到啦到啦終於到左考physics既大日子啦~~~~~~~~
琴日本來諗住一早去訓,
等今日有充足既精神迎接咁重要既日子,
點知琴晚可能因為太興奮,
知道仲有唔夠24小時就physics永別=.="
攪到成晚係張床到輾轉反側都完全訓唔著丫=0="
之後又係到諗埋D無為野,
我終於諗通左點解physics我會攪到今日咁既地步=.="
原來當初係因為揀錯左科目=.="
睇下下面張圖就會明白一切..........
上面幅圖有最我讀既6科A level科目既中文全名,
唔計physics其餘5科都係可以link埋的..........
只有physics係完全link唔埋,
試問讀書做唔到"融會貫通"又點會讀得好呢=.="
好簡單呢個就係我依家D physics咁差既原因啦=0="
其實都係純粹作出黎發洩下................
去到凌晨4點幾果時仲大濟...............
唔知係興奮得濟定緊張得濟攪到胃痛><"
本來諗住起身啪番2粒panadol,
點知原來屋企已經冇鬼晒=.="
唯有死死地番上床到輾轉反側=0="
最後去到6點半alarm clock響成晚冇訓過.........
大獲啦今次非常擔心一間考一半訓左=0="
胃痛左成晚快D食番D野等個胃有番D野做冇咁辛苦,
整左個麪不過因為太眼訓攪到冇咩胃口,
不過都迫自己食晒去=.="
因為我知道唔食晒去一間考一半胃痛就大獲,
之後沖左杯奶茶飲完都仲係好眼訓呢.............=.="
開電腦上網check下天氣方便applied風水~~~~~
點知一開電腦我都feel到有D唔對路=0="
上去NOD 32到download左trial version,
發現中左5隻Trojan Horses真係唔知講咩好=0="
發現今日將有狂風雷暴同大雨,
大雨即係水啦~~~~~~~
五行水對土有利因為滋潤土壤~~~~~~
於是去衣櫃到搵左件土紅色既T-shirt黎著,
之後再帶埋條土紅色既佛珠,
上面刻有六字大明咒既果6隻字既藏文~~~~
" ༀ་མ་ཎི་པད་མེ་ཧཱུྃ "
之後再係屋企搵黎各方神仙既卡片,
放係銀包到旁下身求個安心都好~~~~~
先黎有我國道家既其中一個代表人物：
純陽呂祖先師即係呂洞賓~~~~~
之後請黎既另一位係佛家比代表人物：
當然就係如來佛祖啦~~~~~~~
攪掂晒D風水學既佈局,
之後就等埋個NOD 32同我del埋D Trojan Horses~~~~
KO晒可以準備出門口啦,
不過仲係好眼訓差D唔記得左一件事,
就係要出動到"Carol Fans"之前派比每個學生各一粒既"仙豆",
佢叫我地係自己最唔掂當果科食,
咁我當然就要留係physics食啦,
粒野一啪之後唔知係真係咁勁定點=.="
當堂立即馬上成個人醒晒完全唔眼訓..........
好啦真係執齊野就向試場出發~~~~~~~
去到試場都已經8點10分入到去坐下,
見到幾個彩天傾下傾吹下水,
佢地問我做咩佢地坐左咁內都冇咩人黎,
我一入去就個個人跟住好多人入去=0="
問我好唔好唔好咁型喎..........
之後吹水先發現今日唔計我足足有10個彩天係到考=0="
好似變左我地主場咁真屈機..........
之前就一早知Sing係果到唔係彩天的~~~~
好啦8點3可以入得hall啦,
係行緊去果段路開始落雨,
黎料啦風水學既佈局要等佢落雨先有效,
點知一黎就落真係天助我也XD
入到去坐低極度無奈=.="
做咩事又係Penny做正我前面.............
真係有緣得離奇=0="
我坐成個hall最右手邊果行,
隔離成幅高牆加上係正我隔離條柱有部閉路電視影住我=0="
攪到成個右手邊好有壓迫感好唔舒服,
正係到諗緊有咩解救可以化解呢個環境學上既設計時,
見到我左手前一個條友開始攪事=.="
我懷疑條友專係為擾敵而攪事=.="
無端端拎左勁大枝白花油出黎左索右索左搽右搽,
攪到好鬼大陣味啦頂=.="
之後佢拎文具出黎又玩野啦.........
一野鋪5個改錯帶出黎想點=.="
靠唬咩我先唔驚你......
點知條友仲未玩夠走去舉手=0="
開頭估緊佢想點點知係真係估唔到.........
佢同miss講話好熱問可唔可以開大D個冷氣,
miss話得轉個頭都未去到部冷氣機到禁掣,
佢自己即刻著2件褸上身=.="
果一刻已經好有衝動想衝上去打佢=0="
係咁係到玩野係到攪事=.="
之後個miss仲玩野我都唔知佢想點,
佢行到埋個掣係正我隔離睇住佢禁,
我唔知佢一格係幾多度就算當佢一度都死=.="
因為個miss唔知癡左咩線一野喪禁5格........
部冷氣機係正我頭頂吹到我都唔知講咩,
不過比佢咁樣開一開又好似冇左頭先幅牆既壓迫感~~~~
念左呢樣唯有就咁算啦~~~~~
之後開始派卷同講廢話啦,
台上面條友唔知點解我成日覺得勁似肥波..........
好啦8點7正式開考lu,
一黎打開份卷望晒一次先,
有成2題wave咁多真係high high,
即時唔理三七二十一做左呢2題先,
不枉我收到消息之後狂煲wave,
2題wave係完全可以執晒分就咁拎左23分.......
之後就開始慢慢磨其他parts,
識既就當然照做啦,
唔識既就開頭個寫條式潦兩潦搏拎method分XD
左填右填已經超過左32分即係呢份已經一定pass到啦~~~~~
超開心於是開始hea下做下睇下景哈哈=.="
不過開始又有D事發生,
就係唔知點解個hall咁廢唔識收聲=.="
考緊試人地落堂個鐘係咁照響嘈得住晒=.="
鐘聲過後依然係到盡磨填得多一分得一分嘛,
點知出面開始落雨攪到成個hall愈來愈凍,
我正想舉手叫佢閂細D個冷氣既時候已經有人做左,
不過個死人miss唔知想點=0="
之前落5格依定上1格..........
根本就係冇分別凍到我晒雞皮=0="
連我都話凍可以想像到係真係好凍=.="
好彩我身子強健姐如果第2個應該已經凍暈左=0="
過多一陣開始人有三急=.="
不過見仲有得磨唔想走左去晒左D時間,
做到題plot graph題攪到我又做型野=.="
因為唔記得拎舊擦膠出黎舉手拎得黎仲麻煩,
結果走左去用改錯帶塗完再用沿筆寫............
終於攪完個graph正著舉手話去解決既時候,
佢宣佈得番15mins冇得郁呢............
算啦15mins頂埋佢反正都已經忍左好內=0="
點知個死肥仔講完得番5mins之後,
自己係咁係到撕膠紙完全唔睇個鐘,
過左成2分鐘佢先坎過去睇下個鐘,
發現自己衰左仲要扮晒野企係果到望多成廿秒先過去慢慢開咪,
結果係多左成3分鐘益晒D人law=.="
收完卷快手執完野走人,
點知佢又話有特別宣佈,
原來係掛左紅色暴雨警告,
不過叫我地晏晝要照番黎考,
咁就緊係啦試下改日子丫啦=.="
我一定去考試局攪事........................
閃水一出hall門口見到神父企左係到我先知佢同我同一間考,
我問佢做咩咁快手出左黎,
結果佢答我"係丫一早做得完啦,
之後仲check左2次都冇問題,
又寫鬼晒D題目入面咁鬼凍咪早D出黎law=.="
當堂汗晒串到我冇聲出........
唔理佢去左解廁所決先好多人排隊,
lunch同橙同泰林去左五十嵐到食lunch,
行緊去既時候問泰林考成點,
因為我琴晚見佢xanga話佢想拎C,
點知話要淪落到同我同一個目標拎E=0="
去到五十嵐D waiter態度勁差茶又唔倒,
叫野食又唔理人都唔知想點=.="
結果等左好內個餐先黎攪到冇晒胃口=.="
加上琴晚唔夠訓真係好飽..........
結果個餐食左一半都唔知有冇就冇食啦~~~~~~
食飽行番學校點知落雨,
不過見差2步路把遮又係袋懶去拎=.="
於是就索性唔拎淋下雨算啦哈哈,
等雨水滋潤下D土既風水佈局,
番到去好多時間淨坐下企下行下,
泰林話走去廁所結果攪到我有笑野睇=.="
因為呢間學校勁fake人..........
女廁門口個公仔係綠色,
但係男廁門口個公仔反而係紅色=.="
調鬼轉左泰林又唔知係咪down左2個grades灰到癡左=0="
佢居然認左綠色就行入去,
結果幾秒鐘後係女廁入面傳黎多聲既尖叫.............
之後佢先知樣衰左行番出黎,
唔好諗住就咁完好戲在後頭..........
當佢行緊出黎既時候有另一個男仔,
見佢行緊出黎就望都唔望諗住冇錯入左去=.="
之後我聽到入面班女仔係到勁笑,
真係冇計唔係講笑我都差D比佢地笑到半死........
足足笑左成10分鐘=.="
點3入得hall啦入去坐好之後佢派野,
點知派好晒野就搭半開始佢又話有特別宣佈=.="
我心諗唔係咁玩野依家先話有得走唔考丫.........
原來唔係係因為紅雨將延遲15分鐘開始=.="
之後即刻勁多人舉手去廁所,
仲有好多人趴低訓覺...............
我鬼唔望班友訓左之後唔醒XD=.="
成個hall一遍死寂個個係到呆等,
依個時候又周圍睇下景,
之後發現今次到miss擾敵=.="
呢個miss上午唔係到的係晏晝先係到..........
佢著年露臍衫仲要係咁係hall個台上面行黎行去=.="
依家叫你行cat walk咩又唔係話靚=.="
仲有唔夠2mins就開波又有人擾敵=.="
有條友舉手又諗住咩事...........
點知真係又一次估佢唔到,
居然係舉手話加5張算草紙=.="
拎黎執底咩都癡鬼線既=.="
miss都唔so佢啦話叫佢開考用完先舉手加哈哈~~~~
終於開波啦出面都開始狂落雨............
先黎做mc題目,
開頭做幾題諗住考試局比D甜頭我姐,
做多10題開始諗今年份mc真係好易喎,
去到第12題突然諗起wilson liu=0="
畫成其物隨體詰詘答案是也XD
做到第廿幾題我已經認為佢係派錯卷=.="
呢份咁既physics mc完全係cert. level...........
簡單到我係咁偷笑=0="
完全係我呢2年預科做過咁多份mc入面最易既一份,
今年份mc最特別之處就係首年出現,
(2)only呢一個choice~~~~
之前咁多年一直都係冇既,
可惜考試局又做左傻仔啦=.="
咁多年都冇突然今年有仲唔係題題有,
擺明就係話比人聽果個就係答案=.="
用左65mins做完mc轉左去做essay既部份,
一打開見到第2題係wave唔好理佢三七二十一即刻飛撲埋去做左先=0="
做完之後我已經high到不得了=.="
串咀講句我only做左呢題我essay果part都夠pass,
其餘2題essay豪比你唔做都得=.="
不過太多時間啦點都要做下磨時間既~~~~
揀揀題目先一望第三題E&M話知你深定淺即刪,
之後再望見到第5題a part都識喎做住先啦,
反正都已經合左格慢慢黎,
做完個a part之後個b part完全唔識=.="
個c part 第一part我知道係out左sly的冇溫由佢,
再望第二part又係wave真係high到跳舞=0="
唔理即刻喪爆係咁起執寫寫寫~~~~~~
攪掂之後見仲要揀多一題就望下啦,
第一題太麻煩啦唔係好想做,
而第4題我係識晒個experiment果個part,
於是就決定做第4題執鬼左佢part experiment,
因為呢到肯定係執硬果隻~~~~~
終於攪掂晒essay lu望下大鐘仲有成45mins=.="
於是番去望下mc數番題邊個choice揀左幾多題,
計完之後發現B既題數太多,
於是就睇番撞果D題目,
如果真係亂撞而撞左B既都改番唔係B,
因為考試局應該係分佈得好平均唔會咁突兀寧舍一個多咁多的~~~~
攪掂晒可惜仲有成15mins=.="
於是又開始一個極度無聊既行為,
就係幫D mc填色填滿晒個格仔佢=0="
攪掂都仲要有10mins淨唯有執野坐係到hea=0="
收完卷出到去好多人係咁嘈話份mc好難=.="
死得啦到底係我問題定佢既問題丫...........
不過要對自己有信心先得嫁嘛~~~~~~
今次physics可以合格真係興奮到不得了lol
2年黎完全冇讀過physics,
就係係呢個programme入面讀得果幾日only都可以pass真係high到不得了,
攪到我又作左句頂引野~~~~~
CE拎條C 根底好D 拎E舒服D 哈哈哈哈,
好啦終於完成左艱辛既physics之旅,
我既心情完全就係好似考完晒咁樣樣,
今日physics一pass入U已經係達到1000%~~~~~~
番到屋企睇電視hea hea佢先,
晚上走左去對mc結果居然中左28題真係爽死,
好啦今次真係真真正正可以同physics講番聲再見啦~~~~~
今日既成功唔知係好彩丫,
定係命中注定我命不該絕丫,
定係我今朝個風水局佈得好~~~~~~~~
今日實在太多野寫啦=.="
攪到個Blog打左成個幾鐘.................
依家已經2點幾就3點=0="
問題係唔知點解仲好精神,
唔通粒仙豆真係勁咁咁=.="?!
PS 今天似乎好像一切也順利得很,
好像是特別為我而設的一天,
天氣也是一樣的跟我名字貼切,
也是一樣的跟我心情貼切~~~
"雨去晴來"依家考完physics就真係一天都光晒啦~~~~
要記住丫"縱使今天要面對像暴風雨般的挫折,
但只要努力,
永不放棄,
前路從會是晴天~~~~~~~"
