唉死啦係咪個生理時鐘已經習慣左=.="
今朝又試磨到最後一分鐘先起身=.="
番到去57分啦又一路食三文治一邊上堂=0="
先黎既係個reading test,
終於有D進步今日呢個應該係小六中一既程度=.="
做完之後Leanne話叫我地作文,
10點開始之後10點半break,
break完11點去到12點全數個半鐘係比我地作文,
佢叫我地唔洗驚作大概250字左右就OK=0="
我當堂係呆左咁既口面=.="
呆左一輪之後開始動筆用左唔夠20分鐘寫左四百幾字=.="
之後就開始hea早左放break走人哈哈,
行左上去library咁遠到買野飲=.="
之後再係果到hea下坐下同人吹下水,
11點10分先再慢慢行番過去mac,
到步既時候遲左成17分鐘不過Leanne都唔理我哈哈,
因為反正我都係作完無野做lol
之後就一直係到hea同Ivan吹水吹到放lunch=.="
lunch去旺記到食完之後番左501到hea,
2點上elective終於見到走左幾堂既David,
一黎到我見佢坐後面同佢話唔係幾好喎,
之後佢話無所謂啦反正佢都係訓嫁姐,
點知"兩個人"行左入黎之後坐左係果張枱之後,
David馬上執野搬左上黎我張枱,
剎那間我同Wisker Kristen3條友笑到勁大聲,
其他人都係呆左唔知發生咩事既=.="
冇計啦係因為得我地幾個人知咩事哈哈哈,
上堂好無聊都係hea等放學,
放學之後番歸好鬼熱慢慢行,
番到去已經就黎5點hea一hea之後take個bath先,
番房之後都係MSN到同人chat左陣咁啦,
晚飯之後仍然係MSN無咩特別,
依家已經就黎11點啦,
聽日係31號即係話聽日又係新一個月上網開始計,
好成功今個月係冇爆到limit既=.="
剛剛check左今個月既用量係14.98GBwakaka~~~~
完全係神既行為用到啱啱好唔爆問你死未=0="
好啦又開始見攰差唔多係時候執野訓~~~~~~~~

琴晚明明已經好早去訓,
但係唔知點解今朝仲係好攰=.="
又試磨到最後一分一秒先起身,
番到去之後個人仍然係神智不清,
成朝無心裝在咁係到聽listening=.="
break之後係到講番個presentation,
好波又試抽到下星期先present,
咁就可以慢慢黎星期六日先準備=.="
lunch出左去chilliz到食"Nasi Lemak",
哈哈即係椰漿飯上面果個係馬來語黎的,
都係早2星期問Alfred先知lol
食完lunch之後番去hea等上堂,
今日晏晝個elective係pronounciation,
Maggie話幫我地練個presentation,
不過我係下星期所以叫佢幫左D有緊急需要既人先,
何況presentation我都唔洗點幫=.="
於是成堂都只係係到傾計=.="
3點放學就咁又完一日真係..........
放學之後無野做又走左去Tee佢地屋企滾攪左一陣,
5點幾番到屋企之後都係無咩野做MSN,
晚飯之後take個bath番房,
真係好悶於是決定再動用儲備.........
澳大利亞第十六套動畫儲備就係"神風怪盜貞德",
睇左2集之後都真係見好攰下=.="
依家其實都仲未夠10點=.="
真係唔知今日做咩事咁鬼攰=.="
所以都係及早上黎打左個Blog之後執野訓@@

是日澳大利亞國慶補假,
日曆紅字唔洗番學~~~~~~~~
今朝就黎11點先起身,
午餐出前一丁麻油麪,
食飽之後番房做功課,
先黎既係解決左個writing,
作篇400字既文一陣間就攪掂,
KO左之後就到個presentation draft,
真係超煩好唔想做不過冇計=.="
係final黎計成80個巴仙.......
如果唔做係會死人嫁=.="
做完之後hea一hea,
點幾鐘開波煲"同事三分親",
由上星期一一直煲到上星期四,
之後收到電話問我出唔出去打波,
見好內都冇打過啦而且係屋企都冇咩野好做,
於是換件衫就出左去行去Canning College到,
一直打到6點半先閃水,
太內無打啦完全唔識打=.="
係番屋企既途中經過chicken treat,
聞到好鬼香好想食=0="
自聖誕假果期狂食之後都好內無食=.="
點知番到屋企Susan就話佢今晚唔煮,
出去買chicken treat問我食咩野哈哈,
又會真係巧合得咁緊要既=0="
食完個晚飯好攰hea一hea,
take番個bath之後番房,
睇埋上星期最後一集既同事三分親佢,
依家10點鐘真係好攰下hea多hea去訓~~~~~~~~~~

今朝9點半番到黎就閃左去訓啦,
一訓就訓到今晚既7點12分先起身=.="
其實仲係幾眼訓下嫁不過見差唔多夠鐘食晚飯,
加上都真係訓左唔短既時間所以唯有起身啦,
起身之後仲係神智不清唔多清醒=.="
食完個晚飯hea一hea take個bath,
MSN到同人吹左陣之後先做左個reading task既功課先,
之後再hea一hea依家先11點幾,
不過又覺眼訓真係唔知講咩好=.="
係時候去訓啦聽日起身仲要做功課=.="

今朝一早未到8點就起左身,
之後先黎既就係洗左機白衫先,
攪掂左之後9點幾出門口,
搭車出去Northbridge先匯合Azoth兄,
之後pot black到篤番幾個鐘波,
點幾去左開心茶餐廳到食lunch,
食飽之後周圍行下hea下law哈哈,
3點開始一路慢慢行落去Swan River,
落到去3點半左右先黎霸個靚位,
之後就坐係草地到等人同等節目開始,
坐左唔夠一陣Could話剛剛送完Alfred上機,
依家飛車過黎搵我地喎,
4點鐘air show正式開始,
睇左陣4點半左右,
Tracy Coei Vincent等一行8人都到步,
之後成班人係到邊飲邊食邊睇air show,
一直坐到9點鐘整日既戲玉到啦,
就係煙花大匯演嘩超正,
話就話元旦果日已經係現場睇過一次煙花,
不過果晚果D都冇咩規模係咁隨便放幾十發,
得果短短幾分鐘而且今晚呢個真係好唔同,
有規模得黎仲要有背景音樂跟晒節奏咁放,
而且仲要比我霸到個靚位係正中間最前排哈哈,
我再向前行一步就會跌左落河嫁啦=0="
睇完之後個個都話正仲讚我做咩咁醒搵到個正位,
更係啦為左睇好野我琴晚刨地圖刨左成半個鐘,
之研究出呢一個咁好咁正既位置出黎~~~~~~
完場之後同Could Azoth先去食晚飯,
去左間新加坡餐廳到食正哈哈,
食完之後再到Hit Studio到,
匯合Cathy Fioyo Crasytal等一班人,
之後就一直係咁唱K唱到成4點先閃水,
一行人截部的去左Wisker屋企到鋤D同打乒乓波,
一直玩到今朝8點幾搭頭班車番歸,
番到屋企都已經9點半左右啦,
二話不說馬上去"訓"~~~~~~~~