣,
今日一行到入去就知道原來25.5都可以咁正@@
一路食野既時候出面個太陽陰左冇咁曬,
食完野之間順道係果到坐一陣,
因為真係唔捨得走=0="
不過我諗住見趁佢食家陰左少少早D番去好過,
點知一行出門口唔夠十步馬上晴晒=.="
真係玩野咩我唔係條街到行佢就唔同我陰=.="
好無奈咁行左過去post office到,
目的係禁ATM law~~~~~
因為我再唔禁會冇錢交homestay@@
點知我一行到埋去個ATM到佢又陰番喎=.="
一禁禁左七舊水因為天氣太熱禁定多少少,
廢事過一排又要係D咁既天氣出去禁機真係唔死就奇=.="
禁完之後已經無咩特別野要做,
唯有係及早趕番屋企,
點知個天真係玩野law=.="
我一行開個ATM個太陽又即時係我頭頂出現=.="
方死照我唔謝咁=.="
番到去已經就黎點半鐘,
開行風扇hea一hea數番啱啱禁D錢睇下夠唔夠數,
雖則ATM都好少會數錯不過都係數下好既,
拎番疊紙鈔出黎先發現疊野超新,
頭先太熱趕住走拎完就放入銀包都冇留意到,
之後再望一望真係新銀錢黎嫁law,
因為14張50蚊紙係順number嫁@@
數清錯之後hea多陣真係好熱=.="
之後開番機開始捱過一個悶熱既下午=.="
係別無他選既情況之下唯一既活動係煲儲備=.="
研究左好一輪決定第十部開既儲備係"魔動王",
之後就係咁一直煲煲左十集之後已經6點幾,
天熱難當都係去沖番個凍水涼先=.="
但係就算我只係扭個凍水掣,
出黎D水依然係暖既問你死未=.="
take完個bath之後出廳睇新聞睇天氣=.="
是日溫度攝氏四十五度=.="
係全澳洲有史以黎最熱既Boxing Day=.="
真係What the hell咁日已經係世紀最熱聖誕,
今日仲要整多個歷史最熱Boxing Day=.="
真係唔好玩我啦我會死嫁=.="
係我人生之中對上一次經歷攝氏四十度以上既天氣,
已經係十三四年前我係夏天去北京旅行既時候啦=.="
記得當時最好既消暑活動係食成個水球咁大個既水蜜桃,
又多汁又甜又消暑超爽~~~~~~~~
可惜係依家食唔到咁大咁甜咁多汁既水蜜桃=0="
晚餐之後又係無野做去花園坐左陣,
番房之後又係到煲魔動王law,
煲左5集之後就係到MSN同煲歌啦~~~~~
十二點幾好熱完全訓唔到=0="
結果閃左去打電話番香港搵人吹水@@
一直吹到點幾鐘之後番房仍然仲係好熱訓唔到=.="
係到MSN周圍搵人chat下咁law,
一直chat到依家凌晨兩點幾,
天氣終於涼番D勉強可以去訓=.="~~~~~~

嘩琴晚真係痛苦=.="
好難先可以訓得著.........
因為天氣太熱如果我開行風扇又太嘈,
發發聲好似成部直升機係頭頂咁=.="
完全係嘈到訓唔著,
但係如果我唔開行個風扇既話又會好熱=.="
結果攪到最後都係寧願熱少少好過D嘈音=.="
不過睇黎呢D咁痛苦既日子黎緊仲有排捱=.="
因為夏天先係啱啱開始,
真正既戲玉係一月先黎料=.="
今朝起身十點幾鐘早左.........
食個早餐之後既行動冇分別,
仍然係番房到自閉煲儲備=.="
繼續未完既"踢出我天地",
一直係咁煲到點幾鐘出去叮番個出前一丁醫肚,
之後番房繼續係到狂煲=.="
因為我除左可以做呢樣野之外,
已經係完全冇其他野可以做=.="
一直係咁煲左二十一集之後,
6點幾就7點好熱閃去灑個水,
沖完個凍水涼之後又係等食晚飯,
今晚既晚餐好啱節日係火雞@@
邊食邊睇電視新聞同天氣,
是日錄得既天熱成為澳大利亞洲一百年黎最熱既聖誕節=.="
即係話同時係我呢一生人最熱既聖誕節=.="
因為黎緊既日子都好難再破呢一個百年一見既紀錄=.="
何況我係得今個聖誕節會係澳洲過嫁姐=.="
之後果2年既聖誕節我都會番去香港避暑=0="
真係黑仔丫今年=.="
我一個咁怕熱唔怕凍既人,
一離開香港香港就錄得有紀錄以黎最凍既十一月,
咁樣仲唔夠仲要整多個有紀錄以黎,
一百年最熱既聖誕節,
真係搵我黎攪嫁姐=.="
一百年成個世紀一遇既野都比我遇到,
真係好難話會有第2次嫁啦=0="
就算一百年之後再黎多劑我都多數唔會有咁長命啦=.="
就算有我個人都唔會係澳大利亞洲=0="
食飽花園hea一hea啦日落好D既不過仲係好熱下=0="
番到房之後繼續煲踢出我天地law,
一直煲到依定都已經12點半有多一點都黎緊頭,
終於煲晒成套踢出我天地啦~~~~~~
睇左咁多次都睇唔齊咁次終於可以睇得齊啦=.="
原來個結局果集係咁好睇既@@
總結黎講又睇左一套好野啦,
唉不過咁樣落去我真係唔知我D儲備捱唔捱得到下年我番去丫=.="

PS  Anyway今日始終係聖誕節,
      係到祝大家聖誕快樂啦,
      雖然我自己就唔多快樂嫁啦=.="
      一黎冇野做要係屋企自閉,
      皆因今日柏斯呢到所有店舖一律關門,
      連巴士都冇得搭我又冇車可以做得D咩=0="
      二黎天熱難當真係就黎死得啦...........................

琴晚又試MSN到點幾鐘先訓覺啦@@
所以今朝依然昏迷到11點先起身,
早餐之後就繼續番房自閉=.="
先黎一口氣睇番2個星期前果5集既"同事三分親",
完左之後就開到步之後既第九套動畫儲備,
就係無線播左幾次我睇極都睇唔齊既"踢出我天地"=.="
真係超無奈明明無線已經播左好多次,
但係唔知點解次次都係有阻滯,
睇極都係睇唔齊全套真係激死=.="
一口氣煲左十集望下個鐘原來已經5點幾=.="
結果今日係冇食到lunch哈哈=.="
算啦反正都係因為唔覺肚餓先冇食到@@
不過天氣實在太熱坐左成個晏晝都唔係好舒服,
於是走去沖番個凍水涼爽爽佢先~~~~~~
番到房睇最新2集既結界師,
之後就出左廳等食晚飯啦~~~~~~
食飽晚飯hea左陣之後番房,
繼續煲儲備真係無聊到極點=.="
又一口氣煲左十集一直煲到依家,
原來已經就黎12點半=0="
睇黎聽朝又係昏迷嫁啦哈哈=.="

PS  今晚真係一個好平安既平安夜=.="
      因為我好平淡安穩咁過左真無聊=.="