琴晚本來打算唔訓等天光=0="
點知去到3點幾果時又真係好眼訓喎=.="
為左避免今朝起唔到身,
最後又諗埋D變態方法=0="
就係開晒成房D燈個mon又唔熄,
今朝一起即時被強光照到冇得唔起身@@
6點幾起身之後食埋個早餐都已經7點半鐘,
見部電腦開左差唔多2日都冇咩點熄過,
於是就熄埋部腦之出去等佢休息下,
搭MTR去到藍田都只係8點鐘多D,
諗住我咁早到一定冇咩人啦,
點知過到去入境處果邊嚇到我傻左=.="
居然已經有成二三百人係到排緊隊=.="
眼見勢色唔對即時搵左個龍尾排隊先~~~~~
坐低之後係個袋到拎番罐啡出黎飲,
飲完之後先得果8點3,
問題入境處要9點鐘先開門,
眼見無所事事本來諗住聽歌點知唔記得帶headphone=0="
於是就唯有係到玩俄羅斯方塊@@
終於等到9點鐘開始派籌啦~~~~
一直等到9點半先輪到我拎籌,
張籌寫住預計時間11點半到12點,
仲有咁多個鐘又冇咩野做,
於是走左上去啟田到行下,
不過好多鋪都仲係未開門,
10點半鐘真係悶到不得了啦,
反左落去入境處到坐@@
又係俄羅斯方塊.......................=.="
等丫等去到11點多D終於到我,
好彩悶得濟早左番落黎姐,
埋到counter比張方佢咩都唔洗攪就叫我等比錢,
真係快手到不得之了=.="
本來諗住等比錢好快所以冇搵位坐,
點知企到我腳都軟仲未到我比錢=.="
最後12點3先終於到我比錢=.="
一比完錢即時打番去航空公司果邊confirm番個時間,
攪掂晒一切終於可以番屋企=.="
行左去警署果邊搭巴士,
番到屋企都已經成點幾鐘,
食完個lunch又係開番部機,
左hea右hea眨眼間到左4點,
比丫媽捉左落去銀行,
因為佢話個web account用唔到,
我話一定係銀行問題佢又屈我唔同佢整=.="
於是我就同佢落去攪清楚~~~
攪左成粒鐘個職員都攪唔掂,
之後仲要叫埋個manager出黎攪,
係咁攪左成個幾鐘先攪得掂,
一早就話係銀行有問題啦=.="
攪掂晒之後望下個鐘都已經5點3,
於是冇番到屋企就直接出埋去lu,
好彩我醒目一早預左佢有排攪,
所以拎齊晒野先落銀行~~~~
出到去觀塘6點半先匯合震宇同佢個fd,
之後就一齊出左去旺角,
我同震宇係預早左因為2個都要去旺電買野,
買齊晒野之後又過左去星際行下,
7點番到旺角MTR恆生等人,
等左一陣見到源兄上去打個招呼,
等到7點3人到左一半左右,
開始有D悶個個都喊話咪係到等去打住機等@@
於是成班人就上左去新之城打機,
不過去到又個個唔係好想打=.="
結果就7點半上左去Newau拎房先,
本身係book左8點鐘@@
拎完房見人未到齊,
個個走左去拎野食先=.="
buffet有好多野食,
不過好食既野就唔係有好多,
有都好快比人拎鬼晒=.="
8點鐘人開始到齊亦開始有人唱歌,
一路唱一路有人keep住黎join,
去到10點終於齊晒15個人,
成班人一直係到唱唱唱,
去到差唔多12點鐘泰霖話要早走擺低錢就閃左人,
我地成班人continue係到唱,
過左一陣有個職員拎個cake同枝香檳入黎問邊個生日,
個main point係冇人生日哈哈,
果個係farewell cake黎的@@
最後成班人一直玩到2點鐘先埋單走人,
又冇左百幾蚊真係愈來愈窮=.="
落到街搭部通宵巴N293番屋企,
不過部野兜足成個將軍澳,
一直係咁兜兜兜兜到3點2個字先到總站,
去到總站成部車得番我一個人=0="
兜左成個幾鐘通宵巴個人都比佢兜到傻下傻下=.="
落車之後好鬼攰行快2步番屋企,
今次係我第一次搭通宵巴,
原來通宵巴巴分段收費係調番轉,
仲有就係落車先比錢,
而且係上落都係車頭,
真係唔搭過都唔會知@@
番到屋企咋咋淋沖完個涼吹埋個頭,
3點半終於有得去訓覺啦~~~~~~~~~~~ | | |
