琴晚雖然一早去訓,
但係可能係慣左夜訓,
結果係床上輾轉反側左勁內都訓唔著@@
今朝一早7點半都未到就起左身,
起身之後多日黎既早餐@@
食完之後8點未到就出左門口啦,
先去Coles到整左罐Red Bull,
355ml版香港仲未有嫁哈哈,
番到去超早第一個到放低野開冷氣,
之後出番走廊吹風同吹水=0="
9點鐘Leanne到步番入去準備開考,
先黎既係reading一份限時75分鐘,
打開第一題common sense唔洗睇都識答=.="
全球首富係邊個"Bill Gates"傻既都識=.="
之後連續好多條廢問題易到笑=.="
做完第一篇到第二篇仲易=.="
一黎詞解佢D字我識晒又唔洗睇直答=.="
之後叫我係篇野入面搵percentages,
搵到個"%"符號就得唔洗5秒抄完9題=.="
結果唔洗20分鐘就做完左份卷啦=.="
check完一次早走law唔係想點=.="
真係係入面同佢鬥坐咩戇居=0="
行出走廊發現我係全mac地區首個早走既人.....
行黎行去等其他人早走出黎同我吹水=.="
結果一直keep on都係見到自己班有人行出黎,
睇黎我地班真係特別勁哈哈係得我地班有咁多人早走,
10點10分左右我見到連Leanne都行埋出黎,
原來我地班人太勁全班學生都早走,
結果攪到連miss都有得早走真係笑死=0="
放左成個幾鐘break 11點鐘番入去,
到writing份paper限時一個鐘350字=.="
大佬點作咁少比你丫玩咩=0="
一於好少理當佢個word limit冇到哈哈~~~~
作要作到加紙tim真係好內無加紙啦=.="
加紙個感覺真係幾爽嫁=0="
結果加完紙都係好快作完真激氣=.="
proof read左2次之後望下鐘11點50分,
早走10分鐘唔係好過份姐交卷走人=.="
lunch去左旺記到食食完番去等上堂,
本身諗住走堂嫁啦不過見番歸又冇咩野做上下law,
上到去先黎半個鐘做問卷調查=.="
之後discuss左半個鐘law都係hea同傾計=.="
2點鐘Deb話見到我地個個都好攰=.="
之後D人係咁和應話因為今朝考完試,
之後又話算啦一個二個冇心機上早走=.="
真係吹漲又有得番歸lu@@
番到去先黎hea一hea之後再prepare一下聽日個present,
係咁隨口practise左2轉KO唔理lu聽日聽天由命啦,
之後開始繼續煲"神風怪盜貞德",
6點半take個bath等晚飯真係日日都咁有規律=.="
晚飯之後仍然係神風怪盜貞德,
依家都10點幾lu又係時候去訓,
因為聽日仍然係有試要考既~~~~~~~~~~

今朝10點幾起左身之後,
食左多日黎都冇食既早餐,
之後番房開機開始煲儲備,
仍然係"神風怪盜貞德",
煲幾集停一停去practise一下下星期2個present,
一直係咁過左成日=.="
結果係無食到lunch既@@
6點幾超熱take完個bath等食飯,
飯後睇左陣電視之後番房MSN,
依家就黎9點半聽日考final,
所以都係決定早D去訓,
廢事一陣又起唔到身就死得=.="

今日爽啦一覺訓到點半仲要有多先起身,
起身之後先黎既好重要既事當然係洗衫啦,
放晒機白機開機之後就係時候到食早餐既時間,
又係合味道杯麪law 一D特別都無,
食完之後番左房hea一hea先,
洗完一機衫晾好左再洗多機黑色,
機黑色係嚴重地多因為上星期無時間洗,
積左2個weeks既黑色only牛仔褲都6條=.="
放晒入洗衣機之後番房開始睇同事三分親,
又係積左成個week由星期一開始睇,
睇左2集之後又係時候可以去晾衫,
嘩晾機黑色真係攞命出面熱到乜咁=.="
短短幾分鐘已經出晒汗成身濕晒=.="
之後再黎洗多機雜色真係好多衫要洗丫=.="
番到房再黎仍然係同事三分親,
再睇多2集又係時候可以去晾衫,
晾埋呢機終於洗完晒D衫啦望下鐘已經4點有多=.="
MSN發現老媽子叫我撥個輪比佢,
講完個電話就黎5點睇埋最後一集同事三分親先,
睇完晒之後無咩野做MSN搵人吹左陣水,
7點幾睇天氣今日又試過40=.="
記得今朝上香港天文台網睇香港今日最低得3度=.="
對比真係好嚴重冬天快D黎啦=.="
anyway香港方面既友人要保重身子,
睇完天氣之後收衫接完一大輪就8點,
先去take個bath之後等食飯,
今晚又係有扒食正而且又有勁大隻既蘑菇食正,
食飽之後花園hea一hea番房,
睇最新2集既結界師真係超正,
當年如果冇揀到呢套動畫黎睇就真係蠢,
依家都覺得自己好醒當年揀左呢套咁正既野黎追,
睇完之後hea下咁啦依家都11點幾,
hea多陣去訓lu無咩野好做~~~~~~

PS  不過今晚又係好熱太早去訓又未必訓到@@

唔經唔覺又一個月,
今日已經係2月啦,
新一月新開始真係好行既開場=.="
不過今日真係有一個好開始=.="
琴晚既預感完全係準確無誤=.="
今朝真係遲到哈哈,
係一個好好既開頭for 2月=.="
同時都係一個唔錯既完結for今周=.="
黎左呢到咁多日第一次遲到哈哈,
不過今日因為係最後一日,
所以Leanne唔計我地遲到,
早知係咁就再遲多少少啦=0="
番到去派番星期3做果個小六程度既reading,
只係比人扣左一分真係幾無奈=0="
之後到writing 4.5分out of 5分,
又係全班最高分真無引=.="
上個mod D writing分係愈來愈跌,
今個mod D writing分反而係愈來愈升=.="
睇黎我D英文都真係有進步到既,
之後都係係到得個hea字又放break,
放學之後先去library print一print野,
for下星期2個presentation用,
print完野之後就出左去city行逛一下啦,
其實出去都真係無咩特別,
只係純粹唔想咁早番屋企姐=.="
先去開心茶餐廳食番個lunch正,
食完之後周圍逛下經過間亞洲食品,
入到去比我發現左樣正野,
就係統一麥香奶茶啦~~~~~~~~~~~~

真係超正好內無飲過啦,
因為唔知點解係香港好似消失左咁搵唔到地方買,
所以已經忍唔住馬上買番排先,
係香港入開罐裝紙包裝都係第一次見,
買完呢個過番去city果邊無無聊聊咁,
決定搭免費貓車過Harbour town行下,
到步Harbour town之後兜左個圈,
3點半搭番免費貓車番city=.="
之後就係city行行逛逛浪兜=.="
4點幾頂唔順真係無野好做搭車番屋企,
番到去望下鐘5點幾就黎6點,
番房開機上網check下email咁law,
7點出左廳等食晚飯,
吃飽之後係花園hea左好內下=.="
8點幾take完個bath都就9點,
MSN左好幾個鐘law無咩特別=.="
依家都已經11點幾啦,
係時候hea多陣訓聽日好多衫要洗@@

PS  下星期又final啦時間真係過得快@@

情況真係一日比一日嚴重啦=.="
今朝玥創遲起身既紀錄=.="
今日趕到連拎三文治都唔記得左=.="
番到去8點59分57秒=.="
真係啱啱到冇得再啱啱嫁啦=0="
一黎就係presentations,
我好好彩抽中下星期二所以今日唔洗做,
主要都係無聽係到發呆既=.="
完左8個人放break lu,
因為今日根本只係安排左8個人,
同Ivan Salton Surbash行左上去library買野飲,
break完之後到左listening既時間,
12點lunch break出左去chilliz到食,
完番都只係12點21分行番去Curtin,
無無聊聊無野做直接行去課室到坐住得上堂=.="
1點鐘又到左pronunciation既elective,
都係好無聊既一堂hea過左,
放學先去Coles到兜個圈無野買純粹陪下人,
番到去4點多少少飲杯凍飲番房開機,
都係決定攪掂左下星期二個present既講義先,
先得要整個準備係OHT display既膠片,
之後再黎既就係打左個講詞佢,
諗完左個Intro同打左第一段之後望下鐘6點幾,
睇天熱而且今晚係星期四,
所以先去take左個bath先,
因為逄星期四日係花園個自動灑水系統日,
一到7點佢就會自動運作,
如果我唔係7點之前take完個bath,
就要等到佢灑完水即係8點半=.="
沖完個涼hea一hea出去睇新聞等食飯,
今晚食fish & chips OK正哈哈,
食完之後睇埋個amazing game,
係我係澳大利亞除左新聞之外而睇既2個節目其中之一,
完左8點半番房解決埋個講詞佢,
攪掂晒之後都就10點哈哈,
撥個輪搵Houston問候一下,
佢話Sdyney依家落緊勁大雨=.="
唉真無奈一聽到落雨就火,
Perth呢到已經足足個半月有多冇落過雨啦@@
吹左個幾鐘發現唔知幾時天光又多左隻大蜘蛛=.="
講完左個電話之後就先黎KO左隻野=.="
噴開噴順手解決埋洗手間同浴室果幾隻=0="
因為只要唔係我房我又懶得專登走去噴=.="
所以toilet同bath room果D多數都係比我ignore左佢=.="
結果一次過KO左9隻spiders@@
之後hea左陣啦依家都已經11點40分=0="
睇黎係時候去訓如果唔係聽日會遲到=.="