今朝又試唔想起身番去啦=.="
不過見係最後一日唯有頂埋佢啦=.="
起身之後一如以往太眼訓冇胃口食早餐,
番到去個個人都係好興奮嫁因為番埋今日咋嘛=0="
番到去先係課室hea一冇咩特別,
Leanne係到介紹暑假有咩好去處=0="
9點半成埋一齊過去210個threater果邊,
入到去隨便坐等齊咁多班law,
之後開始一個既簡單又唔隆重既所謂畢業典禮=0="
先黎係ELICOS head Peter出黎講番幾句,
之後就逐班咁出去派張成績表,
如果係到期畢業既就發埋張畢業證書,
出到去拎左張成績表呵呵,
我D咁既level都可以係英文班到考全級第一=.="
即係成個AC2 4班最高分果一個=.="
好合理既係writing係咁多份paper最低分得78=.="
亦好合理listening係咁多份paper最高分有成91呵呵,
不過唯一唔合理既就係居然speaking個分會低過reading=.="
speaking有80分reading有成82簡直就係神蹟=.="
Overall有成84%哈哈哈哈,
依家終於明白方包係2個幾月前同我講既一句野,
"ELICOS係比果D唔識英文既人讀嫁"=.="
完左個所謂既畢業典禮之後就係學校安排既午餐,
發現左居然咁豪有壽司食,
作為一個見慣呢類午餐既香港學生,
深明一個定理就係如果D壽司唔快D攞既話,
你將會冇機會拎到因為佢一定係最快比人清果樣,
於是我咩都唔拎第一樣野去拎壽司,
結果不出我所料係我食完第一件之後已經發現比人清左袋=.="
之後就食下其他野麪丫飯丫咁law,
食完超悶完全係冇野好做唯有番歸,
番到去先黎就係開機上下網先=.="
之後睇最新一集既Dream Again真係好好睇,
不過個故事就完啦唔知結局會點,
之後再開始煲番頭D開2nd stage,
睇左幾集之後見天氣悶熱何況今日唔會再出街,
所以3點鐘神咁早走左去沖涼@@
沖完涼之後見天氣好加上唔知聽日會唔會出去,
於是走左去洗咁D衫先如果唔係就黎冇得著=.="
一如以往係洗左機黑衫先因為牛仔褲難乾,
掛好之後再順手洗多機白衫之後去左繼續煲頭D,
4點幾洗好左機白色掛埋去有D攰,
出去搵D野食下咁law=0="
之後都係係到狂煲頭D直至8點鐘終於完晒2nd stage lu,
晚飯食pasta食飽之後係到hea睇下電視咁冇特別,
依家都已經10點過左啦真係好攰,
多日黎既累積早起同累積夜訓真係就死=.="
好啦都係唔講咁多執一執野之後走去訓覺~~~~~~~~~~~~

PS  三個星期既暑假既聖誕假正式開始lu~~~~~~~~~~

今朝訓過左頭結果冇食到早餐就飛左出門口,
番到去Curtin行到去巴士站到已經8點18分,
好彩仲趕得到搭8點25分班車如果唔係就係咁先=.="
搭98號要rechange張smartrider,
去到Fremantle之後搵間叫Jino's Cafe既野,
到步之後搵到Mike sir佢話戲院改左時間表=0="
本來10點開始食家變左10點半先開始,
所以叫我地自己時間一下先=.="
望下隻錶9點半即係要hea一個鐘..........
見反正都係hea加上今朝仲未食早餐,
於是去左搵地方食個早餐,
去左Hungry Jacks到食左個Brekky Wrap,
真係超正超開心呢,
因為我平時係電視見到呢個廣告已經超想食呢個野,
可惜既係我屋企附近冇呢一間野所以一直試唔到,
食完之後證明我既期望係冇錯,
因為真係好好食丫正到不得了,
食完之後見冇野做先行去戲院到等,
上到去仲有人早過我已經開始係到買飛,
於是我都排隊買飛啦,
由於係學校拉隊黎所以有優惠,
原價9蚊依家只售7個半,
不過都仲係好貴丫同香港比=.="
睇場戲足足貴一倍咁多真誇張=.="
今日睇既係夢工場既BEE MOVIE,
好啦第一次係澳洲睇戲當然要影番張飛比大家睇下啦,
不過其實同香港都係差唔多嫁啦呢D野,
但係大張好多咁解law=0="

入到場之後都OK無奈下嫁,
第一件事係呢邊戲院冇劃位嫁=.="
邊個先到就可以自由揀自己鐘意既位真吹漲=0="
第二就係因為足足睇左成20分鐘廣告law=.="
睇完之後既評語係不過不失啦,
不過如果唔係學校活動而係私人活動既話,
我真係覺得呢套野唔值比錢睇大銀幕law,
希望唔會影響到香港打算會睇既朋友啦=0="
睇完之後都已經成12點半有多,
Vincent本來今朝都諗住巴士,
點知遲左起身結果開車過黎,
所以又有順風車坐啦真係好=0="
我同Kay同Domaingo上左佢車,
先黎既緊係要搵個地方食lunch啦,
開車過左去海邊船塢到,
到步既時候當然係先黎周圍睇下影下相先啦=.="
唔知點解我會影左個咁既像@@

之後去左間當地最有名既Fish & Chips餐廳到食海鮮,
間餐廳D科技真係超先進呢@@
叫完野食之後要等唔係比個牌而係比個類似alarm clock既野啦,

等到D野食煮好呢個野就會係咁bip,
之後就可以埋去廚房到拎野食~~~~
嗌完野食之後先搵個位再等,
難得咁好風影緊係搵個露天正位坐下啦,
點會走去坐室內咁戇居哈哈,
可能今日係閒日既關係啦搵到個好位,
最近海邊既一張枱基本上再行多一步就會跌左落海=.="

上面張相就係係我坐緊張枱到影出去,
嘩幾好景丫真係唔係講笑,
係D咁既環境之下食野都開胃D@@
因為個人夠晒心曠神怡,
咁享受咁舒適既環境真係野食都好味D=0="
講左咁內都係時候講下今日食D咩啦,
4個人share2個海鮮拼盤(蝦,魚柳,魷魚,蟹柳同埋著菜),
之後仲有一大盤辣炒青口正~~~~
食咁多正野埋單都係盛惠每位12蚊,
我真係唔覺得呢個貴law如果係澳洲黎講,
其實compare香港都唔算貴大佬海鮮喎,
仲要真係好鮮果D喎~~~~~
食飽之後Kay話佢要學車所以走先,
之後我地3條友再開車周圍逛下,
結果開左去Fremantle最著名既"沙灘",
係幾十年前外國人一講到西澳,
係唔知咩叫"Perth"而只知咩叫"Fremantle",
可見佢係靚得幾誇張幾世界聞名@@
既然係咁就當然要影番D相post上黎分享一下啦,
大家睇下啦呢個一望無際海就係印度洋啦~~~~~~~~

hea完一輪之後都無咩野做,
係時候閃人番歸仍然係搭順風車既哈哈,
番到去屋企都已經3點15分啦,
開機上網check下email先啦,
上個星期apply左coles份job,
等左咁多日先有回應仲要唔係話請唔請=.="
而係叫我要上網做一份test之後再等=.="
我真係就黎比佢激死啦=.="
不過我都冇得揀嫁啦照做law,
做完份野都已經成4點幾鐘嫁啦,
緊接既就當然係繼續煲頭D啦,
一直係到睇law睇到食晚飯,
食飽之後take個bath又係睇頭D law=0="
一定咁煲到依家都已經12點半有多啦=.="
終於煲完左第一輯咁大把law@@
好啦依家都好夜啦係時候要訓覺~~~~~~~~~

今朝超唔想起身番學嫁啦=.="
8點幾先起到身之後食個杯麪,
番到去行到Mac門都未開無奈=.="
係門口一大班人係到吹水law,
9點幾上堂今日係mix埋抄屎果班一齊上,
不過係做埋D勁無聊既活動law=0="
10點半放左個break叫我地11點準時到208門口,
本來打算行過去嫁啦,
點知Vincent開車過去有順風車就緊係懶得就懶哈哈,
到左208之後都係無咩野好做得個等字,
11點鐘開餐食午飯,
今日係學校安排既pizza午餐哈哈,
好彩我琴日冇去到食pizza姐~~~~
食完之後學校仲有娛樂設備,
例如飛碟羽毛球等,
因為呢個就係所謂既"picinic"=.="
12點幾食完晒之後開始散場,
走左去問抄屎晏晝洗唔洗上堂,
佢話理應就要上既不過佢預左今日勁多人走堂嫁啦,
所以佢都唔會教野播套片算數=0="
之後仲要同我話我想走堂就走晒...........
問完之後超無聊搵左幾個人鋤Dee,
一直鋤到2點鐘先完場,
諗左好內反正都係唔會有心機上堂,
加上我去睇套唔知咩片不如番歸煲自己D儲備仲好,
於是就決定走左下晝堂番屋企,
番到去之後先黎就係煲埋最後2集既馭龍少年,
終於完晒啦真係一套好睇既動畫,
緊接既係無野做諗左好內,
揀定第6套開既動畫係頭文字D~~~~~~
其實呢套野一直都係屋企嫁啦,
不過唔知點解一直都冇心機開=.="
依家係呢邊因為冇選擇既情況下就唯有睇啦哈哈,
一直都係睇到食晚飯帶子炒麪正,
食飽hea一hea番房再係到煲頭D law=0="
依家都已經12點鐘啦@@
好攰睇黎今晚應該早番少少訓.....................

今朝一早7點起身食個早餐,
之後換衫出門口哈,
自從2月放假之後都唔洗幾內冇著裇衫西褲=.="
而且仲係要打埋呔果隻哈哈,
番去既途中唔洗問又係啪Red Bull啦,
番到去先黎既係listening exam,
嘩一睇到份卷係到笑=0="
因為佢既topic係computer=0="
即係一有聽唔到又可以以自己知識填落去,
仲要係填得落去都有超過九成會啱果隻=.="
好長既listening聽左成個幾鐘,
之後放番個break10點45再黎,
到左呢個speaking exam係presentation,
一直係咁考一直係到發夢=.="
因為唔係自己就唔洗理好眼訓冇心機聽=.="
加上就算有心機聽都唔會聽得明=0="
渾渾噩噩咁係到聽下聽下聽到有人笑=0="
於是留心聽下出面睇下有咩好笑啦=0="
見到條友個topic講緊唔知咩multicurtural company,
但係條友可以係酊講南京大屠殺同埋講零八奧運=.="
真係唔知佢想點如果我係個丫sir一定fail佢=.="
12點鐘lunch出左去食,
番到去hea一hea一點鐘再黎,
仍然係未到我一直係到等等等=.="
終於到我啦等到人都發霉=.="
講完之後番位再呆等到2點幾鐘,
考晒走得人lu就咁完左final exam=0="
係番緊屋企既途中見到個天色愈來愈黑=.="
心諗唔對路所以馬上走快兩步,
真係超好彩話早唔早話遲唔遲,
我個人一行入屋就即刻落雨=0="
如果遲一步我都食蕉=0="
番到去開機之後都係煲下馭龍咁law,
點知煲左兩集之後勁攰頂唔順走左去訓,
訓醒都已經成5點半鐘啦=0="
再睇馭龍law哈哈=.="
晚飯食完之後又番房睇馭龍law=.="
因為我打算係今晚煲晒佢丫嘛,
點知一直係咁煲煲到得番2集既時候,
超多人同時間MSN到搵我=.="
唯有就去應酬一下,
點知一邊解決一邊人數係咁加=0="
結果一直MSN到2點幾鐘支持唔住啦走左去訓~~~~~~~~

咁晚諗住今日final所以早左去訓=.="
點知訓到落床都訓唔到=0="
因為琴日實在訓得太晏啦=.="
今朝起身之後食個早餐,
出去coles整番枝Red Bull先~~~~~~
第一次買玻璃樽裝特別有feel哈哈,

番到去407坐低hea一hea,
9點10分正式開始final exam,
先黎第一份paper係呢個reading,
開頭見有勁多頁頂做都嚇到呆左=.="
點知後尾做落先發現OK易下@@
佢比既時間係75分鐘,
但係我用左唔夠40分鐘就做完左=.="
之後仲要check完再check@@
跟住見真係冇野做唯有坐係到發呆=.="
點知Leanna見到我係到發呆,
走過黎問我係咪做完同check左未=.="
我答做完同check左之後佢就收左我份卷=.="
仲問我想唔想早D走去放break=0="
既然佢咁有誠意既我唯有就早走啦=.="
反正我留係試場都係得個呆字@@
走左過去408 comp lab到print野,
之後就番去試場到hea啦=0="
11點開波考第2份paper writing=.="
眾所周知呢一份係我能力最低既一份=.="
A level我writing係拎F Grade嫁=.="
收到題目之後都係3揀1,
一個鐘要求作350至400字,
可惜係香港A level寫開500字樓上=.="
一時叫我寫少比佢都唔知點寫=.="
結果寫下寫下興起又唔覺意寫左五百幾字=.="
死啦都唔知超咁多隻字會唔會扣我分丫=.="
完場12點之後出左去chilliz到食lunch,
番去上晏晝既elective,
不過經過早上既考試折磨加上飯氣攻心=.="
超無心機上堂不過其實個個都係咁=.="
抄屎佢都知嫁啦所以早左成半個鐘放人=.="
2點半放學冇咩野做當然係番歸=.="
點知行行下隻腳指比樹枝插到流血=.="
睇黎黎緊幾日都唔可以踏拖番學啦=.="
2點50分番到屋企第一時間解決左隻仲流緊血既腳指=.="
攪掂晒之後係個喼到搵番套suit出黎,
之後就當然係攞去熨啦=.="
攪左好一段時間終於熨好晒成set野=0="
冇計啦聽日presentation要用到焗住熨=.="
番到房再準備多一下聽日既presentation,
睇多一次D points係咁倚practice番次,
之後都已經係5點幾鐘啦=.="
開波繼續睇馭龍少年law追左成個week都未完=.="
晚飯食飯之後睇左陣電視,
broaderline同coastwatch,
take個bath之後仲係馭龍既時間,
睇下睇下原來已經11點幾鐘=.="
上黎打埋個Blog係時候要去訓覺啦=.="
聽日仲係final exam,
speaking同listening丫~~~~~~~~
過埋聽日就完左final啦~~~~~~~
之後再番去hea幾日就放暑假啦真好~~~~~
(其實唔好=.="
因為呢邊放假仲衰過冇假放=.="
因為真係完全冇野好做=0=")